கனியுமோகாதல்_39

கனியுமோகாதல்_39

திங்கட்கிழமை கோர்ட் உத்யோகத்தை முடித்துவிட்டு நேராக ஆத்துக்கு செல்லாமல் ஆஃபீஸ் வந்து விட்டாள்.  ஐந்து ஐந்தரைக்கே ஜெயஸ்ரீயும் வந்துவிட்டாள்.  மைதிலியைப் பார்த்தவுடன் ஸர்ப்ரைஸ்.

'என்ன மைதிலி, ஆத்துக்கு போகல?  நேரா வந்துட்டியா?'

'நாளைக்கு 'ஜிகே ஃபில்ம்ஸ்' கேஸ் வர்ரது.  நோட்ஸ் எடுத்துண்டிருக்கேன்.'

'அந்த காப்பி ரைட் கேஸ்தானே?  ஏய், காப்பி ரைட்டுண்ணோன ஞாபகம் வர்ரது.  ஸ்ரீதர் சாரோட பேசிட்டியா?'

'இல்ல ஜெய்.  அவன நேரப் பார்த்துதான் சொல்லணும்.  கொஞ்சம் ஃப்ரீ ஆனோண்ன ஃபோன் பண்ணிட்டு போய் பார்க்கணும்.  அவன் வந்துட்டா கொஞ்சம் மூச்சு விடலாம்.'

'கேட்பாரா அவர்?'

'உடனே ஓகே சொல்லிடுவானா?  ஆம்பிள சிங்கமாச்சே!  முதல்ல பிகு பண்ணிப்பான்.  அப்புறம் கொஞ்சம் கொஞ்சமா  உடுக்கை அடிச்சுதான் சம்மதிக்க வைக்கணும்.'

'அது இருக்கட்டும்.  சாரை எப்படி சம்மதிக்க வெச்சே ஸ்ரீதர் சார சேர்த்துக்கறதுல்ல.'

'அது அவ்வளவு லேசா?  ரொம்ப டஃப்பா இருந்தது.  ஸ்ரீதர் சிங்கம்னா சார் டயனாஸராச்சே.  வேண்டாம்னு போனவன ஏன் இழுக்கறேன்னார்.  என்ன வந்து கூட பார்க்கலை அவன எதுக்கு இங்க சேர்க்கணும்னார்.  அவன் ஆஃபீஸை திறந்து கூட வைக்க சொன்னான்.  செஞ்சேன்.  அதுக்கு கூட ஒரு நன்றி இல்லாம இருக்கான் அப்படி இப்படின்னு ஒரே வசவு எனக்கு.'

'எப்படி சமாளிச்சே அவர?'

'தொழில்னாலும் வியாபாரம் தான நம்ம ஆஃபீஸ்.  இதெல்லாம் பெரிசு படுத்தாதீங்கோ.  அவன் உங்க சிஷ்யன்.  அவன ரெண்டு திட்டு திட்டிட்டு சேர்த்துக்கறது தான் நல்லதுன்னேன்.  அவன் போனதுக்கப்பறம் உன்ன நன்னா கொண்டு வரணுங்கறதுதான் என் நெனப்பு.  அவன சேர்த்துண்டு நீயே உன் தலைல மண்ண வாரி போட்டுக்காதேன்னார்.  எனக்கு ஆத்துல மாப்ள பார்த்துண்டிருக்கா.  கல்யாணம் ஆனா என் லைஃப் எப்படி இருக்குமோ தெரியாது.  நீங்க இருக்கற சூழல்ல உங்க பேனருக்கு பழுதில்லாம நடத்தற நல்ல ஜூனியர் வேணும்.  அது ஸ்ரீதராத்தான் இருக்க முடியும்னு ஒரு போடு போட்டேன்.  ஏதோ செய் அப்படின்னு அரை மனசா சொன்னார்.'

