ஶ்ரீ (செங்கண்மால்) பள்ளிகொண்ட பெருமாள் திருக்கோயில்,திருத்தெற்றியம்பலம்,

 இன்றய (சிறப்பு) கோபுர தரிசனம்;

அருள்மிகு ஶ்ரீ செங்கமலவல்லி தாயார் சமேத ஶ்ரீ (செங்கண்மால்) பள்ளிகொண்ட பெருமாள் திருக்கோயில்,

(திருநாங்கூர், பலாசவனம்) திருத்தெற்றியம்பலம்,

நாகப்பட்டினம் மாவட்டம்.

( 'சீரணிந்த மணிமாடம் திகழும் நாங்கூர்த் திருதெற்றியம்பலத்துளென் செங்கண்மாலை கூரணிந்த வேல்வலவன்...' எனத்தொடரும் திருமங்கையாழ்வாரால் மங்களாசாசனம் செய்யப்பட்ட (108-திவ்ய தேசங்களில்,37-வது) வைணவத்திருத்தலம்.

(108-திருப்பதிகளில், இத்தலம் மட்டும்தான் 'அம்பலம்' என்றழைக்கப்படுகிறது)

சுமார் 2000-வருடங்களுக்கு மேல் பழமையான இந்த ஆலய வேத விமானத்தின் கீழ், செங்கண்மால் பெருமாள் 

கிழக்கு நோக்கிய நிலையில் பள்ளிகொண்ட ரங்கநாதராக அழகு அருட்காட்சியளிக்கிறார்.

(சிவபெருமானும், செங்கமல நாச்சியாரும், ஆதிசேஷனும் இத்தல பெருமாளை தரிசனம் கண்டுள்ளனராம்)

ஒரு புராண நிகழ்வின்படி;

பூமியை எடுத்துச்சென்று பாதள உலகத்தில் வைத்த இரண்யாட்சன் என்ற அசுரனை, வராக அவதாரம் எடுத்து (அந்த அசுரனை) அழித்து பூமியை மீட்டு, அது  இருக்க வேண்டிய இடத்தில் மெல்ல சுழல விட்டபின், தன் துணைவி ஶ்ரீமகாலட்சுமிக்கு கொடுத்த வாக்குப்படி  இந்த பலாசவனம் (திருத்தெற்றியம்பலம்) வருகைதந்து, இங்கிருந்த சிவபெருமான், மகாலட்சுமி மற்றும் ஆதிசேஷனுக்கும் அருட்காட்சியளித்த பின்னர், (இங்கேயே) போர்புரிந்த களைப்பு தீர, சிவந்திருந்த அழகான கண்களுடன் பள்ளிகொண்டாராம்.

( இதனால்தான் இத்தல பெருமாள் 'பள்ளிகொண்ட செங்கண்மால் ரங்கநாதர்' என்றழைக்கப்படுகிறாராம்)

வைகுண்ட ஏகாதசி சிறப்பாக கொண்டாடப்படும் இந்த ஆலயத்து சயனகோல பெருமாளை வழிபடுவது ஶ்ரீரங்கப்பெருமாளை வழிபடுவதற்கு ஒப்பானதாம்.

 (திருநாங்கூரில் உள்ள 11-திருப்பதிகளில், இந்த ஆலய திருமால், ஶ்ரீரங்கத்திலிருந்து வந்த பள்ளிகொண்ட ரங்கநாத பெருமாள்)

கணவன் மனைவி கருத்தொற்றுமை கூடவும்,(இழந்த)அரசு பதவிகள் உட்பட செல்வாக்கு சிறப்புக்கள் கிடைக்கப்பெறவும்

இத்தலத்தில் வீற்றிருக்கும் செங்கண்மால் ரங்கநாதப் பெருமாள் தம்பதியினரை வழிபடுகின்றனர்).

🙏🏻ஓம் நமோ நாராயணாய நமக: