வெற்றிலை சீவல்

 "முதியவர் வெற்றிலை சீவலுக்காக ஏங்கிக் கொண்டிருக்கிறார்'

-என்ற ரகசியமான உண்மை பெரியவாளுக்கு அரைக்கால் விநாடிப் பார்வையிலேயே எப்படித் தெரிந்தது?..

('எப்படித் தெரிந்தது?' நமக்கும் தான் புரியவில்லை!)

தொகுத்தவர்-டி.எஸ்.கோதண்டராம சர்மா.

தட்டச்சு-வரகூரான் நாராயணன்

கால் எலும்பு முறிவு ஏற்பட்டிருந்த ஒரு முதியவர் ஸ்ரீமடத்து வாசலில் சோர்வுடன் உட்கார்ந்திருந்தார். ஸ்ரீ பெரியவாள் வாசற்பக்கம் எட்டிப் பார்க்கும்போது அவர் உட்கார்ந்திருப்பதைப் பார்த்தார்கள்.

பெரியவாள் அருகில் தரிசனத்துக்கு வந்திருந்த யாரோ ஒரு பக்தர் நின்று கொண்டிருந்தார்.

"நீ எனக்கு ஒரு உபகாரம் பண்ணுவியோ?" என்று அவரைப் பார்த்துக் கேட்டார்கள் பெரியவா.

பக்தருக்கு உடம்பெல்லாம் புல்லரித்தது.

"உத்தரவு..." என்றார் குழைந்தபடி.

"நீ போய் எட்டணாவுக்கு வெற்றிலை சீவல் வாங்கிண்டு வந்து,வாசற்படியிலே உட்கார்ந்திருக்கிற கிழவர்கிட்டே கொடு..."- பெரியவா

பக்தர் ஓட்டமாய் ஓடிப் போய் அருகிலிருந்த பெட்டிக் கடையிலிருந்து வெற்றிலை, சீவல் வாங்கிக் கொண்டு வந்து, "இந்தாங்கோ, தாத்தா" என்று வயோதிகரிடம் நீட்டினார்.

முதியவருக்கு எல்லையில்லாத சந்தோஷம். ஒரு ராஜ்யத்தைக் கொடுத்திருந்தால் கூட, அவ்வளவு சந்தோஷப்பட்டிருக்க மாட்டார் என்று தோன்றியது.

வாயெல்லாம் பல்.  (மீதமிருந்த பற்கள்)

"மகராஜனா இருக்கணும்...சௌக்கியமா தீர்க்காயுளா இருக்கணும்...குழந்தை குட்டிகள் நன்றாக இருக்கணும்.. காலையிலேர்ந்து வெத்திலை போடாமல் ரொம்பத் தவிச்சிண்டிருந்தேன். எழுந்து போக முடியல்லே.... காசும் இல்லே... நீ மகராஜனா இருக்கணும்" என்று மனதார வாழ்த்தினார்.

பக்தர் உள்ளே சென்று பெரியவாளிடம் உத்தரவு நிறைவேற்றப்பட்டதைத் தெரிவித்தார்.

"கிழவர் என்ன சொன்னார்?"-பெரியவா.

"ரொம்ம்ம்ப சந்தோஷப்பட்டார்...நல்ல சமயத்திலே வாங்கிக்கொடுத்தியேன்னு ஏராளமா ஆசீர்வாதம் பண்ணினார்..."-பக்தர்.

"மகராஜனா இருன்னாரோ?"---பெரியவா.

"ஆமாம்"

"எப்பேர்ப்பட்ட ஆசீர்வாதம் பார்...." என்று சொல்லிவிட்டு நகர்ந்து விட்டார்கள் பெரியவா

பக்தருக்கு ஒரு ரகசியம் புரியவில்லை.

'அந்த முதியவர் வெற்றிலை சீவலுக்காக ஏங்கிக் கொண்டிருக்கிறார்' என்ற ரகசியமான உண்மை பெரியவாளுக்கு அரைக்கால் விநாடிப் பார்வையிலேயே எப்படித் தெரிந்தது?....

'எப்படித் தெரிந்தது?' நமக்கும் தான் புரியவில்லை!

புள்ளிமான் வேட்டை 19.

 புள்ளிமான் வேட்டை 19.

 திங்கட்கிழமை காலை கல்லூரிக்கு சென்ற சுநந்தா முதல் வேலையாக ப்ரொபசரை சந்தித்து ப்ராஜெக்ட் வொர்க் விஷயமாக கிருஷ்ணன் சொன்னதை அவருக்கு ஞாபகப்படுத்தி, பேசுவதற்கு கிருஷ்ணன் எப்பொழுது வர வேண்டும் என்று கேட்டாள். "புதன்கிழமை. காலை 3 மணிக்கு மேல் வர முடியுமா என்று கேள்"என்றார் ப்ரொபசர்.சுநந்தா  கிருஷ்ணனுக்கு போன் செய்து விவரத்தை கூற அதற்கு கிருஷ்ணன் "சரி" என்று கூறி" புதன் மத்யான்னம் ரெண்டு மணிக்கு முடிஞ்சா நேக்கு ஞாபகப்படுத்து. நிச்சயம் வந்து விடுவேன். பை சான்ஸ் மறந்தா நன்னா இருக்காது. அதனால்தான் உன்னை ஞாபகப்படுத்த சொன்னேன்" என்றான். "சரி.அப்படியே செய்யறேன்" என்றாள் சுநந்தா. புதன்கிழமை மதியம் இரண்டு மணிக்கு கிருஷ்ணனுக்கு போன் செய்தாள் சுநந்தா. "நேக்கு ஞாபகம் இருக்கு. நான் கிளம்பிண்டே இருக்கேன். ரெண்டே முக்காலிலிருந்து மூணு மணிக்குள் உங்க கேம்பஸுக்கு  வந்துடுவேன்" என்றான். "மெயின் எண்ட்ரன்ஸிலேந்து கொஞ்ச தூரம் வந்ததும்,ஆபீஸ் இருக்கு. அங்கு நான் உனக்காக காத்துண்டிருப்பேன்" என்றாள் சுநந்தா. கிட்டத்தட்ட மூன்று மணிக்கு கிருஷ்ணன் அங்கு வந்து சேர்ந்தான். சுநந்தா அவனுடைய பைக்கில் அமர்ந்து கம்ப்யூட்டர் சயின்ஸ் பிளாக்குக்கு  வழி  சொன்னாள். டிபார்ட்மெண்ட் வந்ததும்  வெளியில் பைக்கை  நிறுத்தி, இருவரும் உள்ளே போனார்கள். "ப்ரொபசர் தங்கராஜ்" என்று போர்ட் போட்டிருந்த அறையின் கதவைத் தட்டிய சுநந்தா "மே ஐ கம் இன் சார்" என்றாள். "எஸ்.கம் இன்" என்ற குரல் கேட்டதும். இருவரும் உள்ளே சென்றார்கள். தங்கராஜ் கிருஷ்ணனைப்பார்த்து "சோ. யூ ஆர் மிஸ்டர் ஸ்ரீகிருஷ்ணன்" என்றார் கையை நீட்டியவாரே. "எஸ் சார். நைஸ் மீட்டிங் யூ" என்ற கிருஷ்ணன் அவரது கையை குலுக்கினான். "ப்ளீஸ் டேக் யுவர் சீட் "என்றார் ப்ரொபசர். "நீயும்  உட்காரம்மா"  என்றார் சுநந்தாவிடம். இருவரும்

ப்ரொபசரின் எதிரில்  போடப்பட்டிருந்த நாற்காலிகளில் அமர்ந்தார்கள்.  ப்ரொபசர் பேச ஆரம்பித்தார். அதற்கு முன் கிருஷ்ணன் தன்னுடைய  பிசினஸ் கார்டை எடுத்து அவரிடம் நீட்டினான். அதை வாங்கி படித்த அவர்,பின்பு அதை மேஜையின் மேல் அதற்குரிய இடத்தில் வைத்தார். "சோ மிஸ்டர் கிருஷ்ணன். நீங்க படிச்ச வருஷம், நீங்க யுனிவர்சிடி கோல்ட் மெடலிஸ்ட்ன்னு கேள்விப்பட்டேன்.கன்கிராஜுலேஷன்ஸ்"என்றார். இதெல்லாம் போய் இவ  ப்ரொபசர் கிட்ட சொல்லி இருக்காளே என்று நினைத்தான் கிருஷ்ணன். "ஆமாம் சார்" என்றான் கிருஷ்ணன். "குட்" என்று சொன்ன ப்ரொபசர் "நீங்க சுந்தாவுக்கு சொன்ன ப்ராஜெக்ட் விஷயமாக யோசித்து பார்த்தேன். எங்கள மாதிரி அகடமிக்கில் இருக்கவங்கள விட உங்கள மாதிரி இன்டஸ்ட்ரீல இருக்கறவங்கதான் லேட்டஸ்ட் ட்ரெண்ட ஈசியா புரிஞ்சுக்க முடியுது. நீங்க சொன்ன மாதிரியே அவ டீம் அந்த ப்ராஜெக்ட்டை செய்யட்டும். எங்களால் அவ்வளவு கைடு பண்ண முடியலன்னா நீங்களே அவளை கைடு பண்ணலாம். இப்ப நான் உங்க வர சொன்னது இதுக்காக மட்டும் இல்லை. அடுத்த வாரம் ஒரு நாள் நீங்க இங்க வந்து செவன்த் அண்ட் எய்த்  செமஸ்டர் கம்ப்யூட்டர் சயின்ஸ், ஈசிஈ பிரான்ச் ஸ்டுடென்ட்ஸ் மத்தியில் 

"லேட்டஸ்ட் ட்ரெண்ட்ஸ் இன் ஐ டி இண்டஸ்ட்ரி" என்ற தலைப்பில்  ஒரு மணி நேரம் லெக்சர் கொடுக்கணும். உங்களால முடியும் என்று நினைக்கிறேன்" என்றார். இது சற்றும் எதிர்பார்க்காத  கிருஷ்ணன்" சார் என்னை விட. சிறந்தவர்களும்,அதிக எக்ஸ்பீரியன்ஸ் இருக்கவங்களும் இண்டஸ்ட்ரில  இருக்காங்க.அவங்கள வெச்சு லெச்சர் கொடுக்க சொல்லுங்க" என்றான். "இல்ல கிருஷ்ணன். உங்கள பார்க்கும் போது  இங்க இருக்கிற பசங்களுக்கு நீங்களும் ஏதோ ஒரு ஸ்டூடன்ட் அப்படின்ற ஒரு மனோபாவம் வரும்.

அதனால உங்க ஸ்பீச்சை அவங்க கவனமா கேப்பாங்கன்னு  நான் நம்பறேன்" என்றார். இதைக் கேட்ட கிருஷ்ணன் "ஓகே சார். நீங்க எனக்கு டேட் மற்றும் டைம் சொல்லிடுங்க. நான் வரேன். அதுக்கு முன்னாடி நான் என் கம்பெனி கிட்ட பர்மிஷன் வாங்கணும். அது ஜஸ்ட் ஃபார்மாலிட்டி தான். அத நான் பாத்துக்குறேன்" என்றான். "ஓகே மிஸ்டர் கிருஷ்ணன். தட் ஈஸ் வெரி கைண்ட் அப் யூ.நைஸ் மீட்டிங் யூ. ஹவ் எ நைஸ் டே" என்றார்." யூ டூ சார் " என்றான் கிருஷ்ணன். ப்ரொபசர் எழுந்து வாசல் கதவை திறந்து கிருஷ்ணனை வழி அனுப்பி வைத்தது, அவர் கிருஷ்ணன் மேல் வைத்திருந்த மதிப்பைக் காட்டியது.மணி மூணே முக்கால் ஆகி இருந்தது. 