'ஏய் ஏய் ஏய்.  இரு இரு.  நடுப்புல ஏதோ சொன்னியே ... ஆத்துல மாப்பிள்ளை பார்க்கறான்னு.  இஸ் திஸ் ட்ரூ?'

'அத ஏன் கேட்கற?  அது ஒரு சோக கதை.  எவ்வளவு சொன்னாலும் கேட்க மாட்டேங்கறா அப்பாவும் அம்மாவும்.  எனக்கு இந்த ப்ரொஃபஷன்ல ரொம்ப ஆசை.  அப்பா அம்மாவுக்கோ எனக்கு இருபத்தஞ்சு தாண்டிடுத்தேங்கற கவலை.  பொண்ணாவே பொறக்க கூடாது ஸ்ரீ.  கல்யாணம் பண்ணிக்கணும் பேரன் பேத்தி பெத்துப் போடணும் இது ஒண்ணுதான் அவா லட்சியம்.'

'அவா சொல்றதும் ஞாயம் தான.'

'ரைட்டுதான்.  ஆனா யோசிச்சுப் பாரு.  டிகிரி முடிக்கும்போதே இருபது ஆயிடறது.  அப்புறம் லா.  ரெண்டு வருஷம் ஜூனியர் ட்ரெயினிங்.  அதுக்கப்பறம்தான நாம படிச்சதுக்கு அர்த்தம் வந்து ஏதோ தனியா ப்ராக்டீஸ் பண்ணி விழுந்து புரண்டு பெரிய ஆளா வர முடியும்?  கொஞ்சம் பொருத்துங்கோன்னா கேட்டாதானே?'

'நீ சொல்றத பார்த்தா எனக்கு பக்கு பக்குங்கறதே.  நான் ஏதோ ஒரு வருஷம் பார்ப்பேன்.  சரிப்பட்டு வரலைனா மாட்டறவன மடக்கி போட்டுடுவேன்.  அதுக்கப்பறம் ஆத்துல தினமும் கச்சேரி தான்.  டெய்லி எங்காளுக்கு ஜட்ஜ்மெண்ட் கொடுத்து பனிஷ்மெண்டுதான்.'

'உனக்கென்ன ஜெய்.  பணக்கார செல்லம்.  எப்படி வேணும்னாலும் பார்த்துக்கலாம்.'

'நான் சொன்னா தப்பா எடுத்துக்க மாட்டியே?  தேமேன்னு ஸ்ரீதர் சாரையே கல்யாணம் பண்ணிக்கோயேன்.  உங்க ரெண்டு பேர் கெமிஸ்ட்ரி நன்னா இருக்குமே?'

சட்டென்று ஒரு கணம் திகைத்தாள் மைதிலி.  அந்த கேள்வியை அவளிடமிருந்து எதிர்பார்க்கவில்லை.  மௌனம் பத்து செகண்ட்ஸ்.  ரியாக்‌ஷன் இல்லாமல்.

'சாரி மைதிலி.  ஏதாவது தப்பா கேட்டுட்டேனா?'

'அதெல்லாம் ஒண்ணுமில்ல.  தெரிஞ்சுதான் கேட்கறியா இதை.  அவன் ஐயங்கார், நான் ஐயர்.  இது ஒண்ணு போதாதா ஆத்துல களேபரத்துக்கு.'

'ரொம்ப நல்லவராச்சே.  பேசிப்பாரேன் அப்பா அம்மா கிட்ட.  எனக்கென்னவோ நீ எடுத்து சொன்னா கேட்பான்னுதான் தோணறது.'

'சொல்லலாம்.  ஆனா ஒரு கேள்வி கேட்பாளே?  என்ன சம்பாதிக்கறான்?  உன்ன கடன் இல்லாம வெச்சிண்டு காப்பாத்துவானா?'

