நவ பிருந்தாவனம் -6👆👇
By Ramesh
மேலே படத்தில் உள்ள போர்டில் தமிழில் எழுதி உள்ளனர்....
இந்த 9 மகான்களும் உயிருடன் இன்றும் சமாதியில் உள்ளனர் என்பதற்கு இதுவே அத்தாட்சி...
நவபிருந்தா வனங்கள்
(பெயர்களுடன் படத்தை பெரிதாக்கிப் பார்க்கவும்)
நவபிருந்தா வனத்தில் நாங்கள் முதலில் சேவிக்க வேண்டிய சன்னதி அரங்க நாதர் சன்னதி ஆகும்.
அரங்கநாதர் சன்னதியும், ஜாக்ரதை அனுமன் சன்னதியும் சிறிது உயரமாக அமைந்து ள்ளதால் நாம் உள்ளே நுழைந்த வுடன் வலப்பக்கம் உள்ள இச் சன்னதிக்கு படியேறி செல்ல வேண்டும்.
உள்ளே சென்றால் பாம்பணையில் யோக நித்திரையில் உள்ள அரங்க நாதரை சேவிக்கலாம்.
இம்மூர்த்தத்தின் ஒரு தனி சிறப்பு பெரிய பிராட்டியார் ஆதிசேஷனில் அமர்ந்து சேவை செய்யாமல் கீழே நின்று சேவை செய்யும் வண்ணம் அமைந்துள்ளது.
இங்கு நெய் விளக்கு ஏற்றுவது மிகவும் சிறந்தது என்பதால் ஒன்பது நெய் விளக்கு ஏற்றவும்.
பல சமயம் அங்கு பூஜை சாமான்கள் எதுவும் கிட்டாது நாமே எடுத்து செல்வது நல்லது.
பூலோக வைகுண்ட மாம் திருவரங் கத்தில் கங்கை யினும் புனிதமான காவேரியின் நடுவில் உள்ள அரங்கத்தில் பெருமாள் இதே விதமாக ஆதி சேஷனில் யோக நித்திரையில் சேவை சாதிக்கின்றார்.
இங்கே இந்த துங்கபத்ரையின் அரங்கத்திலும் பெருமாள் அரங்கநாதனாகவே சேவை சாதிக்கின்றார்.
அங்கே தாயார் , பிரம்மன் எதுவும் இல்லாத யோக சயனம் இங்கே பெரிய பிராட்டியுடன் கூடிய போக சயனம்.
இச்சன்னதியின் அருகே ஜாக்ரதை அனுமனின் சன்னதி உள்ளது. இச் சன்னதியில் அனுமன் தனது இராவணனின் மகன் அக்ஷய குமாரனைத் தன் காலில் இட்டு வதம் செய்யும் கோலத்தில் சேவை சாதிக்கின்றார்.
இவரது சன்னதியிலும் விளக்க்கேற்றவும். இங்கு ஒரு பத்து நிமிடம் அமர்ந்து வாயு குமாரனை மனதில் இருத்தி தியானம் செய்து பாருங்கள். அவரின் அதிர்வலைகளை தாங்கள் நிச்சயமா உணரலாம்.
இந்த இரண்டு சன்னதிகளுக்கு இடையில் ஒரு குகை உள்ளது ஏகாந்தமாக இங்கு உட்கார்ந்து நவ பிருந்தாவன நாயகர்களை நினைத்து தியானம் செய்ய ஏற்ற இடம்.
பின்னர் அரங்க நாதர் ஆலயத்தின் முன்னுள்ள படிகளில் இறங்கி நவ பிருந்தா வனத்தை சுற்றி இடப்பட்டுள்ள மஞ்சள் கோட்டிற்கு வெளியே வலம் வந்து அவதாரத்ரய ஹனுமான் சன்னதி சென்று அவரை.....
என்று சொல்லி வணங்கவும். அங்கே ஒரு பட்டர் இருக்கின்றார் அவர் சங்கல்பம் செய்து அர்ச்சனை செய்து அட்சதையால் ஆசிர்வாதமும் செய்கிறார். .
அவர் ஆனே குந்தியில் உள்ள ராகவேந்திரர் மடத்திலிருந்து தினம் வந்து , காலை நவ பிருந்தாவனங் களுக்கு அபிஷேகம் செய்து பூஜை செய்து பின்னர் மாலை திரும்பி செல்கிறார்.
மழைக் காலத்தில் ஆற்றில் வெள்ளம் அதிகம் செல்லும் போது நவபிருந்தா வனம் செல்வது சிரமமாம் அப்போது ஆற்றின் இக்கரையிலிருந்தே கற்பூர ஆரத்தி காட்டுகின்றனர்.
அது என்ன அவதாரத்ரய ஆஞ்சநேயர் என்ற நாமம் என்று தெரிந்து கொள்ள ஆவலாக உள்ளதா?
