சமையல் ரெசிபி

 அருமையான சில சமையல் ரெசிபிக்களைப் பார்ப்போம்....💐

முருங்கைக்கீரை ரசம்💐

 தேவையானவை...💐

🔘முருங்கைக் கீரை -கால் கப்,அரைத்துக்கொள்ள: வெந்தயம்,சீரகம் – தலா அரை டீஸ்பூன்,பச்சை மிளகாய் – 2எலுமிச்சைச் சாறு – ஒரு டேபிள்ஸ்பூன்,தக்காளி – ஒன்று, மஞ்சள்தூள் – ஒரு சிட்டிகை,உப்பு – தேவைக்கேற்ப.பூண்டு – 2 பல், கறிவேப்பிலை – ஒரு டேபிள்ஸ்பூன்,தனியா – 2 டீஸ்பூன்.தாளிக்க:கடுகு – 2 டீஸ்பூன்,கட்டிப் பெருங்காயம் – சிறிதளவு.எண்ணெய் – சிறிதளவு,காய்ந்த மிளகாய் – 2

செய்முறை...💐

🔘முதலில் கீரையுடன் அரை கப் நீர் விட்டு வேகவிட்டு எடுத்துக்கொள்ளவும். அரைக்கக் கொடுத்துள்ளவற்றை, சிறிதளவு நீர் விட்டு கொரகொரப்பாக அரைக்கவும். கடாயில் எண்ணெய் விட்டு காய்ந்ததும் தாளிக்கும் பொருட்களைப் போட்டு வறுத்து, அரைத்த விழுது, நறுக்கிய தக்காளி, மஞ்சள்தூள், உப்பு சேர்த்து வதக்கவும். தக்காளி வதங்கியதும் முருங்கைக் கீரையை வேகவைத்த நீருடன் சேர்த்து கொதிக்கவிடவும், சேர்த்துக்கொள்ளலாம் பின்பு பரிமாறவும்.

____________💐

தனியா பத்தியக் குழம்பு....💐

  பித்தம், அஜீரணம், வாய்க்கசப்பு போன்ற எந்தப் பிரச்சனைகளையும் இந்த தனியா பத்தியக் குழம்பு நீக்கும். இப்போது தனியா பத்தியக் குழம்பு எப்படி செய்வது என்று பார்க்கலாம். 

தேவையான பொருட்கள்:💐 

தனியா - 3 ஸ்புன்

கடலைப்பருப்பு - 1 ஸ்புன்

உளுத்தம் பருப்பு - 2 ஸ்புன்

கடுகு - அரை ஸ்புன்

எள்ளு - அரை ஸ்புன்

மிளகு - 1 ஸ்புன்

நெய் - 1 ஸ்புன்

மிளகாய் வற்றல் - 3

புளி - நெல்லிக்காய் அளவு 

பெருங்காயம் - ஒரு சிட்டிகை 

மஞ்சள்த்தூள் - சிறிதளவு

கறிவேப்பிலை - சிறிதளவு

எண்ணெய் - தேவையான அளவு

உப்பு - தேவையான அளவு

செய்முறை:💐

 முதலில் கடாயில் சிறிது எண்ணெய் விட்டு காய்ந்ததும் தனியா, கடலைப் பருப்பு, மிளகு, மிளகாய் வற்றல், உளுத்தம் பருப்பு இவற்றைத் தனித்தனியே வறுத்துப் ஆறவைத்து மிக்ஸியில் போட்டு பொடித்துக்கொள்ளவும். பிறகு புளியை கெட்டியாக கரைத்துக் கொள்ளவும்.

 பின்னர் அடி கனமான பாத்திரத்தில் புளி கரைசலை ஊற்றி, கொதிக்க வைத்து அதில் மஞ்சள்த்தூள், தேவையான அளவு உப்பு, பெருங்காயம், எள்ளு சேர்க்கவும். பிறகு அரைத்தப் பொடியைப் போடவும். நன்றாக வாசனை வந்ததும் ஒரு கொதி விட்டு குழம்பு போல கெட்டியானதும் இறக்கி வைக்கவும்.

