கன்னியாகுமரி மாவட்டத்தில் உள்ள *12* சிவாலயங்கள்

 *திருச்சிற்றம்பலம்*

கன்னியாகுமரி மாவட்டத்தில் உள்ள *12* சிவாலயங்களை, 

மகா சிவராத்திரி அன்று ஓடிச் சென்றே வழிபடும் ‘சிவாலய ஓட்டம்’ பிரசித்தி பெற்றது. சுமார் 118 கிலோமீட்டர் தூரம் கொண்டது, சிவாலய ஓட்டம். சிவராத்திரி அன்று அதிகாலை 3 மணி அளவில்  வேட்டி, துண்டு, ருத்ராட்சம் அணிந்து, வெறுங்காலுடன் சிறிய பையில் விபூதி எடுத்துக்கொண்டு, பனை ஓலை விசிறியுடன் இந்த ஓட்டத்தை சிவ பக்தர்கள் தொடங்குவார்கள். 

*12* சிவாலயங்களில் முதல் ஆலயமான

 *முஞ்சிறை*

 என்ற திருமலையில் இருந்து இந்த ஓட்டம் தொடங்கும். 

12-வது ஆலயமான *திருநட்டாலம்*

 ஆலயத்தை தரிசிக்கும் வரை சிவ நாமத்தை உச்சரித்தபடியே இந்த ஓட்டம் நடைபெறும்.

*முஞ்சிறை* திருமலை மகாதேவர் கோவில்,

 *திக்குறிச்சி* மகாதேவர் கோவில்,

 *திற்பரப்பு* மகாதேவர் கோவில்,

 *திருநந்திக்கரை* நந்தீஸ்வரர் கோவில்,

 *பொன்மனை தீம்பிலாங்குடி* மகாதேவர் கோவில்,

 *திருபன்னிபாகம்* சிவன் கோவில்,

 *கல்குளம்* நீலகண்ட சுவாமி கோவில்,

 *மேலாங்கோடு* சிவன் கோவில்,

 *திருவிடைக்கோடு* மகாதேவர் கோவில்,

 *திருவிதாங்கோடு* சிவன்கோவில்,

 *திருபன்றிகோடு* மகாதேவர் கோவில்,

 *திருநட்டாலம்* சங்கர நாராயணர் கோவில்' 

ஆகியவை அந்த *12* ஆலயங்கள் ஆகும்.

பாண்டவர்களின் மூத்தவரான தருமர், ராஜ குரு யாகம் ஒன்றை நிறைவேற்றுவதற்கு, புருஷா மிருகத்தின் (வியாக்ரபாதர்) பால் தேவைப்பட்டது. அந்த ராட்சத மிருகத்துக்கு சிவன் மீது மிகுந்த பக்தி  உண்டு. வியாக்ரபாத மகரிஷி பீமனிடம், புருஷா மிருகத்தின் பால் கொண்டுவர கட்டளையிட்டார். கூடவே *12* ருத்ராட்சங்களை பீமனின் கையில் கொடுத்தார். “உனக்கு ஏதாவது ஆபத்து வந்தால், இதில் ஒன்றை கீழே போட்டுவிடு” என்று சொல்லியும் அனுப்பினார்.

பீமன் புருஷா மிருகத்தை தேடி கானகம் வந்தான். அன்று மகாசிவராத்திரி நன்னாள். அங்கே புருஷா மிருகம் சிவ தவத்தில் முஞ்சிறை திருமலையில் சிவபூஜை செய்து கொண்டிருந்தது. அங்கு பீமன் சென்று, “இறைவன் பெயரை ...''  கூறி புருஷா மிருகத்தை சுற்றி வந்தான்.  

பீமனை விரட்ட ஆரம்பித்தது. உடனே பீமன் அந்த இடத்தில் ஒரு ருத்ராட்சத்தைப் போட்டான். கீழே விழுந்த ருத்ராட்சம், ஒரு சிவலிங்கமாக மாறியது. இதைப் பார்த்ததும் புருஷா மிருகம் சிவலிங்க பூஜை செய்யத் தொடங்கி விட்டது.

சிறிது நேரம் கழித்து பீமன் மீண்டும், ‘இறைவனின் பெயரை உரக்க உச்சரித்து’  குரல் எழுப்பி, பால் பெற முயன்றான். புருஷா மிருகம் மீண்டும் பீமனைப் பிடிக்க துரத்தியது. சிறிது தூரம் ஓடிய பீமன் மீண்டும் ஒரு ருத்ராட்சத்தை கீழே போட்டான். அதுவும் சிவலிங்கமாக மாறியது. அதைப் பார்த்து மீண்டும் புருஷா மிருகம் சிவ பூஜை செய்யத் தொடங்கியது.

இப்படியே 12 ருத்ராட்சங்களும் 12 சிவ தலங்களாக உருவாகி நின்றன. 12-வது ருத்ராட்சம் விழுந்த இடத்தில்  கடைசி தலமான திருநட்டாலத்தில் அர்த்தநாரீஸ்வரர் கோலத்திலும் ஈசன் காட்சி தந்தார்.

அந்த மகிழ்ச்சியில் தருமரின் யாகத்திற்கு பால் கொடுக்க புருஷா மிருகம் ஒப்புக் கொண்டது. இதை மெய்ப்பிக்கும் வகையில் திருநட்டாலத்தில் இன்னும் இரண்டு ஆலயங்கள் உள்ளன. ஒன்றில் ஈசன், அர்த்தநாரீஸ்வரராக அருள்பாலிக்கிறார். சிவாலய ஓட்டம் தொடர்பான திருக்கோவில்களின் தூண்கள், புருஷா மிருகம் மற்றும் பீமனின் சிற்பங்களை நாம் பார்க்க முடியும்.

மேற்கண்ட புராண நிகழ்வின் அடிப்படையில்தான் ஆண்டுதோறும் சிவராத்திரி நன்னாளில் அடியவர்கள் சிவாலய ஓட்டம் சென்று, வேண்டியதை பெறுகிறார்கள். சிவாலய ஓட்டத்தில் பங்கு கொள்ளும் அடியவர்களுக்கு ஆங்காங்கே மோர், பழரசம், பானகம், கிழங்கு, கஞ்சி போன்றவற்றைக் கொடுத்து பக்தர்கள் பலரும் மகேஸ்வர பூஜை செய்கிறார்கள்.

பீமன் ஒரே சிவராத்திரி நாளில் 12 சிவாலயங்களுக்கும் ஓடியதால், இந்த ஆலயங்கள் ‘சிவாலய ஓட்டத் தலங்கள்’ என்று அழைக்கப்படுகின்றன. இந்த ஆலயங்களில் மகா சிவராத்திரி மட்டுமின்றி, மாதாந்திர சிவராத்திரி நாட்களிலும் சிவராத்திரி ஓட்டம் நடக்கிறது

இன்றைய விடியல் அனைவருக்கும் நல்ல பொழுதாக அமைந்து வாழ்வில் வேண்டுவன அனைத்தும் பெற்று சிவனருளோடு சைவப்பணி செய்து வாழ வாழ்த்தும்

அடியேன் 

ஆலவாயர் அருட்பணி மன்றம். மதுரை