"சரி நான் கிளம்பட்டுமா" என்றான் கிருஷ்ணன். "காபி சாப்டூட்டு போலாமா" என்றாள் சுநந்தா". "சரி எங்க போகலாம்"என்ற கிருஷ்ணனிடம் "எங்க கேண்டின்ல காபி சுமாரா இருக்கும். கேண்டினிக்கு போலாமா"என்றாள் சுநந்தா.கேண்டீனில்  காபி வாங்கி இருவரும் குடித்துக் கொண்டிருந்தபோது தாடி வைத்த ஒருவன் சுநந்தாவை பார்த்து "ஹாய் சுநந்தா" என்றான். அவனைப் பார்த்து "ஹாய்" சொல்லிய சுநந்தா "இவர் மிஸ்டர் ஸ்ரீ கிருஷ்ணன்" கம்பெனியின் பெயரை சொல்லி "அந்த கம்பெனியில் டீம் லீடரா இருக்கிறார்"என்று சொன்னாள். பின்பு" இன்சிடென்ட்லி ஹீ இஸ் ரிலேடட் டு மீ" என்றாள். அதைக் கேட்ட இந்த தாடிவாலாவின் முகம் சுருங்கியது. அவன் கிருஷ்ணனிடம் கைகுலுக்க கூட இஷ்டப்படவில்லை. சுநந்தாவைப் பார்த்து "எனக்கு வேலை இருக்கிறது. நம்ப அப்புறம் பாக்கலாம்"  என்று சொல்லி அவசரமாக  கிளம்பினான். அவன் சென்றதும் கிருஷ்ணன் "என்ன இவன். ரொம்ப அன் சிவிலைஸ்டா  இருக்கான்"என்றான். "அது என்னுடைய கிளாஸ்மேட். அப்துல் கரீம்" என்றாள் சுநந்தா.

அப்துல் கரீம் ஏன் அப்படி நடந்து கொண்டான் என்று சுநந்தாவுக்கு முதலில் புரியவில்லை. புத்திசாலியான என் வாசகர்களுக்கு புரிந்திருக்கும் என்று நினைக்கிறேன்.

ரயில் சிநேகம் - 3 / 3

 ரயில் சிநேகம் - 3 / 3

"பிரீத்தி" அம்மாவின் குரல் கேட்டு தன் கைப்பைகளுடன் ரயில் நிலையத்திற்க்கு புறப்பட்ட பிரீத்தி நின்றாள், " பிரீத்திமா" அம்மாவின் குரல் இப்போது கண்ணீருடன் உடைந்து வெளி வந்தது, அந்த குரல் பிரீத்தியின் கோபத்தையும் வைராக்கியத்தையும் உடைத்தாலும், அதனை வெளிக்காட்டாமல் திரும்பி அம்மாவை நோக்கினாள் பிரீத்தி.

"பிரீத்திமா, என்னை மன்னிச்சிடு, உன்கிட்ட பொய் சொல்லி வரவழைத்தது என்னோட தப்புதான்மா, உன் ஆசை படி ஒரு வருடம் கழித்தே கல்யாணத்தை வைச்சுக்கலாம். இப்போ அப்பாவோட மரியாதைக்காக வருகிற மாப்பிள்ளை வீட்டாருக்கு ஒரு நமஸ்காரம் மட்டும் பண்ணிடுமா......" என்று கூறி மகளை சமாதனப்படுத்தி வீட்டிற்க்குள் அழைத்துச் சென்றாள் பிரீத்தியின் அம்மா.

"டேய் பிரேம், நாங்க உன் கிட்ட பெண் பார்க்க போற விஷயத்தை கடைசி நேரத்தில சொல்றது தப்புதாண்டா, அதுக்காக இப்படி கோபபட்டு உடனே கிழம்பினா என்ன அர்த்தம். இன்றைக்கு பெண் பார்க்க வருகிறோம்னு அப்பா அந்த பெண் வீட்டிற்க்கு வாக்கு கொடுத்துடாங்க பிரேம், அப்பாவின் மரியாதைக்க்காக சும்மா வந்து பெண்ணை பார்த்துட்டு வந்திடலாம்டா, உன் இஷ்டம்போல ஒரு வருடம் கழித்து திருமணம் வைத்துக் கொள்ளலாம்........" என்று ஒருவாறாக பிடிவாதமான தன் மகனை சமாதானப் படுத்தினார் பிரேமின் அம்மா.

அம்மாவின் வற்புறுத்தலினால் பெண் பார்க்க புறப்பட்டான் பிரேம். அவர்கள் சென்ற கார் பாதி வழியிலேயே டயர் பஞ்சர் ஆனது. டிரைவர் டயர் மாற்றிக் கொண்டிருக்கும் போது " அம்மா, பாரும்மா சகுனமே சரியில்லை, டயர் பஞ்சர் ஆகிடுச்சு, [ அம்மாவின் பலவீனம் தெரிந்திருந்தது பிரேமுக்கிற்க்கு] பேசாம பொண்ணு வீட்டிற்க்கு ஃபோன் பண்ணி சொல்லிடலாம்மா நாம வரலீன்னு, இப்படியே திரும்பிப் போய்டலாம்மா" என்று பலவாறு தன் அம்மாவின் மனதை மாற்ற முயன்றான் பிரேம், எதுவும் செயல் படவில்லை. ஒருவழியாக பெண் வீட்டை சென்றடைந்தார்கள்.

பிரீத்திக்கு அவள் அத்தை மகள் ப்ரியா அலங்காரம் செய்துக் கொண்டிருந்தாள், பிரீத்தியோ எந்தவித ஈடுபாடும் இல்லாமல் வெறித்து நோக்கிக் கொண்டிருந்தாள். வீட்டிற்க்கு வெளியில் கார் நிற்க்கும் சத்தம் கேட்டு ப்ரியா வீட்டின் வாசலுக்கு விரைந்தாள்.

சிறிது நேரத்தில் பிரீத்தியின் அறைக்குள் ஓட்டமாக ஓடி வந்தாள் ப்ரியா " பிரீத்தி மாப்பிள்ளை வந்தாச்சு, பிரீத்தி மாப்பிள்ளை சூப்பரா இருக்காரு, அவர் பார்க்க மா..........." அவள் முடிக்கும் முன் இடைமறித்தாள் பிரீத்தி " போதும் ப்ரியா, ரொம்ப கத்தாதே, போய் உன் வேலையை பாரு" என்று எறிந்து விழுந்தாள் ப்ரீத்தி,

உற்ச்சாகத்துடன் வந்த ப்ரியாவின் முகம் வாடியது" நானும் பார்த்துட்டே இருக்கிறென் நீ இன்றைக்கு சரியே இல்லை, என்னாச்சு உனக்கு, நீ ரொம்ப மாறிட்டே பிரீத்தி" என்று கூறி அறையை விட்டு வெளியேறினாள் ப்ரியா.

பெண் வீட்டிற்க்கு முன் கார் நின்ற பின்பு கூட பிரேமிற்க்கு திரும்பி போய் விடலாமா என்று தோன்றியது, கார் இருக்கையின் பின் தலை சாய்த்து ஒரு நிமிடம் கண் மூடினான், பளிச்சிட்டது ' அந்த முகம்' அவன் மணக்கண்ணில்.

"பிரேம்" என்று அம்மாவின் குரல் கேட்டு தன் நிலைக்கு வந்தான் பிரேம், காரிலிருந்து அனைவரும் இறங்க, " வாங்க, வாங்க " என்று பலத்த உபசரிப்பு பெண் வீட்டாரிடமிருந்து.

யாருக்கும் சரியாக பதில் வணக்கம் கூறவில்லை பிரேம். இறுக்கமான முகத்துடன் பெண் வீட்டிற்க்குள் நுழைந்து அவனிடம் சுட்டிக் காட்டபட்ட இருக்கையில் அமர்ந்தான்.

"நிமிர்ந்து உட்காருடா" என்று அவன் அம்மா காதில் கிசு கிசுக்க தலை நிமிர்ந்தான் பிரேம். அவனுக்கு எதிரில் இருந்த சுவற்றில் பளிச்சிட்டது ' அவள் பிம்பம்'.

ப்ரியா அறையிலிருந்து சென்றுவிட, 'ஏன் எனக்கு இவ்வளவு கோபம் , எறிச்சல் எல்லாம் வருது', "கடவுளே' என்று கண்களை மூடினாள் பிரீத்தி , 'அந்த முகம்' பளிச்சிட்டது பிரீத்தியின் மனக்கண்ணில், " மின்னலே படத்துல வருகிற ரீமா சென் மாதிரி ஆகிட்டேனே" என்று அவள் நினைத்துக் கொண்டிருக்கும் போதே அவள் அம்மா அறையினுள் வந்தாள்.

"பிரீத்தி , மாப்பிள்ளைக்கு உன்னிடம் தனியாக பேச வேண்டுமாம், அப்புறமா நீ ஹாலுக்கு வந்து எல்லாருக்கும் நமஸ்காரம் சொன்னா போதும், இப்போ இங்க வருவாரு, பேசிடு..." என்று இவள் பதிலுக்கு கூட காத்திராமல் அறையிலிருந்து வெளியேறினாள் அவள் அம்மா.

' என்ன ஆளு இந்த மாப்பிள்ளை பையன், அதான் கொஞ்ச நேரத்துல பொண்ணை காண்பிக்க போறாங்களே, அப்போ பார்த்துக்கலாம்னு பொறுமையா இருக்கத் தெரில, அவசரக் குடுக்கை ஆட்டம் பார்க்கிறதற்க்கு முன்னமே தனியா பேசணுமாம், சரியான அலைஞ்சானா இருப்பான் போலிருக்கு' என்று மனதிற்க்குள் பிரீத்தி வசைபாடிக் கொண்டு தன் அறையின் ஜன்னல் வழியே வெளியில் நோக்கிக் கொண்டிருந்தாள்.

" எக்ஸ்கூஸ்மீ, ஒரு எக்ஸ்ட்ரா சப்பாத்தி பார்சல் கிடைக்குமா???" ...........

அதே குரல்!!!!!

அடிவயிற்றில் பட்டாம் பூச்சுகள் பறக்க

இதயத் துடிப்பு அதிவேகமாக அடிக்க

கைகால்கள் நடுங்க

உதடுகள் துடிக்க

கண்கள் பட படக்க..........

திரும்பினாள் பிரீத்தி,

அங்கே 'அவன்' வாயிலின் நிலைப்படியில் சாய்ந்துக் கொண்டு இரு கரங்களையும் கட்டிக் கொண்டு நின்றான்.

காண்பது கனவா நினைவா என்று என்று பிரித்தி திகைக்க, மறுபடியும்" சப்பாத்தி பார்சல் கிடைக்குமா??" என்று கண்களைச் சிமிட்டினான்.

காதல் வாகனத்தில் திருமண பந்தத்தில் இனிதே தொடர்ந்தது அவர்கள் பயணம்...........

*முற்றும்.✍🏼🌹*

ரயில் சிநேகம் - 2 / 3

 ரயில் சிநேகம் - 2 / 3

"ஐயோ" என்று கொஞ்சம் சத்தமாகவே கூறிவிட்டாள் பிரீத்தி. என்னாச்சுதோ என்று அனைவரும் இவளை பார்க்க " என் ஃபரண்ட் ஷாலினுக்கும் சேர்த்து வாஙகிய சப்பாத்தி பார்சல் என் பையிலேயே இருந்துவிட்டது, அவள் ரூமிற்க்கு போனபோது எடுத்து போக மறந்து விட்டாள்" என்ற பிரீத்தி , " பிரேம் என்கிட்ட இப்போ இரண்டு சப்பாத்தி பார்செல் இருக்கிறது, நீங்க ஒன்று வாங்கிகோங்க" என்றாள்.

" வாங்கிக்கனுமா?.............அப்படின்னா எவ்வளவு விலைங்க உங்க எக்ஸ்ட்ரா சப்பாத்தி பார்சல், ?ஹாஃப் ரேட்னா ஓகே" என்று அப்பாவித்தனமாக முகத்தை வைத்துக் கொண்டு கேட்டான் பிரேம்.

" அச்சோ! அப்படி இல்லீங்க, என்கிட்ட தான் இப்போ இரண்டு பார்சல் இருக்கிறதே, நீங்க ஒன்று சாப்பிடலாமேன்னு சொன்னேன்" என்று விளக்கினாள் பிரீத்தி.

"இப்படி விளக்கமா ' சாப்பிடுங்கன்னு' நீங்க சொல்லியிருக்க்கனும், ' வாங்கிக்கங்கன்னு' நீங்க சொன்னதும் சாப்பாடு பொட்டலம் வியாபாரம் பண்றிங்களோன்னு நான் பயந்துடேங்க" என்று கூறி சிரித்தான் பிரேம்.

அவனது கிண்டலும் கேலியுமான பேச்சு பிரீத்திக்கு பிகவும் பிடித்திருந்தது. பின் இருவருமாக உணவருந்தும் போதும் கிரிக்கட், சினிமா, உலக நடப்பு என்று நிறைய பேசினான், அத்தனையும் பிரீத்தியை கவர்ந்தன.