'அப்பா அம்மா கேட்கற ஞாயமான கேள்விகளுக்கு பதில் நம்ம கிட்டேயே இல்லாம என்ன பேசறது.  அவா மனசையும் கஷ்டப்படுத்தி, அவாள ஃபோர்ஸ் பண்ணி கல்யாணத்த பண்ணிண்டு நம்பிக்கை ஒண்ணுலேயே வாழ்க்கையை எத்தன நாள் ஓட்டறது.  சில ஃபீலிங்க்ஸ் நம்மளோட இருக்கறதுதான் பெட்டர்.  அம்மாவையும் அப்பாவையும் கஷ்டப் படுத்தறதுக்கா என்ன இவ்வளவு தூரம் சோத்த போட்டு படிக்க வெச்சா?  பேச்சை ஆரம்பிச்சா பெத்தவா மூஞ்சிய தூக்கி வெச்சுப்பா.  ரெண்டு பேரும் என் கிட்ட பேசாம இருப்பா.  தட்டுல சோத்த நம்மளே போட்டுக்கணும்.  நான் சமையல் உள்ளுக்கு போனா அவா வாசலுக்குப் போவா.  நான் அழணும், அவா அழணும்.  நானும் அழிச்சாட்டிய ஆக்ட் கொடுக்கணும்.  சரியான டார்ச்சர் தெரியுமா இதெல்லாம்.  வெஸ்டர்ன் கண்ட்ரிலியா இருக்கோம்.  Dad ஐ லவ் ஹிம்.  எப்ப கல்யாணத்த வெச்சிக்கலாம்னு கேட்க.  காதல்னாலே போராட்டம்தான்னு சொல்றா.  போராடப் போறது யாரோட? நம்மள பெத்தவாளோட.  ஜெயிக்கறது பெரிய விஷயமே இல்ல.  நம்ம மேல அவா வெச்சிருக்கற பாசத்த வெச்சு ஒரு தட்டு தட்டுடலாம்.  சாஞ்சிடுவா.  பட், இந்த போராட்டத்துல நாம நம்மள இழந்து அவாள சித்ரவதை பண்ணி.... ஓ, நெனைக்கவே கஷ்டமா இருக்கு.  அதுக்கு அவா சொல்ற குப்பனையோ சுப்பனையோ கல்யாணம் பண்ணிக்கலாம்.'

'அவரோட யேர்ணிங் தான் பிரச்சனையா?'

'அதுவும்.  ஐயர் ஐயங்காரும்.  அவனோட காம்ப்ளெக்ஸும்.   இன்னும் நிறைய உம் சேர்த்துக்கலாம்.  இதெல்லாத்தையும் ஸால்வ் பண்ணி அவன் கைய புடிக்கறதுக்குள்ள பொழுது விடிஞ்சிடும்.  எனக்கென்னவோ அவ அம்மா அவன pபேம்ப்பர்ட் சைல்டாவே வளர்த்திருக்கான்னு தோணறது.  அவன் அம்மா இறந்து போனது ரொம்ப அவன அஃபெக்ட் பண்ணிருக்கு.  ஒண்ணு அவன யாராவது ப்ரெய்ஸ் பண்ணிண்டே இருக்கணும்.  இல்லாட்டி ஆறுதல் கொடுத்துண்டே இருக்கணும்.  அவன காலேஜுல நான் பார்த்ததுக்கும் இப்பைக்கும் பயங்கர டிஃபரென்ஸ்.  நான் டெய்லி அவன மோடிவேட் பண்ணிண்டே இருப்பேன்.  எனக்கே சில சமயம் போர் அடிக்கும்.  bபட் ஹீ இஸ் எ ஒண்டர்ஃபுல் கெய்.  ஸ்மார்ட், இன்டெலிஜெண்ட், வெல் மேனேர்ட், வெல் பிஹேவ்ட்...என்னவோ எங்கேயோ ஒரு லேக்கிங்.'

'ஒண்ணா படிச்சிருக்கேள், பழகியிருக்கேள்.  அவர் கூடவா சொல்லலை உன்ன கல்யாணம் பண்ணிக்க ஆசையா இருக்குன்னு.'

