காஞ்சிபுரம் பவள வண்ணர் கோவில்

 காஞ்சிபுரம் பவள வண்ணர் கோவில்.

ஸ்ரீ பவளவல்லித் தாயார் ஸமேத ஸ்ரீ பவளவண்ணப் பெருமாள் திருக்கோவில், திருப்பவளவண்ணம் திவ்யதேசம், காஞ்சிபுரம்.

திருப்பவள வண்ணம் என்பது 108 வைணவத் திருத்தலங்களில் ஒன்றாகும். திருமங்கையாழ்வாரால் பாடல் பெற்ற இத்தலம் தமிழகத்தில் காஞ்சிபுரத்தில் உள்ளது. 

வரலாறு

காஞ்சிபுராணம் என்னும் நூலில் இத்தலம் பற்றிய வரலாறு பேசப்படுகிறது. பிரம்மனின் யாகத்தைக் கலைக்க சரஸ்வதி தொடர்ந்து எத்தனையோ முயற்சிகள் செய்ய அத்தனையும் பயனின்றிப்போக ஒரு கொடிய அரக்கர் கூட்டத்தைப் படைத்து அனுப்பினாள். நொடிப்பொழுதில் அந்த அரக்கர் கூட்டத்தை அழித்து பெருமாள் ரத்தம் தோய நின்றார். இவ்வாறு ரத்தம் தோய பிரவாளேச வண்ணராக நின்றதால் பிரவாளேசரானார் தூயதமிழில் பவள வண்ணமானார்.

இறைவன், இறைவி

இத்தலத்தின் இறைவன் பவள வண்ணர் மேற்கு நோக்கி நின்ற திருக்கோலத்தில் காட்சி தருகிறார். இறைவி பவள வல்லி என்ற பெயரில் தனிக்கோவில் கொண்டுள்ளார். இத்தலத் தீர்த்தம் சக்கர தீர்த்தம். விமானம் பிரவாள விமானம் என்ற அமைப்பைச் சேர்ந்தது.

சிறப்புகள்

திருமங்கையாழ்வாரால் மட்டும் பாடல் பெற்றது இத்தலம். இறைவனின் நிறத்தைக்கொண்டு பாடல் பெற்ற தலம் இது ஒன்றுதான். காஞ்சியில் காலாண்டார் தெருவில் அமைந்துள்ள இந்தப் பவள வண்ணர் கோவிலுக்கு எதிரிலேயே கம்மாளர் தெருவில் பச்சை வண்ணர் (மரகத வண்ணர்) கோவில் அமைந்துள்ளது. இவ்விரண்டும் ஒன்றுக்கொன்று எதிர்த்திசையில் அமைந்துள்ளது. இவ்விரண்டு பெருமாள்களையும் கூர்ந்து நோக்கினால் வண்ண வேறுபாடுகளை உணரலாம். பச்சை வண்ணர் கோவில் பாடல் பெற்ற தலமல்ல. இங்கு வரும் பக்தர்கள் பவள வண்ணரை வழிபாடு செய்துவிட்டு பச்சை வண்ணரையும் வழிபட்டுச் செல்வதையே மரபு. அச்வினி தேவதைகள் இந்தத் தலத்தில் பெருமாளை வழிபட்டதாக நம்பிக்கை.

திவ்ய தேசங்களில் சோழ நாட்டிற்கு இணையாக தொண்டை மண்டலமான காஞ்சிபுரம் விளங்கி வந்தது.  திருமால் தன்  இஷடப்படியெல்லாம்  நிறம் மாறி பக்தர்களுடன் கண்ணாமூச்சி விளையாடி இருக்கிறார்.  கார்வண்ணன் என்று பகவானை முன்பு அழைத்து வந்ததுண்டு.  ஆனால் காஞ்சிபுரத்து ஸ்தலங்களில்  பகவான் பவளவண்ணனாகவும்  பச்சைப் வண்ணனாகவும் கூட மாறி தன் திருவிளையாடல்களைப்  புரிந்திருக்கிறார்.  உலகமே அவர் திருவாயில் இருந்ததை நாம் கேள்விப்பட்டிருக்கிறோம்.  எனவே நிறங்களிலும் திருமால் மறைந்திருக்கிறார்.