தன் அம்மாவின் உடல் நிலைக் குறித்து கவலையுடன் கணமாக இருந்த பிரீத்தியின் இதயம் இலகுவானது, ஒருவிதமான பரவசத்துடன் உறங்கிபோனாள் பிரீத்தி.

யாரோ தன் கையைப் பிடித்து " எழும்புங்க பிரீத்தி, கோயம்புத்தூர் வந்தாச்சு" என்று கூறுவது கேட்டு கண் விழித்தாள் பிரீத்தி. அவளுடன் பயணம் செய்துக் கொண்டிருட்ந்த அந்தக் குடும்பத் தலைவி அவளருகே நின்றிருந்தாள். 

அவசரம் அவசரமாக எழுந்த பிரீத்தியின் கண்கள் ' அவனை' தேடின. எங்கு போனான் அவன், அவனையும் காணோம் அவன் கைப் பைகளையும் காணோமே என்று பதறிப் போன பிரீத்தி, அக்குடும்ப தலைவியிடம் " ஏங்க , நம்ம கூட பிரயாணம் பண்ணினாரே அந்த பிரேம் எங்கேங்க??" என்று கேட்டாள்.

" அவர் வடகோவை ரயில் நிலையத்திலேயே இறங்கிட்டாருங்க, உங்க கிட்ட சொல்லச் சொன்னருங்க, நீங்க ரொம்ப அயர்ந்து தூங்கிட்டு இருந்தீங்களா அதான் எழுப்பி தொந்தரவு செய்ய வேண்டாமேன்னு எங்க கிட்ட சொல்ல சொல்லிட்டு போய்ட்டாருங்க" என்றார் அந்த பெண்.

பிரீத்திக்கு ஏனோ அழுகை அழுகையாக வந்தது. 'அவன்' சொல்லிக்கொள்ளாமல் சென்றது அவளுக்கு பெருத்த ஏமாற்றமாக இருந்தது..

ஊர் கதை, உலக கதை எல்லாம் பேசினான், அவனுக்கு எந்த ஊர், எங்கு வேலைப் பார்க்கிறான், அவன் மொபைல் நம்பர் என்ன, எந்த விபரமும் அவன் சொல்லவில்லை, தானும் கேட்ட்காமல் விட்டு விட்டோமே என்று தன்னையும் அவனையும் மனதிற்க்குள் திட்டிக் கொண்டே ஆட்டோவில் தன் வீட்டிற்க்குச் சென்றாள் பிரீத்தி.

'ரயில் சினேகம் ரயில் வரைதான்' போலும் என்று தன்னை தானே சமாதனப் படுத்திக் கொண்டு, அம்மாவை காணும் ஆவலில் வீட்டிற்க்குள் நுழைந்தாள் பிரீத்தி. வாசலருகில் புன்முறுவலுடன் வரவேற்றார் அவள் தாத்தா." 

வாம்மா பிரீத்தி, பிரயாணம் எல்லம் சவுகரியாமா இருந்துச்சாமா? ரொம்ப களைப்பா தெரியறேயேம்மா" என்று தாத்தா கேட்க, " தாத்தா அம்மா எங்கே, அம்மா வுக்கு உடம்புக்கு என்ன, இப்போ அம்மா உடம்பு எப்படி இருகிறது, டாக்டர் என்ன சொல்கிறார் " என்று வரிசையாக தன் கேள்விகளைத் தொடுத்தாள் பிரீத்தி.

" பொறும்மா, முதல்ல உள்ளே வா, நிதானமா எல்லாக் கேள்விகளுக்கும் பதில் சொல்கிறேன் " என்றார் தாத்தா. தாத்தாவின் முகத்தில் தன் அம்மாவுக்கு உடல் நிலை சரியில்லாததுக் குறித்து எந்த வருத்தமும் தெரியவில்லையே, எப்போதும் விட ரொம்ப உற்சாகமாக தெரிகிறாரே என்று குழப்பத்துடன் வீட்டின் முன் அறைக்குச் சென்றாள்.

சனிக்கிழமையானால் காலை 10 மணிவரை இழுத்துப் போர்த்திக் கொண்டு தூங்கும் தன் தம்பி பிரவீன் அன்று அத்தனை சீக்கிரமாக எழுந்து வீட்டை சுத்தம் செய்துக் கொண்டிருப்பதை பார்த்து ஒரு நிமிடம் அதிர்ந்தே போனாள் பிரீத்தி

" பிரவீன் , என்னடா இத்தனை சீக்கிரம் எழுந்துட்ட, இது என் தம்பி பிரவீன் தானா, என் கண்ணால நம்பவே முடியலையே" என்றாள் பிரீத்தி.

" பிரீத்தி, 'கண்ணை நம்பாதீங்க' என்று நடிகர் மாதவன் சன் டீவி யில் வருகிற டிஷ் வாஷிங் லிக்குயிட் விளம்பரத்துல சொல்வாரு பாத்திருகிறியா?? அதே மாதிறி உன் கண்ணை நம்பாதே" என்றான் பிரவீன். ' மாதவன் ' என்ற பெயரை கேட்டதும் பிரீத்தியின் மனதில் ' அந்த முகம்' பளிச்சிட்டது. தன் மனதைக் கட்டுபடுத்திக் கொண்டு " அம்மா எங்கேடா பிரவீன் ?" என்று கேட்டாள் பிரீத்தி,

அதே சமயம் மாடிப் படிகளில் பிரீத்தியின் அம்மா வீட்டின் முன் அறைக்கு இறங்கி வந்துக் கொண்டிருந்தார் . ஃபிரஷாக தலை குளித்து, உயர் ரக புடவை உடுத்தி தன் அம்மா ஒரு அழகு தேவதை போல் மாடி படிகளில் வருவதைக் கண்டதும் அதிர்ச்சியில் உரைந்துப் போனாள் பிரீத்தி.

" அம்மா, உங்களுக்கு உடம்பு சரியில்லை என்று அப்பா ஃபோனில்............" என்று அவள் கூறி முடிக்கும் முன் பிரீத்தியின் அப்பாவும் அங்கு வந்தார்,

" அதெல்லாம் சும்மா டூப்பூ, உன்னை வீட்டிற்க்கு வரவழைக்கத் தான் அப்பா அப்படி சொன்னாங்க ஃபோனில்" என்றான் பிரவீன். ஒன்றும் புரியாமல் விழித்த பிரீத்தியிடம் அவள் அப்பா" பிரீத்திமா, நானே ஸ்டேஷனுக்கு வரனும்னு இருந்தேன் , வெளியில கொஞ்சம் வேலை வந்துடுச்சு, பிரீத்தி இன்றைக்கு உன்னை பெண் பார்க்க மாப்பிள்ளை வீட்டுக்காரங்க வராங்கடா , உண்மையைச் சொல்லி வீட்டுக்கு வர சொன்னா நீ ஆயிரம் காரணம் சொல்லி வராமல் இருந்துடுவன்னு தான் அம்மா என்னை அப்படி ஃபோனில் சொல்லச் சொன்னாடா" என்றார்.

பிரீத்திக்கு தலை சுற்றியது, கோபமும் ஆத்திரமும் பொங்கி எழுந்தன, " ஏம்பா பொய் சொல்லி என்னை வரவழைச்சீங்க? நான் தான் ஒரு வருஷம் கழிச்சு மாப்பிள்ளை பாருங்கன்னு சொன்னேன் இல்ல, அப்புறம் ஏம்பா இப்படி பண்ணினீங்க. எனக்கு இப்போ கல்யாணம் வேண்டாம், 

அம்மாவுக்கு உடம்பு சரியில்லைன்னு நான் எவ்வளவு பதறிப் போயிட்டேன் தெரியுமா?? எல்லாரும் சேர்ந்து பொய் சொல்லி என்னை ஏமாத்திட்டீங்க இல்ல, நான் போறேன் சென்னைக்கு, மதியம் இன்டர் ஸிட்டி ரயிலிலேயே நான் கிளம்புறேன், 

அந்த மாப்பிள்ளை வீட்டிற்க்கு சொல்லிடுங்க என் பொண்ணு சென்னையிலிருந்து வரலைன்னு, நான் இப்போவே கிளம்புகிறேன்" என்று கோபத்தில் வெடிக்கும் பிரீத்தியை எப்படி சமாதனப் படுத்துவது என அனைவரும் யோசிக்க பிரீத்தி ரயில் நிலையத்திற்க்கு புறப்பட்டாள்.

வடகோவை ரயில் நிலையத்தில் பிரேமின் மாமா மகன் சுந்தர் பிரேமை அழைத்துச் செல்ல வந்திருந்தான், " வாடா மாப்பிள்ளை, ட்ரெயின் கரெக்ட் டைம்முக்கு வந்துடுச்சு போலிருக்கு, பிரயாணம் எல்லாம் எப்படிடா வசதியா இருந்துச்சா? சென்னையில் நல்ல மழையாமே? இங்கே கல்யாண வீட்டிற்க்கு வந்திருகிறவர்களுக்கு எல்லாம் ஹோட்டலில் ரூம் போட்டிருகாங்க , எல்லாரும் அங்க தான் இருக்கிறாங்க, போகலாம் வா" என்று பேசிக் கொண்டே நடக்க , பிரேமோ நகர்ந்துச் சென்றுக் கொண்டிருந்த ஃபளு மவுண்டைன் ரயிலை திரும்பி திரும்பி பார்த்துக் கொண்டே நடந்தான்.

' போகுதே போகுதே என் பைங்கிளி ரயிலிலே' என் அவன் மணம் பாடியது.

ஹோட்டல் ரூமிற்க்கு வந்து குளித்து முடித்து, காலை உணவு அருந்த அவன் தயாரகிக் கொண்டிருந்த போது, அவன் அப்பாவும் அம்மாவும் தயங்கி தயங்கி அவன் அறக்குள் வந்தனர்." பிரேம் " என்று அழைத்தாள் அவன் தாய் ," என்னம்மா, சொல்லுங்க" என்றான் பிரேம். அவன் தாய் தன் கணவனை நோக்க அவர் தொடர்ந்தார், " பிரேம் உனக்கு பெண் பார்க்க போகிறோம் இன்றைக்கு, பெண்ணுக்கு கோயம்புத்தூர், 

அதான் கல்யாணத்திற்க்கு வந்த இடத்திலேயே பெண் பார்க்க வருவதாக ஏற்பாடு செய்து விட்டோம், புறப்பட்டு தயாராக இரு, 10 மணிக்கு நாம் குடும்பமாக பெண் வீட்டிற்க்கு செல்கிறோம் " என்று ஒரே மூச்சில் சொல்லி முடித்தார் .

பிரேமிற்க்கு கோபமும் ஆத்திரமும் பொத்துக் கொண்டு வந்தது, " இதற்க்கு தான் தூரத்து உறவு காரங்க கல்யாணத்திற்க்கும் கண்டிப்பா வரனும்னு கட்டாயப் படுத்தினீங்களா?? நான் தான் எனக்கு இப்போ கல்யாணம் வேண்டாம் ஒரு வருடம் போகட்டும் என்று சொல்லியிருந்தேனே, 

அப்புறம் என்ன அவசரம் உங்களுக்கு, யார் கிட்ட கேட்டு இந்த ஏற்பாடு எல்லாம் பண்ணினீங்க? என்னை ஏமாத்தி வரவழைச்சுட்டு இங்கே இவ்வளவு ஏற்ப்பாடு பண்ணியிருகிறீங்க இல்ல, 

நான் போறேன் சென்னைக்கு, அந்த பொண்ணு வீட்டுல சொல்லிடுங்க என் பையன் சென்னையிலிருந்து வரல ன்னு, மதியம் இண்டர் ஸிட்டி ரயிலுக்கே நான் கிளம்புகிறேன் " என்று கோபத்தில் பிரேம் வெடிக்க அவனை எப்படி சமாதானப் படுத்துவது என அவன் பெற்றோர் யொசிக்க ரயில் நிலையத்திற்க்கு புறப்பட்டான் பிரேம்...........