'என்னவோ என் கிட்ட அவன் ஏதோ குறைய பார்த்திருக்கான், ஜஸ்ட் லைக் நான் இப்ப அவன் கொறைய சொல்ற மாதிரி.  ப்ராபப்ளி நான் என்ன நெனைக்கிறேன்னா அவன் சோர்ந்து போறச்சேயெல்லாம் வுடு வுடுன்னு விடுவேன்.  லெஃப்ட் அண்ட் ரைட் கொடுப்பேன்.  அஃப் கோர்ஸ் வித் குட் இன்டென்ஷன்ஸ்.  ஒருவேளை இந்த பேய கட்டிக்க வேண்டாம்னு நெனச்சிருப்பானோ என்னவோ.'

'அப்படின்னா நீங்க ரெண்டு பேரும் சேர்ரது சாத்தியம் இல்லையா?'

'எனக்கு இப்ப அதெல்லாம் முக்கியமாகவே தோணவே இல்ல.  முதல்ல அவன் காம்ப்ளெக்ஸ்லேந்து வெளிய வரணும் ஜெய்.'

'என்னதான் சொல்லு.  மனச ஒருத்தர் கிட்ட கொடுத்துட்டு இன்னொருத்தரோட வாழ்க்கைங்கறது கொஞ்சம் கஷ்டமா இருக்காதா?'

'ஏய், ஏய்..  நீ எங்கேயோ போற.  எனக்கு அவன் மேல க்ரஷ் இல்ல.  நகம் கூட படாம பேசியிருக்கோம்.  பழகியிருக்கோம்.  அவனையே நெனச்சிண்டு ஆ ஊன்னு அலட்டிண்டு தூக்கம் வராம அப்படி இப்படின்னுல்லாம் என்னோட ஃபீலிங்க்ஸ் இருந்த்தில்ல இது வரைக்கும்.  ஆனா புடிச்சிருக்கு.  இன்னொருத்தனோட கல்யாணம் ஆனா கஷ்டமாத்தான் இருக்கும்.  அதுக்கப்பறம் ஆத்துக்காரர் மாமியார் மாமனார் நாத்தனார் புள்ள குட்டிங்க அப்படி இப்படின்னு கெடைக்கிற டைவர்ஷன்ல இவன் கண்டிப்பா பல மைல் தூரம் போயிடுவான்.  அப்பைக்கப்ப வரலாம் மனசுல இவன்.  அப்பெல்லாம் கொஞ்சம் ரசிச்சிட்டு யாருக்கும் தெரியாம ஒரு சொட்டு கண்ணீர் விட்டுட்டு மத்ததுக்கு போக வேண்டியதுதான்.'

'எவ்வளவு யதார்த்தமா பேசற நீ.'

'டைவர்ஷன் இஸ் தி பெஸ்ட் கீ ஜெய்.  பார்க்கலாம் ஹௌ இட் கோஸ்னு.'

'ஆனாலும் முயற்சியே பண்ணாம நீ தோக்கறத நெனச்சு கஷ்டமா இருக்கு.'

'முயற்சி பண்ணலையா?  நானா?  போறச்சேயும் வரச்சேயும் மனசுல இதப் பத்தி ஏத்திண்டு பல இஃப்ஸ் அண்ட் பட்ஸ் கேள்விகள கேட்டுண்டு ஒரு சித்ரவதையையே அனுபவிச்சிருக்கேன்.  கேஸுல ப்ரைம ஃபஸி இருந்தாலும் ஆர்க்யூமெண்ட்ஸ்ல கண்டிப்பா இந்த கேஸ் தோத்துடும்.  பின்ன எதுக்கு வீணா கோர்ட்டு கேஸு வழக்கு இழப்பு?'

'யூ ஆர் ரியலி க்ரேட் மைதிலி.  எனக்கு ஒரு ஸிஸ்டர் இப்படி இல்லையேன்னு வருத்தமா இருக்கு.'