மூன்று அவதாரங்கள் ஒன்று சேர்ந்த ஹனுமான் இவர்.
ஸ்ரீ வாயு பகவான் த்ரேதா யுகத்தில் ஸ்ரீராம சேவை செய்வதற்காக ஸ்ரீ அனுமனாகவும், துவாபர யுகத்தில் ஸ்ரீ கிருஷ்ண சேவை செய் வதற்காக ஸ்ரீ பீமனாகவும், இக்கலியுகத்தில் ஸ்ரீ வியாச சேவை செய்ய ஸ்ரீமத்வ ராகவும் அவதாரம் செய்தார் இந்த மூன்று அவதாரங் களும் ஒன்றாக இனைந்தவர்தான் அவதாரத்ரய ஹனுமான்.
ஹனுமன் முகமும், பீமனை குறிக்கும் புஜங்களும், மத்வரை குறிக்கும் பகவத்கீதை சுவடியும் கொண்டு சேவை சாதிக்கின்றார். இவருக்குப் பின்னே சங்கு சக்ரங்களுடன் ஸ்ரீ நரசிம்மர் சேவை சாதிக்கின்றார்.
இந்த அவதாரத்ரய அனுமனை வியாஸ ராஜர் பிரதிஷ்டை செய்தார்.
குருஷேத்திரத்தில் பகவான் ஸ்ரீ கிருஷ்ணர் அர்ஜுனனுக்கு கீதோபதேசம் செய்யும் போது அதை தேர்க் கொடியில் இருந்த வாயு புத்திரன் அனுமனும் செவி மடுத்தார். அப்போது கேட்டு, பீமனாக உணர்ந்ததை மத்வராக அவதரித்தபோது கீதா பாஷ்யம், கீதா தாத்பர்யம் என்று இரு கிரந்தங்களை இயற்றினார் ...
அவதாரத்ரய ஹனுமனை திவ்யமாக சேவித்து பின்னர் பூமி அதிராமல் மெல்ல மெல்ல தம் கோரிக்கைகளை மனதில் கொண்டு நவபிருந்தா வனங்களை ஒன்பது முறை வலம் வந்து வணங்க வேண்டும்.
பத்மநாபம் ஜெய முனீம் கவீந்த்ரம் ச வாகீசம் வ்யாஸ ராஜஹம் ஸ்ரீநிவாஸம் ராமதீர்த்தம் த்தைவ ச ஸ்ரீ ஸுதீந்த்ரம் ச கோவிந்தம்
நவ பிருந்தாவனம் பஜே ! நவ பிருந்தா வனம் பஜே!
என்ற 👆 இந்த இரண்டு தியான ஸ்லோகங்களை ஜபித்துக்கொண்டுவலம் வருவது மிகவும் உத்தமம். முடிந்தவர்கள் ஒவ்வொரு மகானுக்கும் தனித்தனியாக உள்ள ஸ்லோகங் களை சொல்லியும் வலம் வரலாம்.
இந்த பிருந்தா வனங்கள் சுமார் 300 ஆண்டு காலமாக தோன்றின. முதல் பிருந்தாவனம் 1324ம் ஆண்டும், ஒன்பதாவது பிருந்தாவனமான ஸ்ரீஸுதீந்திரரின் பிருந்தாவனம் 1623 கால கட்டத்தில் தோன்றியது.
மத்வாச்சார்யர் வியாசருக்கு சேவை செய்ய பத்ரிகாச் சிரமம் சென்று விட்டதால் மத்வ மகான்களின் முதல் பிருந்தாவனம் ஸ்ரீபத்மநாபதீர்த்தருடையதுதான்.
மகான்களை தரி்சித்து விட்டு சிறிது நேர தியானம் செய்யுங்கள்
மனமுருக மகான்களை வணங்கி அந்த பக்கம் வெளியே சென்று அங்கிருந்த ஒரு பாழடைந்த கட்டிடத்தின் மேல் ஏறி நின்று பறவைப் பார்வையாக முழு பிருந்தாவனத் தையும் தரிசனம் செய்யுங்கள்.
அந்த பக்கம் சென்று அப்பக்கம் பாயும் துங்கபத்ரை நதியையும் சோலையும் காணுங்கள்.
பின்னர் திரும்பி வந்து அரங்கநாதர் கோவிலின் அருகில் உள்ள குகையில் அமர்ந்து தியானம் செய்து இன்னொரு முறை எல்லா சன்னதிகளையும் சென்று சேவியுங்கள்.
முக்கியமாக தங்களை வந்து தரிசனம் செய்ய அனுமதித்த அவர்களுக்கு அனந்த கோடி நன்றிகளை தெரிவியுங்கள்.
இனி இந்த நவபிருந்தா வனங்களை வணங்கும் போது நாம் கடைப்பிடிக்க வேண்டிய சில வழிமுறைகளைப் பற்றி அடுத்த பதிவில் காண்போம்.
மேலும் தொடரும்....
No comments:
Post a Comment