 *[சினேகம் தொடரும்..]✍🏼🌹*

ரயில் சிநேகம் - 1 / 3

 ரயில் சிநேகம் - 1 / 3

நேரம் செல்ல செல்ல பிரீத்திக்கு டென்ஷன் அதிகம் ஆனது. 'வேலையை முடித்துவிட்டு, சீக்கிரமாக ஹாஸ்ட்டல் ரூமுக்குப் போய் உடைமாற்றிக் கொண்டு, 8.30 மணி ' ப்ளு மவுண்டைன்' யை பிடிக்கனும், அம்மாவுக்கு இப்போ உடல் நிலை எப்படி இருக்கிறதோ?' என சிந்த்தித்துக் கொண்டே தன் வேலைகளைக் கவனித்துக் கொண்டிருந்த்தாள். அம்மாவுக்கு உடல் நிலை சரியில்லை உடனே புறப்பட்டு வா என்று அப்பா நேற்று போனில் சொன்னதிலிருந்து பிரீத்திக்கு அம்மா ஞாபகமாகவே இருந்தது.

"ஹலோ பிரீத்தி இன்னுமா நீ கம்பியூட்டர்கிட்ட சண்டை போட்டு முடிக்கல? இப்போவே மணி 5.30 ஆச்சு பிரீத்தி, இப்போ நாம ரூமுக்கு போனாத்தான் நீ நைட் ட்ரெயின் பிடிக்க முடியும்" என்று பிரீத்தியின் தோழி ஷாலினி துரிதப்படுத்தினாள்.

"இருடி ஷாலு, 10 நிமிஷத்துல முடிச்சிடுவேன், புறப்பட்டுடலாம்" என்று கூறிக் கொண்டே தன் வேலைகளை முடித்தாள் பிரீத்தி.

" சென்னைக்கு நீ வந்து 3 மாதம் தானே ஆகுது, அதான் உனக்கு இங்குள்ள ட்ராஃபிக் பத்தி தெரில, உங்க கோயம்புத்தூர்ல ஆர்.ஸ் புரத்திலிருந்து 10 நிமிஷத்துல ரெயில்வே ஸ்டேஷன் போற மாதிரி இங்க எல்லாம் போக முடியாதுமா கண்ணு, so சீக்கிரம் புறப்படு" என்று அவசரப் படுத்தினாள் ஷாலினி.

ஒருவாறாக வேலைகளை முடித்துவிட்டு , இருவரும் ஆட்டோவில் ரூமிற்க்கு போய், பிரீத்தியின் கைப்பைகளை எடுத்துக் கொண்டு வெயிட்டிங் லிருந்த ஆட்டோவில் ரெயில்வே ஸ்டெஷன் போய் சேர்ந்தார்கள். சப்பாத்தி பார்சல் ஒன்று வாங்கிக்கொண்டு ப்ளு மவுண்டைன் ட்ரெயின் ல் தன் கோச் எண் சரிபார்த்து ஏறிக்கொண்டாள் பிரீத்தி.

அவள் சிறு வயதிலிருந்தே விரும்பும் ஜன்னல் ஒரத்து இருக்கையே கிடைத்தது.' ஹப்பாட'என்ற பெருமூச்சுடன் பின் தலையை இருக்கையில் சாய்த்துக் கண் மூடிக்கொண்டாள். தண்ணீர் பாட்டில் வாங்கச் சென்றிருந்த ஷாலினி, ஜன்னல் கம்பி வழியாக பிரீத்தியை அழைத்தாள்," ஏய் என்னடி ஆச்சு, டல்லா ஆகிட்ட??"என்று கேட்டாள், " ஒன்றும் இல்லை ஷாலு, அம்மா எப்படி இருகிறாங்களோ ன்னு ஒரே ஞாபகமா இருக்குது, அதான்........."

" ஐயோ பிரீத்தி , இன்னும் 8 மணி நேரத்துல அம்மா வை பார்க்க போற, பின்ன என்ன?? அம்மா வுக்கு இப்போ உடம்பு நல்லா ஆகிருக்கும், நீ கவலைபடதே பிரீத்தி, பத்திரமா போய்யிட்டு வா, நான் கிளம்புறேன், சரியா" என்று விடைக் கொடுத்தாள்.

ஷாலினியின் வார்த்தைகள் பிரீத்திக்கு ஆறுதலாக இருந்தது, பிரீத்தியின் இருக்கைகு அருகில் அவளை தவிர மற்ற ஐந்து இடங்களில் , அப்பா அம்மா இரு குழந்தைகள் என ஒரு குடும்பம் இருந்தது, ஐந்தாவது இடத்தை பதிவு செய்தவர் இன்னும் வரவில்லை போலும் என நினைத்துக்கொண்டாள் பிரீத்தி.

ரயில் மெதுவாக நகர அரம்பித்தது, களைத்து போன தன் முகத்தை தண்ணீரினால் கழுவி refresh செய்துக்கொள்ளலாம் எனச் சென்றாள் பிரீத்தி, கதவருகே

சென்றபோது.....யரோ ஒருவர் வாயிலின் கம்பியினைப் பிடித்துக்கொண்டு ரயிலில் ஏற ரயிலுடன் ஓடி வருவதைக் கண்டாள், " அச்சோ பாவம், வண்டி வேற வேகமாக போக அரம்பிக்க போகுதே " என்று நினைத்துக்கொண்டே , அந்த கரத்தை பிடித்து உள்ளே இழுத்து , அவர் உள்ளே ஏறி வர உதவினாள்.

மூச்சு வாங்க " ரொம்ப தாங்க்ஸ்ங்க "என்றான் அவன். ஒரு 25 அல்லது 27 வயது இருக்கும் அவனுக்கு, பார்க்க அசப்பில் நடிகர் மாதவனை ஞாபகபப்படுத்தினான் . வேர்த்துக் கொட்டியது அவனுக்கு, மறுபடியும் " ரொம்ப நன்றிங்க" என்று அவன் சொன்னபோதுதான் சுயநினைவிற்க்கு வந்தாள் பிரீத்தி.

" பரவாயில்லீங்க, ட்ரெயினுக்கு சரியான நேரத்திற்க்கு வந்திருக்க கூடாதா??" என்று கூறினாள். " ஆமாங்க கொஞ்சம் சீக்கிரமா வந்திருக்கனும், எப்படியோ லேட் ஆச்சுங்க" என்று அவன் பதிலளித்தான்.

அவன் வாசலருகில் நின்று தன்னை ஆசுவாசப்படுத்திக்கொள்ள, பிரீத்தி தன் இருக்கைக்குத் திரும்பி சென்றாள். சிறிது நேரத்தில் அவள் பக்கத்தில் காலியாக இருந்த இருக்கையில் வந்து அமர்ந்தான் ' அவன்'. " what a pleasant surprise ! நீங்க என் பக்கத்து seat ஆ" என்று தன் ஆச்சரியத்தை எந்த தயக்கமுமின்றி வெளிப்படுத்தினான். " By the way , I am Prem, your sweet name please?" என்று தன் பெயர் அறிமுகம் செய்தான். பார்த்து ஐந்து நிமிடங்களே ஆகிருந்தாலும் ஏதொ ஒரு பந்தம் தன்னக்கு அவனோடு இருப்பது போல் உண்ர்ந்ததால் " I am preethy" என்று எதையும் யோசிக்காமல் அறிமுகம் செய்துக்கொண்டாள் பிரீத்தி. தான் கோவைக்கு சொந்தகாரரின் திருமணத்திற்க்குச் செல்வதாக கூறினான் அவன்.

இவர்கள் பெயர் அறிமுகம் செய்வதை கண்ட சக பயணிகளான அந்த குடும்பமும், தங்களையும் இவர்களுக்கு அறிமுகப் படுத்திக்கொண்டனர். அந்தக் குடும்பத்திலிருந்த மூத்த மகனுக்கு 10 வயது , பெயர் ஷிவா , அவன் தங்கைக்கு 8 வயது, பெயர் நந்தினி. மிகவும் மரியாதையுடனும் , அறிவுடனும் பேசிப் பழகினர் அக்குழந்தைகள். அவர்கள் பெற்றோரும் மிகுந்த அன்னியோனியமாகவும் , நல்ல புரிதல் உள்ள தம்பதிகளாகவும் காணப்பட்டனர்.

ஒரே நேரத்தில் " பிள்ளைகளை நல்ல பண்புகளுடன் வளர்த்திருகிறீர்கள் " என்று பரேமும் பிரீத்தியும் கூறினர், இருவரும் ஒரே வார்த்தைகளை ஒரே சமயத்தில் கூறியதைக் கண்டு ஆச்சரியப்பட்ட அந்த குடும்பத் தலைவி பெருமிதம் கொண்டார். ஒரு அர்த்தமுள்ள புன்னகையுடன் பரேமும் பிரீத்தியும் நோக்கிக்கொண்டனர்.

சிறிது நேரத்தில் இரவு உணவு சாப்பிட ஆரம்பித்தது அக்குடும்பம். பிரீத்தியையும் பிரேமையும் தங்களுடன் உணவு அருந்துமாறு வற்புருத்தினாள் அக்குடும்பத் தலைவி. " கேட்டதிற்க்கு நன்றிங்க, எனக்கு வேண்டாம் நீங்க சாப்பிடுங்க " என்று மறுத்தான் பிரேம். " நான் சப்பாத்தி பார்செல் வைத்திருகிறேன், அதனால் எனக்கும் வேண்டாங்க" என்று மறுத்தாள் பிரீத்தியும்.

தன் சப்பாத்தி பார்சலை எடுத்த போது தான் கவனித்தாள் பிரீத்தி, " ஐயோ............

 *( சிநேகம் தொடரும்....).✍🏼🌹*

செங்கழுநீர், நீலோத்பல புஷ்பங்கள்

 OM SRI GURUPYO NAMAHA RESPECTFUL PRANAMS TO SRI KANCHI MAHA PERIVA 

(Article Courtesy, posted in 2015: Sri Ganapathi Subramanian – Auditor in Karaikal. Sri Sivan Sar once said, “Arooran en adimai” – He is such a blessed devotee of Sri Sivan SAR and Sri MahaPeriyava.)

எசமானும் தியாகராசாவும் ஒண்ணுதானே!

1984ம் வருஷம் ஸ்ரீபெரீவா காஞ்சிபுரத்தில் இருந்த சமயம்..

திருவாரூரிலிருந்து சுவாமியைத் தொட்டு பூஜிக்கும் உரிமை பெற்ற நயினார் வந்து கோவில் மரியாதைகளைச் சமர்ப்பித்தார்.

ப்ரஸாதத் தட்டில் ஸ்ரீதியாகராஜாவுக்குச் சார்த்திக் களைந்த செங்கழுநீர், நீலோத்பல புஷ்பங்கள் இருந்தன.

இவ்விரண்டும் மிகவும் அரிதானவை. திருவாரூர் தவிர வேறெங்கும் காணமுடியாதவை.

ஸ்ரீதியாகராஜாவுக்கு தினமும் இந்த புஷ்பங்களைச் சார்த்துவது வழக்கம்.

கோவில் ஐந்து வேலி, கமலாலயக் குளம் ஐந்து வேலி, செங்கழுநீர் ஓடை ஐந்து வேலி என்பது வழக்கு மொழி.

ப்ரஸாத தட்டைத் தன் கரத்தால் தொட்ட ஸ்ரீபெரீவா இரண்டு புஷ்பங்களையும் தன் சிரத்தில் சார்த்திக்கொண்டார்கள்...சிறிது நேரம் மௌனமாக இருந்துவிட்டு…திருவாரூரிலிருந்து செங்கழுநீர், நீலோத்பலக் கிழங்குகளை ஸ்ரீமடத்தில் பயிராக்கக் கொண்டு வரும்படி உத்தரவிட்டார்கள்.

ஊருக்குத் திரும்பினோம்.

செங்கழுநீர்ஓடைக்குப் போனோம். காவல்காரரைப் பார்த்து விஷயத்தைச் சொன்னோம்.

“திருவாரூரில் மட்டுமே வளரும் இந்த புஷ்பங்கள் வேறெங்கும் வளர்வதில்லை ; இருந்தாலும் எசமான் சொன்னா நடக்கும்.. அவங்களும் தியாகராசாவும் வேற இல்லீங்களே!” என்றபடியே கிழங்குகளைப் பறித்துக் கொடுத்ததார் காவல்காரர் சுந்தரமூர்த்தி.

உத்தரவானபடியே கொடிக்கிழங்குகளைக் ஸ்ரீமடத்திற்குக் கொண்டு வந்து ஸ்ரீபெரீவாளிடம் சமர்ப்பித்தோம்.

ஸ்ரீபெரீவாளின் சன்னதிக்கெதிர்புறமாக இருந்த மேடையின் வெளிப்புறம் நடைபாதையை ஒட்டி இரண்டு தொட்டிகளை கட்டச் சொன்னார்கள். ஆற்று மண், குளத்துப் பொருக்கு இரண்டும் கொண்டு நிரப்பச் சொன்னார்கள். கிழங்குகளை மண்ணுக்குள் புதைத்து ஜலம் விடச் சொன்னார்கள்.

