கத்திரிக்காய் பிரட்டல்

 கத்திரிக்காய் பிரட்டல் 

 தேவையான பொருள்கள்      

கத்திரிக்காய் - 5, வெங்காயம் - 2, தக்காளி - பாதியளவு, மிளகாய்தூள் - ஒரு தேக்கரண்டி, 

மஞ்சள் தூள் - கால் தேக்கரண்டி, வேர்க்கடலை - 2 தேக்கரண்டி, 

தேங்காய் துருவல் - ஒரு தேக்கரண்டி, எண்ணெய் - மூன்று தேக்கரண்டி, 

கடுகு - ஒரு தேக்கரண்டி, கறிவேப்பிலை - ஒரு கொத்து          

 *செய்முறை*            

தேவையான பொருட்களை தயார் நிலையில் வைத்து கொள்ளவும். கத்திரிக்காயை பொடியாக நறுக்கிக் கொள்ளவும். வெங்காயம், தக்காளியையும் பொடியாக நறுக்கி கொள்ளவும்.

 வேர்கடலையையும், தேங்காய் துருவலையும் தனித் தனியே வாணலியில் வறுத்து வேர்கடலையை தோல் நீக்கி விட்டு இரண்டையும் மிக்ஸியில் பொடித்து கொள்ளவும்.

ஒரு வாணலியில் எண்ணெய் ஊற்றி சூடு வந்ததும் கடுகு, கறிவேப்பிலை போட்டு தாளித்து வெங்காயம், தக்காளி சேர்த்து நன்கு வதக்கவும்.வதங்கியதும் மிளகாய் தூள், மஞ்சள் தூள் சேர்த்து வதக்கவும்.பின்பு நறுக்கின கத்திரிக்காய்களை சேர்த்து நன்கு பிரட்டி சிறிதளவே தண்ணீர் தெளித்து தேவையான அளவு உப்பும் சேர்த்து மூடி போட்டு மிதமான தீயில் இரண்டு நிமிடம் வேக விடவும்.

பின்பு மூடியை திறந்து கிளறி விட்டு நன்கு வெந்து இருக்கும் நிலையில் பொடித்த வேர்க்கடலை பொடியை தூவி பிரட்டி விட்டு சிம்மிலேயே இரண்டு நிமிடங்கள் விடவும்.நன்கு எல்லாம் பிரண்டு வாசமாக இருக்கும். அதன் பின் அடுப்பிலிருந்து இறக்கவும். இதை சாம்பார், ரசம், தயிர் சாதத்திற்கு தொட்டு கொள்ள மிகவும் நன்றாக இருக்கும்.

🪷🪷🪷