'பார்த்தும்மா.  நான் உன் கூடப் பொறப்பா நான் இல்லையேன்னு சந்தோஷப் படு.  என்ன சமாளிக்கறது அவ்வளவு சுலபம் இல்ல.  ஸ்ரீதர கேளு.  கத கதையா சொல்லுவான்.'

'திரும்ப கேட்கறேன்னு தப்பா நெனைக்காத.  ஸ்ரீதர் சாரப் பத்தி என்னதான் நெனச்சிண்டிருக்க மைதிலி.'

'டெஃபனைட்லி ஹி இஸ் எ

ச்சாய்ஸ் ஃபார் மை மேரேஜ்.  பட், எல்லா ப்ரோஸ் அண்ட் கான்ஸையும் யோசிச்சா, ஐ திங்க் ஐ ஹாவ் டு கிவ் இட் அப்.  ஹாப்பினெஸுக்காக தான மேரேஜ்.  பேரண்ட்ஸையெல்லாம் குத்தி குதறி கடைசில ராங் ச்சாய்ஸா போச்சுன்னா நான் ஒரு லாஃபிங் ஸ்டாக்கா போயிடுவேன் இல்லையா?  அதுக்கு தேமேன்னு அவனுக்கு நல்ல ஃப்ரெண்டா இருந்துட்டு போயிடலாம்.  கண்ணியமா பொண்கள் கிட்ட பழகறதுல அவன யாராலும் ஜெயிக்க முடியாது.  இடுப்பு தெரியறதா கால் தெரியறதா அது தெரியறதா இது தெரியறதான்னு அலஞ்சிண்டிருக்கற ஆண்கள் சமுதாயத்து மத்தியில ஹி இஸ் டிஃபரெண்ட்.  ஹி இஸ் எ ஜெம்.  அவன கட்டிக்கப் போறவ கொடுத்து வெச்சிருக்கணும்.  ரியலி.'

இப்படிப் பேசியவுடன் மைதிலியின் உடலில் சற்று நடுக்கம்.  கண்ணீர் இல்லை.  இருந்தாலும் கர்ச்சீஃபை எடுக்கிறாள்.  கண்ணீர் வந்துவிட்டால்?

'ஐ ஆம் ஸாரி மைதிலி.  உன்ன டிஸ்டர்ப் பண்ணிட்டேன்னு நெனைக்கிறேன்.'

'அதெல்லாம் ஒண்ணுமில்ல.  ஐ ஆம் ஆல்ரைட், ஸின்ஸ் ஐ ஆம் க்ளியர்.  மனசுக்குள்ள இருக்கறத நம்பிக்கையான ஒருத்தர் கிட்ட கொட்டிட்டா ஒரு ரிலீஃப் கிடைக்கும் இல்லையா?  அது போலத்தான் உன்னோட பேசினபோது இருந்தது.  டோண்ட் ஒர்ரி.'

நடராஜன் உள்ளே வருகிறான்.

'மேடம், உங்கள பார்க்க ஸ்ரீதர் சாரோட அப்பா வந்திருக்கார்.'

'அவர் எதுக்கு என்னை? இங்கே?'

மனக்கேள்விகளோடு உள்ளே அனுப்பச் சொல்கிறாள்.

'நான் கிளம்பறேன் மைதிலி.  அந்த ப்ளெயிண்ட ரெடி பண்ணிண்டிருக்கேன்.'

'பரவாயில்ல ஜெய்.  லெட் மீ இன்ட்ரோட்யூஸ் யூ டு ஹிம்.  இஃப் நத்திங் பர்ஸனல் இஸ் ஷேர்ட், யூ கேன் பி ஹியர் ஆஸ் லாங் ஆஸ் யூ விஷ்.  நோ ப்ராப்ளம்.'

உள்ளே நுழைகிறார் ஆராவமுதன்.

தொடரும்...