எல்லாம் நல்லபடியாக நடந்தது…

ஆனாலும் தியாகராஜாவுக்கு மட்டுமே என்று சொந்தம் கொண்டாடப்பட்டு வரும் இவை ஸ்ரீமடத்தில் கட்டப்பட்ட தொட்டிகளில் பூக்குமா ? என்னும் கேள்வி எங்கள் மனத்தில் இருந்தது.

இரண்டு மாதங்களில் கொடிகள் நன்றாக வளர்ந்து மூன்று மூன்றாக ஆறு புஷ்பங்கள் ஒரே சமயத்தில் பூத்தன !

தொட்டிகளுக்கருகில் வந்து பார்த்த ஸ்ரீபெரீவா இரண்டை ஸ்ரீசந்த்ரமௌலீச்வரருக்கும், இரண்டை ஸ்ரீகாமாக்ஷீ அம்பாளுக்கும் சார்த்தும்படி உத்தரவிட்டார்கள். மீதமிருந்த இரண்டையும் ஸ்ரீ தியாகராஜஸ்வாமிக்குச் சார்த்துவது போலத் தன் சிரசில் வைத்துக் கொண்டார்கள்.

மறுபடியும் பூக்கள் தொட்டியில் பூக்கவில்லை.

சில மாதங்களுக்கு முன் ஸ்ரீபெரீவாளுக்குச் சார்த்துவதற்காக மறுபடியும் செங்கழுநீர், நீலோத்பலம் பயிராக்கினால் என்ன என்று தோன்றியது.

கிழங்குகளைத் திருவாரூரிலிருந்து கொண்டு வந்து சின்னத் தொட்டிகளில் இட்டு வளர்த்தோம்...

இரண்டு பூக்களுமே இந்தக் கட்டுரை எழுதும் இன்றைய தினத்தில் பூத்திருக்கின்றன, (article posted in 2015) 

இரண்டையும் எஜமானுக்கு ஸ்ரீபாத புஷ்பங்களாக அட்டித்தொழுது நமஸ்கரிக்கிறோம்.

எசமானும் தியாகராசாவும் ஒண்ணுதானே !

SRI KANCHI MAHA PERIVA THIRUVADIGAL CHARANAM

Jaya Jaya Shankara hare hare Shankara

உளுந்து வடை டிப்ஸ்

 🟨🟨🟨👇🟥🟥🟥

வடை வடையாம் காரணமாம்

உளுந்து வடை டிப்ஸ்

 உளுந்தை அதிகம் ஊறவிடக் கூடாது. அரை மணிக்குமேல் ஒரு மணிநேரமே போதுமானது.

மாவு கெட்டியாக இருக்கவேண்டியது முக்கியம். அப்பொழுதான் வடைகளாகத் தட்ட முடியும். மேலும் தளர்வாக இருந்தால் அதிக எண்ணை குடிக்கும்.

கிரைண்டரில் தண்ணீர் சேர்க்காவிட்டாலும், கையால் தள்ளிவிட்டுக்கொண்டே அப்படி கெட்டியாக அரைப்பது சுலபம். மற்றும் கல்லில் அரைபடுவதால் சுவையாகவும் இருக்கும். மாவு அதிகம் கிடைக்கும்.

மிக்ஸியில் தண்ணீர் விடாமல் அரைப்பது சிரமம். அதனால் பிளேடு உயரம் வரை மட்டுமே உளுந்தைப் போட்டு 3,4 தவணைகளாக அரைத்தால் அதைச் சுலபமாக அரைக்க முடியும். எல்லா மாவையும் அரைத்தபின் உப்பையும் சேர்த்து மொத்தமாக நன்கு கலந்துகொள்ள வேண்டும்.

எந்த முறையில் அரைத்தாலும் மொத்தமாக மாவு அரைத்தபின் கடைசியிலேயே உப்பைச் சேர்த்துக் கொள்ளவும்.

அரைத்த மாவை உடனே தட்டாமல், 10லிருந்து 20 நிமிடங்கள் ப்ரிட்ஜில் வைத்துவிட்டு, தண்ணீரைத் தொட்டுக் கொண்டு வடைகளாகத் தட்டுவது சுலபமாக இருக்கும்.

இத்தனை மெனக்கெடலுக்குப் பிறகும் ஏதாவது காரணத்தால் வடை மாவு நெகிழ்ந்துவிட்டால்….

எக்காரணம் கொண்டும் உளுத்தம் மாவு அல்லது அரிசி மாவு சேர்க்கக் கூடாது. இதனால் வடை கல் மாதிரி ஆகிவிட வாய்ப்பு அதிகம்.

சிறிது அவலைக் கலந்து தட்டலாம். அவல் கலப்பது, தட்டச் சுலபமாகவும் வடை மிருதுவாகவும் இருக்க உதவும்.

ரவையைக் கலந்து சிறிது நேரம் ஊறவைக்கவும். ரவை ஊறி, மாவு கெட்டியாவதுடன், சூடு ஆறியபின்னும் கூட இந்த முறையில் வடை கரகரப்பாகவே இருக்கும்.

ஜவ்வரிசி சிறிது சேர்த்து ஊறவைக்கலாம்.

பாயச சேமியா(அளவில் மெலிதாக இருக்கும்) சிறிது சேர்க்கலாம்.

ஒரு பிடி பயத்தம் பருப்பைக் கலந்து சிறிது நேரம் ஊறவைக்கவும். பருப்பு நீரை உறிஞ்சுவதுடன், நன்றாகப் பொரிந்து, வடை நன்றாக இருக்கும். பருப்பு வடைகள் அனைத்துக்கும் இதுவே ஆகச் சிறந்த திரிசமன். யாராவது கேட்டால், வடை ingredients-லியே ப.பருப்பு உண்டாக்கும் என்று சொல்லிக் கொள்ளலாம்.

 வடையிலும் ஆங்கங்கே நறுக்கிய பச்சை மிளகாய் இருந்தால் சாப்பிடும்போது இடையிடையே சுரீர் என மிளகாய் அகப்பட்டு, சுவையாக இருக்கும். காரத்திற்கு அஞ்சுபவர்கள் பிஞ்சு மிளகாயாகவாவது சேர்க்கலாம்.

 பச்சை மிளகாய்க்குப் பதில் அரைத்த மாவில் மிளகை ஒன்றிரண்டாக உடைத்தும் போடலாம். மாவோடு சேர்த்து மிளகை அரைப்பதோ, மிளகை பொடியாக்கிக் கலப்பதோ சுவையைக் கெடுத்து ஒருவித மருந்து வாசனை வந்துவிடும்.

வடை வெளியே கரகரப்பாக இருந்தாலும் உள்ளே மிருதுவாக இருக்க வேண்டும் என்று நினைப்பவர்கள், வெங்காயத்தைப் பொடியாக நறுக்கிச் சேர்க்கலாம். வெங்காயம் சேர்க்காத நாள்களில் கோஸ் அல்லது கேரட்டைத் துருவிக் கலக்கலாம். (எப்பொழுதும்  சொல்வதுதான், தேங்காய் தவிர, எந்தக் காய்கறி, கறிவேப்பிலை, கொத்தமல்லி, சேர்ப்பதாக இருந்தாலும் முதலில் வேண்டிய பொருள்களைச் சேர்த்து கலவையை நன்கு அழுத்தமாக சீராகக் கலந்துகொண்டு, கடைசியில் காய்கறிகளை அழுத்தாமல் விரல்களால் மேலாகக் கலந்துகொள்ள வேண்டும்.)

ரசத்தில் ஊறவைத்து சாப்பிடும் ரச வடை மிக மிக மிருதுவாகவும் சுவையாகவும் இருக்கும். இதை ஏனோ எப்பொழுதும் சாப்பாட்டுடனே தான் பரிமாறுகிறார்கள். ரசத்தைக் கொதிக்கவைத்து, அதில் வடைகளை நேரடியாகப் போட்டு, சுடச் சுட சாப்பிட மிகவும் சுவையாக இருக்கும்.

சாம்பார் வடை, தயிர் வடை எல்லாம் அப்புறம்.

🟥🟥🟥🍁🍁🟥🟥🟥

சமையல் குறிப்புகள்

நெல்லை       மணித்தேவன்

🟨🟨🟨☘️☘️🟨🟨🟨

பொங்கல் புளிக் குழம்பு

 சுவையான பொங்கல் புளிக் குழம்பு

🌺🌺🌺🌺🌺

பொங்கல் தினத்தன்று வெறும் பொங்கல் மட்டும் பிரபலமல்ல. அந்நாளில் கிராமப்புறங்களில் பரங்கிக்காய், அவரை, மொச்சை, உருளைக்கிழங்கு போன்ற காய்கறிகளை சேர்த்து குழம்பு செய்து சாப்பிடுவார்கள்.

அதற்கு பொங்கல் புளிக் குழம்பு என்று பெயர். இதனை பொங்கல் குழம்பு என்றும் சொல்வார்கள்.

இங்கு அந்த பொங்கல் புளிக் குழம்பை எப்படி செய்வதென்று கொடுக்கப்பட்டுள்ளது.

அதைப் படித்து இந்த பொங்கல் அன்று செய்து சுவைத்து மகிழுங்கள்.

தேவையான பொருட்கள்

🌷🌷

பரங்கிக்காய் – 1/2 கப்

உருளைக்கிழங்கு – 1/2 கப்

அவரைக்காய் – 1/2 கப்

மொச்சை – 1/2 கப்

சர்க்கரை வள்ளிக் கிழங்கு – 1

சின்ன வெங்காயம் – 10

தக்காளி – 2 (நறுக்கியது)

பூண்டு – 10 பற்கள்

புளி – 1/4 கப்

வெல்லம் – 1/2 டேபிள் ஸ்பூன்

துவரம் பருப்பு – 1/4 கப் (வேக வைத்து மசித்தது)

மிளகாய் தூள் – 2 டீஸ்பூன்

மல்லித் தூள் – 2 டீஸ்பூன்

உப்பு – தேவையான அளவு

தாளிப்பதற்கு…

சீரகம் – 1 டீஸ்பூன்

வடகம் – 1/4 டீஸ்பூன்

கறிவேப்பிலை – சிறிது

செய்முறை:

🌷🌷🌷

முதலில் குக்கரை அடுப்பில் வைத்து, அதில் மொச்சையைப் போட்டு, அதில் தண்ணீர் ஊற்றி குக்கரை மூடி 3 விசில் விட்டு இறக்கி தனியாக வைத்துக் கொள்ளவும்.

பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம், வடகம் மற்றும் கறிவேப்பிலை சேர்த்து தாளிக்க வேண்டும்.

பின் பூண்டு மற்றும் வெங்காயத்தைப் போட்டு பொன்னிறமாக வதக்கி, தக்காளியை சேர்த்து நன்கு வதக்க வேண்டும்.

பிறகு அதில் அவரைக்காய், உருளைக்கிழங்கு மற்றும் சர்க்கரை வள்ளிக்கிழங்கு சேர்த்து 2 நிமிடம் வதக்கி, பின் மிளகாய் தூள், மல்லித் தூள் மற்றும் தேவையான அளவு உப்பு சேர்த்து பிரட்டி, தேவையான அளவு தண்ணீர் ஊற்றி கிளறி, காய்கறிகளை நன்கு வேக வைக்க வேண்டும்.

காய்கறிகளானது நன்கு வெந்ததும், அதில் பரங்கிக்காயை சேர்த்து, மேலும் சிறிது தண்ணீர் ஊற்றி பரங்கிக்காயை வேக வைக்க வேண்டும்.

அனைத்து காய்கறிகளும் நன்கு வெந்ததும், அதில் மசித்து வைத்துள்ள துவரம் பருப்பு, வெல்லம் சேர்த்து கிளறி, 1/4 கப் புளிச்சாறு மற்றும் 1 கப் தண்ணீர் ஊற்றி கிளறி, பின் வேக வைத்துள்ள மொச்சையை சேர்த்து நன்கு கொதிக்க விட வேண்டும்.

குழம்பானது ஓரளவு கெட்டியானதும், அடுப்பை அணைத்து இறக்கினால், பொங்கல் புளிக் குழம்பு ரெடி!!!

