மராட்டிய மண்ணின் ஆன்மீக நினைவுகள்- பகுதி 22

மராட்டிய மண்ணில் ஒரு பயணம் 22      கோலாப்பூர்

Google கதை தொடர்கிறது…

இந்தியாவில் செல்வத்துக்கும் செழுமைக்கும் பொறுப்பான கடவுளாக துதிக்கப்படும் ஸ்ரீ மஹாலட்சுமி தெய்வத்துக்காக இந்த கோயில் உருவாக்கப்பட்டுள்ளது. கோலாப்பூர் நகரின் மையத்தில் இந்த புராதனமான பழமை வாய்ந்த கோயில் அமைந்துள்ளது. பெண் தெய்வமான சக்தி எழுந்தருளியுள்ள 18  முக்கிய ஆன்மீக ஸ்தலங்களில் இதுவும் ஒன்றாக புராண சாஸ்திரங்களில் கூறப்பட்டுள்ளது.இங்குள்ள மஹாலட்சுமி தெய்வம் பக்தர்களால் அம்பா பாய் என்று பிரியத்துடன் அழைக்கப்படுகிறது. வருடந்தோறும் லட்சக்கணக்கான யாத்ரீகர்களும் பக்தர்களும் இந்தக்கடவுளை தரிசித்து வேண்டி செல்கின்றனர்.

ஸ்ரீ மஹாலட்சுமி கோயில் இருப்பதாலேயே கோலாப்பூர் இந்தியாவில் ஒரு ஆன்மீக பக்தி ஸ்தலமாக விளங்குகிறது என்பது குறிப்பிடத்தக்கது.சாளுக்கிய அரச வம்சத்தை சேர்ந்த கரண்தேவ் மன்னன் ஏழாம் நூற்றாண்டில் இந்த கோயிலை கட்ட ஆரம்பித்ததில் இருந்து  இக்கோயிலின் வரலாற்றுப் பின்னணி துவங்குகிறது.

இக்கோயிலின் கட்டிடக் கலை வடிவமைப்பு பிரசித்தி பெற்ற ஹேமந்த்பதி சிற்பக்கலா மற்றும் கட்டிட வடிவமைப்பு முறையை பின்பற்றி அமைக்கப்பட்டுள்ளது. பின்னாளில் எட்டாம் நூற்றாண்டில் யாதவ அரச வம்சத்தினர் இந்த கோயிலை அழகுபடுத்தி மேம்படுத்தியுள்ளனர்.

இந்த மஹாலட்சுமி கோயிலின் ஒரு சிறப்பம்சம் என்னவெனில், ஒவ்வொரு நாளும் சூரியனின் கதிர்கள் தெய்வத்தின் சிலையில் பட்டு மயக்க வைக்கும் தங்க நிறத்தில் பிரகாசிக்கும் படி அமைக்கப்பட்டிருக்கிறது.நவராத்திரி போன்ற திருவிழாக்களின்போது பக்தர்கள் இந்தியா முழுவதிலும் இருந்து மஹாலட்சுமி தெய்வத்தை தரிசிக்க கோலாப்பூரில் திரள்கின்றனர். அச்சமயம் கோலாப்பூர் நகரம் முழுவதும் விழாக்கோலம் பூண்டு வண்ண மயமாக காட்சி அளிக்கிறது...

ஒவ்வொரு நாளும் கோவிலில் ஐந்து விதமான சேவைகள் மற்றும் பூஜைகள் நடைபெறுகின்றன. முதல் சேவை விடியற்காலை 5 மணிக்கே தொடங்குவதாகும், அப்பொழுது ஒரு காக்கடா தீப்பந்தத்தை வைத்துக்கொண்டு, தெய்வீகப் பாடல்கள் பாடிக்கொண்டு, துயிலும் தேவியை எழுப்பும் சடங்காகும். இரண்டாவது சேவை, காலை 8 மணிக்கு, தேவிக்கு 16 மூலகங்கள் கொண்ட சோடோபசார பூஜைகள் செய்து வணங்குவதாகும்.

இதைத் தொடர்ந்து மதிய மற்றும் மாலை வேலை சேவைகள் நடைபெறும் மற்றும் இரவில் ஷேஜாரதி பூஜைகள் நடைபெறும்.

கோயிலுக்கு அருகில் பஞ்ச கங்கா நதி ஓடுகிறது. இத்தலத்தில் எழுந்தருளியுள்ள மகாலட்சுமி, சௌந்தர்ய ரூபவதி. துர்கா லட்சுமி ஐக்ய ரூபத்தை எடுத்துக் காட்டுவதைப் போல் அமைக்கப்பட்டுள்ள தேவியின் கிரீடத்தில் நாகம் படமெடுத்தாடுகிறது. அன்னையின் பாதத்தில் சிம்மத்தின் ரூபமும், தாமரையின் வடிவமும் அமைக்கப்பட்டுள்ளன.

அது மட்டுமில்லாமல் ஸ்ரீ மகாலட்சுமி விஷ்ணு விஸ்வரூபமாக இருப்பதாகவே பக்தர்கள் நம்புகிறார்கள். 

ஸ்ரீ துர்க்கா பரமேஸ்வரி ஸ்ரீ மகா விஷ்ணுவின் அம்சமே ஆனதால், இங்குள்ள துர்கா லட்சுமி, மகாவிஷ்ணுவாக போற்றப்படுவதில் வியப்பில்லை. கோயில்களில் உள்ள கடவுள் சிலைகளுக்கு சக்தியை கொடுப்பதற்காக அதன் பீடங்களில் நவரத்தினங்கள், தங்கம், வெள்ளி போன்றவற்றை இடுவார்கள். ஆனால் கோல்ஹாபூர் மகாலட்சுமி சிலையிலேயே நவரத்தினங்களும் இருப்பதாக கூறப்படுகிறது. 

புராண வரலாறு. முன்பொரு சமயம் சிவனுக்கும் சக்திக்கும் ஒரு சர்ச்சை ஏற்பட்டதாம். சிவபெருமை சேர்க்கும் வாரணாசி க்ஷேத்ரம் பெரியதா அல்லது சக்தியின் க்ஷேத்ரம் பெரியதா என்பதே அது.

இருவரும் மகாவிஷ்ணுவிடம் செல்ல அவர் ஒரு தராசில் இரண்டையும் வைக்க, தேவியின் பக்கமே தராசின் தட்டு தாழ்ந்திருந்ததாம். இரண்டு தலங்களும் சிறந்ததே ஆயினும் தேவியின் திருத்தலம் ஒரு மணி அளவு அதிக பெருமை உடையதென்று மகாவிஷ்ணு தீர்ப்பளித்தாராம். சிவனுக்கும் சக்தியைக் கொடுப்பவளல்லவா அந்த பராசக்தி! ஆதலால் இதில் வியப்பதற்கு ஒன்றுமில்லை. 

படங்கள் 

மகாலஷ்மி மூலவர்

லக்ஷ்மி,சரஸ்வதி,சக்தி என மூப்பெரும் தேவியராக...