 காஞ்சியிலுள்ள   திரு ஏகாம்பரநாதர் கோவிலுக்கு நேர் கிழக்கே உள்ளது.  திரு பவளவண்ணர்  பெருமாள்  கோவில்.  இரண்டு ஏக்கர் நிலப் பரப்பளவு மேல் நோக்கிய 5 நிலை இராஜகோபுரமும் ஒரு பிரகாரம் கொண்டு அமைந்திருக்கிற இந்த கோவிலில் மூலவர் ஸ்ரீ பவளவண்ணர் பெருமாள்.  மேற்கு நோக்கி காட்சி தருகிறார் தாயார் ஸ்ரீ பவளவல்லி தாயார்.  விமானம் பிரவாள விமானம்,  தீர்த்தம் சக்கர தீர்த்தம்.

 இங்கேயும் பிரம்மதேவரின் யாகக் கதை வருகிறது.  பிரம்ம  தேவனின் யாகத்தை அழிக்க சரஸ்வதி  தேவியால் அனுப்பப்பட்ட  கொடிய  அரக்கர் கூட்டத்தை பிரம்மனின் வேண்டுகோளை ஏற்று திருமால் கடும் கோபத்தோடு போரிட்டார்.  பின்னர் அவர்களை ஒன்றுவிடாமல் அளித்தார்.  இதனால் பகவானின் திருமேனி எங்கும் இரத்தம் தெரிவித்து விழுந்தது.  அதே கோலத்தோடு இந்த ஸ்தலத்தில் நின்றதா பெருமாளுக்கு ஸ்ரீ பவள வண்ணர்  என்ற பெயர் ஏற்பட்டது.  மூலவர்,  சிவந்த வடிவம் கொண்டு காட்சி தருகிறார்.  இதை வேறு எந்த தளத்திலும் காண முடியாது  அத்தினி தேவதைக்கும் பார்வதி தேவிக்கும் நேரடி தரிசனம் கொடுத்திருக்கிறார் என்பது இன்னொரு சிறப்பு.  திருமங்கையாழ்வார் மங்களாசாசனம் செய்திருக்கிறார்.

கோவிலுக்குள் பச்சை வண்ணன் சன்னதி இருக்கிறது.  பச்சைவண்ணர்  ஆதிசேஷன் மீது வீற்றிருக்கும் காட்சி அற்புதமாக இருக்கிறது.  பிறகு மகரிஷிக்கு பகவான் இந்த கோலத்தில்  நேரிடையாகத்  தரிசனம் தந்ததாக புராண வரலாறு உண்டு.

பரிகாரம்

"பொறாமை வயிற்ரிச்சலால்  கெடுதல் செய்பவர்களை தண்டிக்க வேண்டும் என்று ஆசைப்படுபவர்கள்,  இராகு- கேது தோஷத்தால் பிடிக்கப்பட்டு எந்த ஒரு முன்னேற்றமும் காணாமல் துடிப்பவர்கள்,  புத்திரபாக்கியம் இல்லாதவர்கள்,  புத்திரர்கள்  இருந்தும் அவர்களால் சுகம் அனுபவிக்க இயலாதவர்கள்,   வீண்  வம்பில் மாட்டிக்கொண்டு போலீஸ் ஸ்டேஷனுக்கும்  கோர்ட்டிற்க்கும்  அலைந்து கொண்டிருப்பவர்கள்,  விஷப்பூச்சிகளால் கடிபட்டு  நிறத்தை இழந்து  இரத்தம் கெட்டு நீல முடியாதவர்கள்  அத்தனை பேர்களும் ஒரு முறை இந்த புனித கோவிலுக்கு வந்து  பவள  வண்ணரைத்  தரிசித்து தங்கள் குறைகளை எடுத்துச் சொன்னால்  பகவான் விஸ்வரூபம் எடுத்த அத்தனை பேருடைய துன்பங்களை அடியோடு விரட்டுவார் என்பது  சத்தியம்.