🌷🌷🌷🌷🌷🌷🌷

வெண்பொங்கல்

வெண்பொங்கல்    

 தேவையான பொருள்கள்

பச்சரிசி - ஒரு கப், பாசிப்பருப்பு - அரை கப்,

 நெய் - 3 தேக்கரண்டி, மிளகு - 10 எண்ணிக்கை, 

சீரகம் - ஒரு தேக்கரண்டி,

 பூண்டு - 5 பல், 

இஞ்சி - சிறு துண்டு, பச்சை மிளகாய் - ஒன்று, 

முந்திரி (அ) பாதாம் - 5, உப்பு - தேவைக்கேற்ப‌          

 செய்முறை        

அரிசி மற்றும் பருப்பை ஒன்றாக‌ சேர்த்து களைந்து வைக்கவும்.அதனுடன் உப்பு சேர்த்து 5 டம்ளர் தண்ணீர் (1 டம்ளர் அரிசிக்கு 5 டம்ளர் தண்ணீர் போதுமானது பருப்பிற்காக அதிகம் வைக்க‌ வேண்டாம்.) ஊற்றி குக்கரில் குழைய‌ வேக‌ வைக்கவும்.

மிளகு, சீரகத்தை தயாராக‌ வைக்கவும். பூண்டு, இஞ்சி, பச்சை மிளகாய், முந்திரி (அ) பாதாம் ஆகியவற்றை பொடியாக‌ நறுக்கி வைக்கவும்.தாளிப்பு கரண்டியில் நெய் ஊற்றி மிளகு, சீரகம், பொடியாக‌ நறுக்கிய‌ பூண்டு, இஞ்சி, பச்சை மிளகாய், முந்திரி (அ) பாதாம் சேர்த்து தாளிக்கவும்.

தாளித்தவற்றை வேக வைத்த‌ பருப்பு அரிசி கலவையுடன் சேர்த்து நன்கு கிளறவும்.சுவையான‌ வெண்பொங்கல் தயார்.தேங்காய் சட்னியுடன் பரிமாறவும்.

🪷🪷🪷

பொங்கல் குழம்பு

 *பொங்கல் ஸ்பெஷல் காய் குழம்பை, நாட்டு காய்கறிகளை வைத்து அசல் கிராமத்து சுவையில் ரொம்ப சுலபமா எப்படி செய்றதுன்னு தெரிஞ்சிக்கலாமா?*

பொங்கலுக்கு நீங்களும் இந்த குழம்பை உங்க வீட்ல செஞ்சு அசத்துங்க.

கிராமங்களில் இந்த பொங்கல் திருநாளில் சூரிய பகவானுக்கு நன்றி செலுத்தும் விதமாக பொங்கல் வைத்து வணங்குவார்கள். அப்போது தங்கள் வயலில் விளைந்த காய்கறிகள், பயிறு வகைகளை எல்லாம் வைத்து படைத்து வணங்கி அதை சமைத்து உண்பார்கள். அப்படியான ஒரு சமையல் தான் இந்த நாட்டு காய்கறிகளை வைத்து செய்யப்படும் பல காய்கறி குழம்பு.

இதை எப்படி செய்வது என்று இப்போது நாம் இந்த சமையல் குறிப்பு பதிவில் தெரிந்து கொள்வோம்.

பொங்கல் குழம்புக்கு தேவையான காய்கறிகள்

கத்திரிக்காய், முருங்கைக்காய், பூசணிக்காய், அவரைக்காய், மாங்காய், சேனைக்கிழங்கு, சர்க்கரைவள்ளி கிழங்கு, மொச்சை, பரங்கிக்காய்,

இந்த காய்களை எல்லாம் சுத்தம் செய்து அலசி நறுக்கிய பிறகு ஒரு பெரிய பவுலில் வரும் படி எடுத்துக் கொள்ளுங்கள்.

அடுத்ததாக ஒரு பவுலில் பெரிய எலுமிச்சை பழ அளவிற்கு புளியை எடுத்து தண்ணீர் ஊற்றி ஊற வைத்து கரைத்து வடிகட்டி எடுத்து வைத்துக் கொள்ளுங்கள். -

இப்போது இந்த குழம்பை தாளித்து விடுவோம். இதை தாளிக்க பயன்படுத்தும் பாத்திரத்தை கொஞ்சம் பெரியதாக எடுத்துக் கொள்ளுங்கள்.

அப்போது தான் காய்கறிகள் வெந்து வர சரியாக இருக்கும். உங்கள் வீட்டில் மண் சட்டி இருந்தால் அதையும் வைத்து செய்யலாம் குழம்பின் ருசி பல மடங்கு கூடி விடும். இப்போது அடுப்பை பற்ற வைத்து பாத்திரத்தை வைத்து அதில் 5 டேபிள் ஸ்பூன் நல்லெண்ணெய் சேர்த்துக் கொள்ளுங்கள். எண்ணெய் காய்ந்தவுடன் கடுகு, வெந்தயம் சேர்த்து பொரிந்தவுடன், 1 காய்ந்த மிளகாய் கிள்ளி போட்டுக் கொள்ளுங்கள். அத்துடன் கொஞ்சம் கருவேப்பிலையும் சேர்த்துக் கொள்ளுங்கள்.

அடுத்ததாக 20 சின்ன வெங்காயம், 10 பல் பூண்டு 2 பச்சை மிளகாய் கீறி எண்ணெயில் போட்டு வதக்கிக் கொள்ளுங்கள். அதன் பிறகு 2 பெரிய தக்காளி பழங்களை எடுத்து அதையும் பொடியாக நறுக்கி இதில் சேர்த்து அனைத்தும் வெந்து நன்றாக குழைந்து வர வேண்டும். அந்த அளவிற்கு வதக்கிக் கொள்ளுங்கள். அதன் பிறகு எடுத்து வைத்த காய்கறிகளில் மாங்காவை தவிர்த்து மற்ற காய்கறிகள் அனைத்தையும் சேர்த்துக் கொள்ளுங்கள். இந்த காய்கறிகளை எல்லாம் சேர்த்த பிறகு மீண்டும் ஒரு முறை வெங்காயம், தக்காளியுடன் இதையும் கலந்து வதக்கி விடுங்கள். இரண்டு நிமிடம் காய்கறிகள் எண்ணெயில் வதங்கிய பிறகு, 2 ஸ்பூன் மிளகாய் தூள், 2 ஸ்பூன் தனியா தூள், 1/4 டீஸ்பூன் மஞ்சள் தூள், 1 ஸ்பூன் உப்பு என அனைத்தையும் சேர்த்து லேசாக எண்ணெயில் பிரட்டிய பிறகு கொஞ்சமாக தண்ணீர் ஊற்றி வேக விடுங்கள். பத்து நிமிடம் இந்த காய்கறிகள் வெந்த பிறகு கரைத்து வைத்த புளி கரைச்சலை ஊற்றி மாங்காவும் சேர்த்து மூடி போட்டு மேலும் பத்து நிமிடம் கொதிக்க விட்டு எண்ணெய் பிரிந்து வந்தவுடன் அடுப்பை அணைத்து விடுங்கள்.

குழம்பை இறக்கும் போது மேலே கொத்தமல்லி தழைகளை தூவி இறக்கி விடுங்கள். இதற்கு சுட சாதத்தை விட, பொங்கல் அன்று வைக்கும் அந்த வெள்ளை சாதத்துடன் இதை சேர்த்து சாப்பிடும் போது பிரமாதமாக இருக்கும்.

கிராமங்களில் பொங்கல் அன்று எந்தப் பொங்கல் வைத்தாலும் இந்த குழம்பை கட்டாயமாக வைப்பார்கள். இந்த பொங்கலுக்கு நீங்களும் உங்கள் வீட்டில் இந்த காய் குழம்பு வைத்து சாப்பிட்டு பாருங்கள்.

🌺🌺🌺🌺🌺🌺

கேப்ஸிகம் உருளைக்கிழங்கு கிரேவி

 *கேப்ஸிகம் கிரேவி ரெசிபி*

🌺🌺🌺🌺🌺

குடைமிளகாயை பார்த்தாலே பிடிக்காது என்பவர்கள் கூட, இந்த கிரேவியை விரும்பி விரும்பி சாப்பிடுவாங்க.

ஆனால் ஆரோக்கியம் கொடுக்கக்கூடிய இந்தக் குடைமிளகாயை வைத்து சப்பாத்திக்கு சூப்பரான ஒரு கிரேவியை எப்படி செய்வது என்பதை பற்றித்தான் இன்றைக்கு நாம் பார்க்கப் போகின்றோம்.

இந்த ரெசிபி ரொம்ப ரொம்ப ஸ்பெஷலான ரெசிபி. செய்வது ரொம்ப ரொம்ப சுலபம். சுவை ரொம்ப ரொம்ப கூடுதலாக இருக்கும். லஞ்ச் பாக்ஸில் சப்பாத்தி கூட இந்த கிரேவியை கொடுத்து விட்டால், திரும்ப வரும்போது லஞ்ச் பாக்ஸ் காலியாக தான் வரும்.

தேவை என்றால் இரவு டின்னருக்கு கூட இந்த கிரேவி ரெசிபியை ட்ரை பண்ணலாம்.

வாங்க அந்த இன்ட்ரஸ்டிங்கான உருளைக்கிழங்கு கேப்ஸிகம் கிரேவி ரெசிபியை நாமும் தெரிந்து கொள்வோம்.

கேப்ஸிகம் உருளைக்கிழங்கு கிரேவி செய்து எப்படி:

முதலில் இதற்கு மீடியம் சைஸில் இருக்கும் குடைமிளகாயை கொஞ்சம் பெரிய பெரிய துண்டுகளாக நறுக்கி வைத்துக் கொள்ளுங்கள். அதன் உள்ளே இருக்கும் விதைகளை நீக்கி விடுங்கள். பிறகு மீடியம் சைஸில் இருக்கும் ஒரு பெரிய வெங்காயத்தை, கொஞ்சம் பெரிய பெரிய துண்டுகளாக நறுக்கி, அதையும் தனியாக வைத்துக் கொள்ளுங்கள். 1 மீடியம் சைஸ் உருளைக்கிழங்குகளை தோல் சீவி கியூப் வடிவத்தில் வெட்டி அதையும் தனியாக எடுத்து வைத்துக் கொள்ளுங்கள்.

வெட்டி வைத்திருக்கும் உருளைக்கிழங்கு, குடைமிளகாய், வெங்காயம் இந்த 3 பொருட்களையும் எண்ணெயிலேயே வதக்கி வேகவைத்து தனியாக எடுத்து வைக்க வேண்டும். அடுப்பில் ஒரு கடாயை வைத்து 4 டேபிள் ஸ்பூன் எண்ணெய் விட்டு முதலில் குடைமிளகாயை போட்டு முக்கால் பாகம் வேகம் வரை வதக்கி எடுங்கள். அதன் பிறகு நறுக்கி வைத்திருக்கும் வெங்காயத்தை போட்டு வெங்காயம் லேசாக வதங்கி வந்த உடன் எடுத்து விடுங்கள். மூன்றாவதாக உருளைக் கிழங்கை போட்டு உருளைக்கிழங்கு முக்கால் பாகம் சிவந்து வெந்து வந்தவுடன் அதையும் எண்ணெயை வடித்து எடுத்து வைத்து விடுங்கள். இப்ப இந்த மூன்று பொருட்களும் அப்படியே இருக்கட்டும். அடுத்து இதற்கு ஒரு மசாலா பொடி தயார் செய்ய வேண்டும். அடுப்பில் ஒரு கடாயை வைத்து 2 டேபிள்ஸ்பூன் வேர்க்கடலை, சோம்பு 1/2 ஸ்பூன், சீரகம் 1/2 ஸ்பூன், போட்டு வறுத்து ஆற வைத்து மிக்ஸி ஜாரில் போட்டு பொடித்து அப்படியே வைத்துக் கொள்ளுங்கள். அந்த பொடி அப்படியே இருக்கட்டும்.

