பதில் தேடுகிறேன் தொடர் 4

 🙏 பதில் தேடுகிறேன் தொடர் :--4

சச்சு வின் குழந்தை பத்மா தூக்கத்திலிருந்து எழுந்து பசியினால் அழும் சத்தம் கேட்டு அவசர அவசரமாக இயற்கையை புடவை தலைப்பில் துடைத்துக்கொண்டு சீதாலட்சுமி குழந்தையை துளியிலிருந்து தூக்கினாள்!

குழந்தைக்கு 11 மாதம் ஆகிவிட்டது நன்றாக நடக்கிறது! தானாக சுவற்றை பிடித்துக் கொண்டு நடந்து போய் மாடிப்படிகளில் தவழ்ந்து தவழ்ந்து ஏரி தன் அம்மா சச்சு இருக்கும் அறையின் கதவின் அடியில் உட்கார்ந்து கொண்டு அம்மாவின் முகத்தையே பார்த்துக்கொண்டிருக்கும்! சச்சு குழந்தையைப் பார்த்து ஏங்கி "அம்மா பத்மா உனக்கு நான் ஆசை ஆசையாக பெயர் வைத்தேன் என்னை பிழைக்கை வைடி"என்று அழுவாள்! குழந்தை பத்மாவுக்கு ஒன்றும் புரியாது! அதற்குள் கீழே இருந்து யாராவது வந்து குழந்தையை தூக்கிப் போய் விடுவார்கள்! தாய்க்கும் மகளுக்கும் உள்ள உறவின் நெருக்கம் எட்டு மாதமாக அவ்வளவே!

குழந்தை பத்மாவுக்கு தாய்ப்பால் இல்லாததால் பசும் பால் வாங்கி கொடுக்க கட்டுபடியாகாது! ஆகவே எருமைப்பால் தான் கொடுப்பது வழக்கம்! எட்டு மாதம் முதலே சாப்பாடு கொடுக்க ஆரம்பித்துவிட்டார்கள்! குழந்தையும் நடக்க ஆரம்பித்து விட்டது! ஆனாலும் பெரியவர்கள் எல்லாம் இந்தக் குழந்தை இனிப் பிழைக்காது என்றுதான் அடிக்கடி சொல்லிக் கொண்டிருந்தார்கள்!

மாமி மீனாவுக்கு குழந்தை பத்மா என்றால் ரொம்ப பிடிக்கும்! இன்னும் ஒரு மாதத்தில் குழந்தைக்கு ஆண்டு நிறைவு வருகிறது!!

சச்சவுக்கு ஆகும் செலவுகளை சமாளிப்பதே ரொம்ப கஷ்டமாக இருக்கிறது!

எப்படி ஆனால் என்ன.... சீதாலட்சுமி குழந்தையின் அப்பாவிற்கு அதாவது பத்மாவின் அப்பாவிற்கு குழந்தையின் ஆண்டு நிறைவுக்கு பணம் அனுப்பவும் என்று தகவல் அனுப்பி விட்டாள்..

சென்னையிலிருந்து பெரிய பெண் ஒருமுறை இங்கு வந்தபோது மாடி பக்கமே கண்ணை கூட திருப்பவில்லை! வந்த வேலையை முடித்துக்கொண்டு கிளம்பி விட்டாள்! அவர்கள் குடும்பம் ரொம்ப பெரியது! அவளுக்கு மே மூன்று பிள்ளைகள் இரண்டு பெண்கள் மாமனார் நாத்தனார் வருவார் போவார் என்று ஏகப்பட்ட கூட்டம்! நாளுக்கும் பொழுதுக்கும் வேலை சரியாக இருக்கும்!

சரஸ்வதி நாட்களை எண்ணிக் கொண்டு இருக்கிறாள் என்பது அவளைத் தவிர மற்றவர்களுக்கு தெரியும்!

நாட்கள் ஓடியது! குழந்தை பத்மாவின் காது குத்து விழாவுக்கு இன்னும் இரண்டு மூன்று நாட்கள் தான் இருக்கு!

அன்று காலை வழக்கம்போல் டாக்டர் மாடியில் போய் சச்சுவை உடல்நலம் விசாரித்துவிட்டு நாடி பிடித்துப் பார்த்து எல்லாம் வழக்கம்போல் நடந்தது!

அதேநேரம் சச்சு மிக அதிகமாக ரத்த வாந்தி எடுத்தாள்! டாக்டர் உடனே சச்சுவின் அண்ணன் ராமனை கூட்டிக்கொண்டு கீழே இறங்கிப் போனார்!!......ஏ.வி.பிரேமா!!!!