 ஒரு கடாயை அடுப்பில் வைத்து அதில் நெய் ஊற்றி சு டானதும் கடுகு, கறிவேப்பிலை தாளித்துக் குழம்பில் கொட்டவும். இதைச் சு டான சாதத்தில் பிசைந்து சாப்பிடலாம். இட்லி, தோசைக்கும் தொட்டுக்கொள்ளலாம். இந்த குழம்பு கைப்படாமல் இருந்தால் மூன்று நாட்கள் வரை கெடாமல் இருக்கும்.

பயன்கள்: 💐

 தனியா விதை, வாயுப் பிரச்சனை வராமல் தடுக்கும். மேலும், இருமல், சளி, தலைவலி, பித்தம், ரத்தக் கொதிப்பு, சர்க்கரை போன்ற பல்வேறு பிரச்சனைகளுக்கும் தீர்வாக இருக்கிறது. 

 இதில் தேநீர் தயாரித்தும் அருந்தலாம். மலச்சிக்கலைப் போக்கும் அருமருந்து. வயிற்று வலி, வயிற்றுப் புண்கள் போன்றவற்றை போக்கும்.

_____________💐

பலாக்காய்ப் பிரட்டல்..💐

தேவையானவை:💐

பலாக்காய் – அரை கிலோ உருளைக்கிழங்கு – 2 வெங்காயம் – ஒன்று மஞ்சள் தூள் - சிறிதளவு எண்ணெய், உப்பு - தேவையான அளவு.

அரைக்க:💐

தேங்காய்த் துருவல் - கால் கப் தக்காளி - 2 மிளகாய்த்தூள் - ஒரு டேபிள்ஸ்பூன் இஞ்சி – ஒரு துண்டு பூண்டு - 3 பல் சோம்பு, சீரகம், கசகசா – தலா ஒரு டீஸ்பூன் முந்திரி - அரை டேபிள்ஸ்பூன் (நன்கு மையாக அரைத்துக் கொள்ளவும்).

தாளிக்க:💐 

சோம்பு - கால் டீஸ்பூன் பட்டை - சிறிய துண்டு பிரியாணி இலை - ஒரு துண்டு.

செய்முறை:💐 

உருளைக்கிழங்கு, பலாக்காயைத் தோல் நீக்கிப் பெரிய துண்டுகளாக நறுக்கி மஞ்சள்தூள், சிறிதளவு உப்பு சேர்த்து தனித்தனியாக வேகவைத்து வடித்து எடுத்துக்கொள்ளவும். வாணலியில் எண்ணெயைச் சூடாக்கி, தாளிப்புப் பொருள்களைத் தாளித்து, வெங்காயம் சேர்த்து சற்று நிறம் மாறும் வரை வதக்கவும். அரைத்த மசாலா, உப்பு சேர்த்து எண்ணெய் பிரியும் வரை வதக்கவும். பிறகு, வேகவைத்த பலாக்காய், உருளைக்கிழங்கைச் சேர்த்து அரை கப் தண்ணீர் ஊற்றி, நன்கு சுருள வதக்கி இறக்கவும்.

_____________💐

குண்டு மிளகாய் சட்னி💐

step 1💐

முதலில் பூண்டு, சின்ன வெங்காயம் மற்றும் குண்டு மிளகாயை நறுக்கி வைக்கவும். பின் கடாயில் எண்ணெய் ஊற்றி பூண்டு மற்றும் சின்ன வெங்காயம் சேர்த்து ஒரு நிமிடம் வதக்கவேண்டும்.

step 2💐

பின் அதனுடன் உப்பு மற்றும் புளி சேர்த்து பிரட்டவும். பின்னர் குண்டு மிளகாயைச் சேர்த்து 3 நிமிடங்கள் வதக்கி ஆறவிடவேண்டும். 

step 3💐

ஆறியதும் மிக்ஸியில் போட்டு அரைத்து எடுக்கவும். இப்பொழுது சுவையான, காரம் அதிகமில்லாத குண்டு மிளகாய் சட்னி ரெடி.

___________💐