ஏற்கனவே நாம் காய்கறிகளை வறுத்த கடாயில் எண்ணெய் மீதும் இருக்கும் அல்லவா. அந்த எண்ணெயில் மிகப் பொடியாக நறுக்கிய பெரிய வெங்காயம் – 1, இஞ்சி பூண்டு விழுது – 1 ஸ்பூன், கருவேப்பிலை – 1 கொத்து, போட்டு நன்றாக வதக்க வேண்டும். வெங்காயம் நன்றாக வதங்கி வந்தவுடன் மஞ்சள் தூள் – 1/4 ஸ்பூன், கரம் மசாலா – 1/4 ஸ்பூன், மல்லித்தூள் – 1 ஸ்பூன், மிளகாய்த்தூள் – 1 ஸ்பூன், மிக்ஸியில் அரைத்த மசாலா பொடி போட்டு, 1 நிமிடம் வதக்கி, மிக்ஸி ஜாரில் அரைத்த – 1 தக்காளி பழத்தை ஊற்றி, மீண்டும் நன்றாக வதக்க வேண்டும். அடுப்பை சிம்மில் வைத்துவிட்டு இதை வதக்கினால் லேசாக எண்ணெய் பிரிந்து வரும். அந்த சமயத்தில் கிரேவிக்கு தேவையான அளவு தண்ணீரை ஊற்றி, தேவையான அளவு உப்பு போட்டு, ஒரு மூடியை போட்டு இந்த கிரேவியை நன்றாக கொதிக்க வையுங்கள்.

புதுசா சமைகிறவங்களும் ஈஸியா செய்ய நிறைய டிப்ஸ்சும் கூட இருக்கு கிரேவியில் இருக்கும் பச்சை வாடை அனைத்தும் நீங்கியதும் வேக வைத்து வைத்திருக்கும் குடைமிளகாய், வெங்காயம், உருளைக்கிழங்கை, கிரேவியோடு சேர்த்து கொத்தமல்லி தழைகளை தூவி, ஒரு மூடி போட்டு மீண்டும் மூன்றில் இருந்து நான்கு நிமிடங்கள் வேக வைத்தால் திக்கான சூப்பரான கிரேவி ரெடி ஆகி இருக்கும்.

அவ்வளவு தான். இதை சுட சுட சப்பாத்திக்கு பரிமாறுங்கள். வீட்டில் இருப்பவர்கள் விரும்பி சாப்பிடுவார்கள்.

🌷👍🌷🌷👍🌷

ஆப்பம்

 சமையல் குறிப்புகள்

ஆப்பம் பஞ்சு போல சாஃப்டா வர

ஆப்பம் நல்லா மெத்து மெத்துன்னு சாப்பிட சூப்பரா இருக்க  இட்லி, தோசை செய்வது போல் இந்த ஆப்பத்தை செய்து விட முடியாது. ஆப்பம் செய்ய மாவு சரியான பதத்தில் இல்லை என்றால் நீங்கள் எப்படி ஊற்றினாலும் ஆப்பம் வரவே வராது.

ஆப்பம் ஊற்ற வேண்டுமானால் அரிசி, உளுந்து அளவிலிருந்து ஆப்பம் ஊற்றும் கடாய் வரையில் சரியாக இருக்க வேண்டும். ஆப்பம் உப்பலாக வர அதில் கொஞ்சம் சோடா மாவு சேர்த்து தான் செய்வார்கள்.

இந்த சமையல் குறிப்பு பதிவில் சோடா மாவு சேர்க்காமலே ஆபத்தை சுவையாக எப்படி செய்வது என்று தெரிந்து கொள்ளலாம்.

ஆப்ப மாவு தயாரிக்க தேவையான பொருட்கள்

இட்லி அரிசி – 1 டம்ளர், பச்சரிசி – 1 டம்ளர்,

உளுந்து – 1/4 கப்,

தேங்காய் துருவல் – 2 டேபிள் ஸ்பூன்,

அவல் – 1/4 கப்,

நைலான் ஜவ்வரிசி – 1ஸ்பூன், உப்பு – 1ஸ்பூன்,

சர்க்கரை – 1/2 ஸ்பூன். -

ஆப்பம் செய்முறை விளக்கம்

ஆப்பம் செய்ய அரிசி, உளுந்து இரண்டையும் ஒன்றாக சேர்த்து தண்ணீர் ஊற்றி நன்றாக கழுவிய பிறகு, மூன்று மணி நேரம் வரை ஊற வைத்துக் கொள்ளுங்கள். அவலையும் அதே போல் ஒரு கிண்ணத்தில் சேர்த்து ஒரு முறை தண்ணீர் ஊற்றி அலசி விட்டு ஊற வைத்துக் கொள்ளுங்கள். அவல் ஒரு மணி நேரம் ஊறினாலே போதும். இதுவே தட்டையான அவலாக இருந்தால் பத்து நிமிடம் ஊறினாலே போதும். மூன்று மணி நேரம் கழித்து அரிசி உளுந்து இரண்டையும் மிக்ஸி ஜாரில் சேர்த்து அரைத்து எடுத்துக் கொள்ளுங்கள். அதன் பிறகு அவலுடன் தேங்காய் துருவலையும் சேர்த்து இரண்டையும் ஒன்றாக அரைத்து மாவில் சேர்த்த பிறகு ஜவ்வரிசியையும், உப்பையும் சேர்த்து மாவை அடித்து வைத்து விடுங்கள். இது எட்டு மணி நேரம் வரை அப்படியே இருந்தால் தான் மாவு நன்றாக புளித்து வரும்.

எட்டு மணி நேரம் கழித்து மாவை ஊற்றும் போது சர்க்கரை மட்டும் சேர்த்து ஒரு முறை நன்றாக அடித்து கொள்ளுங்கள்.

ஆப்ப மாவு தோசை மாவு பதத்தை விட கொஞ்சம் தண்ணி அதிகமாக இருக்க வேண்டும் அப்போது தான் ஆப்பம் ஊற்ற சரியாக இருக்கும். ஆப்ப ஊற்ற நான் ஸ்டிக் கடாயாக இருந்தால் அப்படியே ஊற்றிக் கொள்ளலாம். ஒரு வேளை இரும்பு கடாயாக இருந்தால் அதை முன்னமே எண்ணெய் தேய்த்து வைத்துப் பிறகு அடுப்பில் வைத்து ஆப்பம் ஊற்றினால் ஆப்பம் ஒட்டாமல் வரும்.

அடுப்பை பற்ற வைத்து ஆப்ப கடாய் வைத்து கடாய் சூடானதும் எண்ணெய் தேய்த்து ஆப்ப மாவு எடுத்து ஆப்பம் ஊற்றி எடுக்க வேண்டியது தான். சுவையான பஞ்சி போன்ற சாஃப்ட் ஆப்பம் தயாராகி விட்டது இதனுடன் தேங்காய் பால் வைத்து சாப்பிட அருமையாக இருக்கும்.

🌷🌷🌷🌷💐💐💐🌷🌷🌷🌷

முள்ளங்கி ஆலு துவரன்

 முள்ளங்கி ஆலு துவரன்

  தேவையான பொருள்கள்

முள்ளங்கி கீரை - ஒரு கட்டு,

 வேக வைத்த உருளைக்கிழங்கு -1, மிளகாய்த்தூள் - ஒரு தேக்கரண்டி, தேங்காய்த்துருவல் - கால் கப், 

பூண்டு - 2 பல், வெங்காயம் - 1, சீரகத்தூள் - கால் தேக்கரண்டி, மஞ்சள்த்தூள் - சிட்டிகை, 

உப்பு - தேவைக்கு          

 செய்முறை

வேக வைத்த உருளைக்கிழங்கை சிறுத் துண்டுகளாக நறுக்கிக் கொள்ளவும். வெங்காயம் மற்றும் கீரையை கழுவி பொடியாக நறுக்கவும்முதலில் தேங்காய், மிளகாய்த்தூள், பூண்டு, சீரகத்தூள், மஞ்சள்த்தூள் ஆகியவற்றை மிக்ஸியில் போட்டு கொரகொரப்பாக அரைக்கவும்.

வாணலியில் எண்ணெய் ஊற்றி கடுகு, வெங்காயம் தாளிக்கவும்.வெங்காயம் வதங்கியதும் கீரையை போட்டு உப்பு சேர்த்து மூடி மிதமான தீயில் வதக்கவும்.வதங்கியதும் வேக வைத்து நறுக்கிய உருளைக்கிழங்கை அதில் போட்டு வதக்கவும்.

பின் அரைப்பை போட்டு மிதமான தீயில் வதக்கி இறக்கவும்.இது ரசம் சாதம் மற்றும் சப்பாத்தி, பிரெட்டுடன் சாப்பிட பொருத்தமாக இருக்கும்.

🪷🪷🪷

மாங்காய் சட்னி

 மாங்காய் சட்னி

🌷🌷🌷🌷

 5 நிமிடத்தில் ருசியான மாங்காய் சட்னி இனி இப்படி ருசியான பாருங்க!

இட்லி, தோசை என்றாலே அதற்கு சட்னி தான் சூப்பராக இருக்கும். அந்த சட்னியில் பல வகை உண்டு தேங்காய் சட்னி, வெங்காய சட்னி, தக்காளி சட்னி என்று உள்ளது.

அந்த வகையில் வித்தியாசமான முறையில் மாங்காய் சட்னி செய்து சாப்பிட்டு பாருங்க சட்னி பிடிக்காது என்று சொன்னவர்கள் எல்லோரும் விரும்பி சாப்பிடுவாங்க. ஏனென்றால் அவ்வளவு சுவையாக இருக்கும்.  

இந்த மாங்காய் சட்னி எப்படி செய்வது என்று கீழே கொடுக்கப்பட்டுள்ள செய்முறை விளக்கங்களை படித்து பார்த்து நீங்களும் செய்து அசத்துங்கள்.

*தேவையான பொருட்கள்

1 மாங்காய் பெரியது

½ கப் தேங்காய் துருவல்

8 மிளகாய் வற்றல் பெருங்காயப்பொடி சிறிதளவு உப்பு தேவைக்கேற்ப

 ½ ஸ்பூன் எண்ணெய் கறிவேப்பிலை ஒரு கொத்து

செய்முறை 

முதலில் மாங்காய் தோல் நீக்கி துருவிக்கொள்ளவும்.

பிறகு மிக்சியில் மாங்காய் துருவல், தேங்காய் துருவல், சிவப்பு மிளகாய், பெருங்காயப்பொடி, மற்றும் தேவையான அளவு உப்பு, சேர்த்து தண்ணீர் சேர்த்தாமல் நன்றாக அரைத்துக்கொள்ளவும்.

அடுத்து ஒரு கடாயை அடுப்பில் வைத்து எண்ணெய் ஊற்றி எண்ணெய் காய்ந்ததும், கடுகு, கறிவேப்பிலை போட்டு தாளித்து சட்னியில் சேர்த்து பரிமாறவும்.

சத்தான சுவையான மாங்காய் சட்னி ரெடி.

🌹🌹🌹🌹🌹🌹🌹🌹

30 வகை நியூட்ரிஷியஸ் வெஜ் ரெசிபி

 30 வகை நியூட்ரிஷியஸ் வெஜ் ரெசிபி!

------_-----------------------------

👉( *வெண்டைக்காய்* *ஸ்வீட் பச்சடி* )

 *தேவையானவை:* 

வெண்டைக்காய் - கால் கிலோ, 

வெல்லம் - 50 கிராம், புளி - சுண்டைக்காய் அளவு,

 மஞ்சள்தூள் - ஒரு சிட்டிகை, 

எண்ணெய் - 3 டீஸ்பூன், 

உப்பு - தேவையான அளவு.

 *தாளிக்க:* 

கடுகு - ஒரு டீஸ்பூன், காய்ந்த மிளகாய் - 2, உளுத்தம்பருப்பு - ஒரு டீஸ்பூன்.

👉( *வெண்டைக்காய்* *ஸ்பாஞ்ச் தோசை)* 

 *தேவையானவை* :

 புழுங்கல் அரிசி - ஒன்றரை கப், 

காய்ந்த மிளகாய் (அ) பச்சை மிளகாய் - 2, வெண்டைக்காய் - 100 கிராம்,

 எண்ணெய், உப்பு - தேவையான அளவு.

 *தாளிக்க:* 

கடுகு, சீரகம் - தலா ஒரு டீஸ்பூன்.

 *அலங்கரிக்க:* 

 பொடியாக நறுக்கிய வெங்காயம், துருவிய கேரட், கொத்தமல்லித் தழை - தேவைக்கேற்ப.

