உருளைக்கிழங்கு கிச்சடி

 உருளைக்கிழங்கு கிச்சடி

 தேவையான பொருட்கள்

வெங்காயம் - 1

பச்சை மிளகாய் - 2

தக்காளி - 1

உருளைக்கிழங்கு - 1

தேங்காய்த்துருவல் - 1 டேபிள் ஸ்பூன்

மஞ்சள்தூள் - 1/4 டீஸ்பூன்

மிளகாய்த்தூள் - 1/2 டீஸ்பூன் பெருங்காயத்தூள் - 1/4 டீஸ்பூன்

கடுகு உளுந்து - 1/2 டீஸ்பூன்

மிளகாய் வற்றல் - 2

இட்லி மாவு - 1 டேபிள் ஸ்பூன்

கொத்தமல்லி தழை - சிறிது

கறிவேப்பிலை - சிறிது

உப்பு - தேவையான அளவு

எண்ணெய் - 2 டேபிள் ஸ்பூன்

 செய்முறை

1. உருளைக் கிழங்கை தோல் சீவி நறுக்கிக் கொள்ளவும். வெங்காயம் மற்றும் தக்காளியை பொடியாக நறுக்கவும். பச்சை மிளகாயை நீளவாக்கில் கீறவும். 

2. ஒரு சிறிய பிரஷர் குக்கரில் எண்ணெய் விட்டு சூடானதும் கடுகு உளுத்தம்பருப்பு மற்றும் மிளகாய் வற்றல் சேர்த்து தாளிக்கவும். 

கடுகு வெடித்ததும் பொடியாக நறுக்கிய வெங்காயம் மற்றும் பச்சை மிளகாய் சேர்த்து வதக்கவும். 

3. வெங்காயம் வதங்கியதும் தக்காளி மற்றும் கறிவேப்பிலை சேர்த்து வதக்கவும். மிதமான சூட்டில் வைத்து வதக்கவும். 

4. தக்காளி வதங்கியதும் நறுக்கிய உருளைக்கிழங்கு சேர்த்து பிரட்டி மஞ்சள்தூள் மற்றும் மிளகாய்த்தூள் சேர்த்து 2 கப் தண்ணீர் ஊற்றி மூடிவைத்து 4 விசில் வரும் வரை வேக வைத்து இறக்கவும். 

5. பின் குக்கரில் இருக்கும் ஆவி அடங்கிய பின் வெந்த கலவையை லேசாக மசிக்கவும். அதில் பெருங்காயத் தூள், தேங்காய்த் துருவல் மற்றும் இட்லி மாவு சேர்த்து கலந்து மேலும் 1/2 கப் தண்ணீர் சேர்த்து கொதிக்க விடவும். 

6. கிச்சடி கொதிக்க ஆரம்பித்ததும் பொடியாக நறுக்கிய கொத்த மல்லி தழை சேர்த்து மேலும் 2 நிமிடங்கள் கொதிக்க வைத்து இறக்கவும்.