 *செய்முறை:* 

அரிசியை ஒரு மணி நேரம் ஊற வைத்து, உப்பு, காய்ந்த மிளகாய் (அ) பச்சை மிளகாய் சேர்த்து அரைக்கவும். பாதி அரைபட்டதும் பொடியாக நறுக்கிய வெண்டைக்காயை சேர்த்து நைஸாக அரைக்கவும். மாவை புளிக்கவிடவும். பிறகு, தாளிக்க கொடுத்துள்ளவற்றை தாளித்து மாவில் சேர்க்கவும். தோசைக்கல்லில் எண்ணெய் விட்டு இரண்டு கரண்டி மாவை விட்டு, தேவைப்பட்டால் ஓரங்களில் எண்ணெய் ஊற்றி, அலங்கரிக்கக் கொடுத்துள்ள பொருட்களால் அலங்கரித்து சுட்டெடுத்தால்... வெண்டைக்காய் ஸ்பாஞ்ச் தோசை தாயார். இதனைத் திருப்பிப் போடத் தேவையில்லை.

 *குறிப்பு:* 

இது, மூளை நன்கு வேலை செய்ய உதவுவதுடன், பெரியவர்களுக்கு ஏற்படும் ஞாபக மறதியை சரிசெய்யும்.

👉 *(வெண்டைக்காய்* *ஃப்ரை* )

 *தேவையானவை:* 

வெண்டைக்காய் - கால் கிலோ, 

கடலை மாவு - 6 டீஸ்பூன், மிளகாய்த்தூள் - 3 டீஸ்பூன், 

அரிசி மாவு, மைதா மாவு - தலா 2 டீஸ்பூன்,  சோள மாவு - ஒரு டீஸ்பூன், பெருங்காயத்தூள் - ஒரு சிட்டிகை, எண்ணெய், 

உப்பு - தேவையான அளவு.

 *செய்முறை:

 வெண்டைக்காயை நடுத்தரமான அளவில் நறுக்கவும். கொடுக்கப்பட்டுள்ள அனைத்து பொருட்களுடன் வெண்டைக்காயை சேர்த்து, சிறிதளவு நீர் சேர்க்கவும். எண்ணெயைக் காய வைத்து, 4 டீஸ்பூன் சூடான எண்ணெயை வெண்டைக்காய் கலவையில் விட்டு நன்கு கலக்கவும். இந்தக் கலவையை காயும் எண்ணெயில் கொஞ்சம் கொஞ்சமாக போட்டு பொரித்து எடுக்கவும்.

 *குறிப்பு:* 

குழந்தைகள் இதனை விரும்பிச் சாப்பிடுவார்கள். இது, அவர்களின் அறிவாற்றலை அதிகரிக்க வைக்கும்.

👉( *கறிவேப்பிலை* *பொடி* )

 *தேவையானவை:* 

 உருவிய கறிவேப்பிலை - 2 கப், எண்ணெய் - 3 ஸ்பூன், உப்பு - தேவைக்கேற்ப.

 *வறுத்துப் பொடிக்க:* 

 காய்ந்த மிளகாய் - 2, மிளகு - ஒரு டீஸ்பூன், உளுத்தம்பருப்பு - 3 டீஸ்பூன், பெருங்காயத்தூள் - ஒரு சிட்டிகை.

 *செய்முறை:* 

 கறிவேப்பிலையை நன்கு கழுவி, ஈரம்போக நிழலில் உலரவிடவும். வாணலியில் சிறிதளவு எண்ணெயை ஊற்றி கறிவேப்பிலையை  மொறுமொறுப்பாக வறுத்து, தனியே எடுத்து வைக்கவும். மீதியுள்ள எண்ணெயில் வறுக்கக் கொடுத்துள்ள பொருட்களை வறுத்து மிக்ஸியில் கொரகொரப்பாக பொடிக்கவும். பிறகு, இதனுடன் கறிவேப்பிலை, உப்பு சேர்த்து, நைஸாகப் பொடிக்கவும். இதனை காற்றுப்புகாத டப்பாவில் சேமித்து வைக்கவும். இந்தப் பொடி, சாதத்துடன் சேர்த்துப் பிசைந்து சாப்பிட ஏற்றது.

 *குறிப்பு:* 

 கறிவேப்பிலை, தலைமுடியின் கருமைக்கும், வளர்ச்சிக்கும் உதவும்.

👉( *பூண்டு*  *மணத்தக்காளி* *குழம்பு)* 

 *தேவையானவை:* 

 உரித்த பூண்டு - அரை கப், 

மணத்தக்காளி வற்றல் - 6 டீஸ்பூன், 

வெல்லம், புளி - சிறிதளவு, 

உதிர்த்த வெங்காய வடகம் - ஒரு டீஸ்பூன், நல்லெண்ணெய் - தேவையான அளவு, மஞ்சள்தூள் - ஒரு சிட்டிகை, 

உப்பு - தேவைக்கேற்ப.

 *வறுத்து அரைக்க:* 

 மிளகு - 2 டீஸ்பூன், காய்ந்த மிளகாய் - 2, சீரகம், 

தனியா - தலா ஒரு டீஸ்பூன், 

வெந்தயம் - அரை டீஸ்பூன், நல்லெண்ணெய் - ஒரு டீஸ்பூன்.

 *செய்முறை:* 

வறுக்கக் கொடுத்துள்ள பொருட் களை, ஒரு டீஸ்பூன் எண்ணெயில் வறுத்து, நீர் விட்டு நைஸாக அரைக்கவும். புளியைக் கரைத்து... உப்பு, மஞ்சள்தூள், வெல்லம் சேர்த்து, அரைத்த விழுதையும் சேர்த்து, கொஞ்சம் நீர் சேர்த்துக் கொதிக்கவிடவும். எண்ணெயில் பூண்டை வதக்கி இதனுடன் சேர்க்கவும். பூண்டு பாதி வெந்ததும் மணத்தக்காளி வற்றல், வெங்காய வடகம் ஆகியவற்றை வறுத்துப் போடவும். எல்லாமாகச் சேர்ந்து கொதித்து வந்ததும் இறக்கவும்.

 *குறிப்பு:* 

இந்தக் குழம்பை இளம் தாய்மார்கள் (பிரசவித்த பெண்கள்) சாப்பிட... தாய்ப்பால் அதிகமாக சுரக்கும். மேலும், கொலஸ்ட்ரால் உள்ளவர்கள் இதைச் சாப்பிட்டால்... கட்டுப்பாட்டுக்குள் வரும்.

👉( *தேங்காய்ப் பால் ஆப்பம்* )

 *தேவையானவை:* 

 புழுங்கலரிசி - ஒன்றரை கப், 

பச்சரிசி - அரை கப், ஜவ்வரிசி, வெந்தயம் - தலா ஒரு டீஸ்பூன், வெள்ளை உளுந்து - 4 டீஸ்பூன், 

துருவிய வெல்லம் - 2 கப், 

மீடியமான தேங்காய் - ஒன்று, 

எண்ணெய் - தேவையான அளவு.

 *செய்முறை:* 

 புழுங்கலரிசி, பச்சரிசி, ஜவ்வரிசி, உளுந்து, வெந்தயம் ஆகியவற்றை 2 மணி நேரம் ஊற வைத்து, கிரைண்டரில் நைஸாக, கெட்டியாக அரைத்து, 6 மணி நேரம் புளிக்கவிடவும். தேங்காயைத் துருவி நைஸாக அரைத்து, மூன்று முறை பால் எடுத்து, மூன்றையும் ஒன்றாகச் சேர்த்து வைக்கவும். வெல்லத்தை அரைத்த மாவில் சேர்த்து தோசை மாவு பதத்துக்குத் தயார் செய்யவும்.

தவாவை அடுப்பில் வைத்து ஒன்றரை கரண்டி மாவை தோசை போல ஊற்றி, ஓரத்தில் சிறிதளவு எண்ணெய் ஊற்றி, ஒரு மூடியால் மூடி வைக்கவும். 2 நிமிடத்தில் வெந்துவிடும். திருப்பிப் போடக் கூடாது. வெந்த ஆப்பத்தை எடுத்து அதன் மேலே இரண்டு கரண்டி தேங்காய்ப் பாலை விட்டுச் சாப்பிடக் கொடுக்கவும்.

 *குறிப்பு:* 

தேங்காய்பால் வயிற்றுப் புண்ணை குணமாக்கும்...  வயிற்றுப் பூச்சிகளைக்கூட ஒழிக்கும்.

👉( *முட்டைகோஸ்*  *கேரட் பொரியல்* )

 *தேவையானவை* :

 முட்டைகோஸ் - 250 கிராம், 

கேரட் - 50 கிராம், பயத்தம் பருப்பு - ஒரு கரண்டி, 

துருவிய தேங்காய் - 4 டீஸ்பூன், 

மஞ்சள்தூள் - ஒரு சிட்டிகை, 

சின்ன வெங்காயம் - 6, பச்சை மிளகாய் - ஒன்று, 

கடுகு, உளுந்து - தலா ஒரு டீஸ்பூன், எண்ணெய் - 2 டீஸ்பூன், 

உப்பு - தேவைக்கேற்ப.

 *செய்முறை:* 

 பயத்தம்பருப்பை உதிர் உதிராக வேகவிடவும். வாணலியில் எண்ணெய் ஊற்றி, கடுகு, உளுந்து தாளித்து... நறுக்கிய வெங்காயம், நறுக்கிய பச்சை மிளகாய் சேர்த்து வதக்கவும். இதனுடன் மெல்லியதாக நறுக்கிய முட்டைகோஸை சேர்த்து வதக்கி... சிறிதளவு தண்ணீர், உப்பு சேர்த்து மூடி வைக்கவும். 5 நிமிடத்தில் வெந்துவிடும். பிறகு, வேக வைத்த பயத்தம்பருப்பு, துருவிய கேரட், மஞ்சள்தூளை முட்டைகோஸில் சேர்த்து வதக்கி, தேங்காய் துருவலையும் சேர்த்துக் கிளறி இறக்கவும்.

 *குறிப்பு:* 

இந்தப் பொரியலைத் தொடர்ந்து சாப்பிட... குடற்புண் குணமாகும்.

👉( *கருணைக்கிழங்கு* *குருமா* )

 *தேவையானவை:* 

 கருணைக்கிழங்கு - 200 கிராம், 

கேரட் - 50 கிராம், பெரிய வெங்காயம் - 2, பூண்டு - 3 பல், 

சாம் பார் பொடி - அரை டீஸ்பூன், 

மஞ்சள் தூள் - ஒரு சிட்டிகை, எண்ணெய் - 3 டீஸ்பூன், 

உப்பு - தேவைக்கேற்ப.

 *அரைத்துக் கொள்ள:* 

 துருவிய தேங்காய் - 6 டீஸ்பூன், 

சிறிய தக் காளி, பச்சை மிளகாய் - தலா ஒன்று, 

சோம்பு, கசகசா - தலா ஒரு டீஸ்பூன்,

 முந்திரி - 4.

 *செய்முறை:* 

 கருணைக்கிழங்கைத் தோல் சீவி, சுத்தம் செய்து, மெல்லியதாக நீளவாக்கில் நறுக்கிக் கொள்ளவும். கேரட் டையும் அதேபோல் செய்து கொள்ளவும். வெங்காயம், பூண்டு இரண்டையும் நீள வாக்கில் நறுக்கவும். அரைக்கக் கொடுத் துள்ள பொருட்களை சிறிதளவு நீர் விட்டு அரைக்கவும். கடாயில் எண்ணெய் விட்டு காய்களை வதக்கி... உப்பு, மஞ்சள்தூள், சாம்பார் பொடி சேர்த்து மேலும் வதக்கி, அரை டம்ளர் நீர் விட்டு காய்கள் குழைந்துவிடாமல் வேக வைக்கவும். வெந்து கொண்டிருக்கும் கலவையில், அரைத்த தேங்காய் விழுதை சேர்த்து, இரண்டு கொதி வந்ததும் இறக்கவும். விருப்பப்பட்டால், கொத்தமல்லித் தழை தூவி அலங்கரிக்கலாம்.

 *குறிப்பு:* 

மூலநோய் உள்ளவர்களுக்கு இது நிவாரணம் அளிக்கும்.

👉 *(கருணைக்கிழங்கு* *அல்வா)* 

 *தேவையானவை:* 

கருணைக்கிழங்கு - கால் கிலோ, 

சர்க்கரை - 150 கிராம், நெய் - 50 கிராம்,

 பால் - அரை கப், ஏலக்காய்த்தூள் - ஒரு சிட்டிகை, 

முந்திரிப் பருப்பு - 6, அல்வா பவுடர் (கடைகளில் கிடைக்கும்) - ஒரு சிட்டிகை.

 *செய்முறை:* 

 கருணைக்கிழங்கைத் தோல் சீவி, கழுவி, கேரட் துருவியில் துருவிக் கொள்ளவும். இதனை பச்சை வாசனை போக நெய்யில் வதக்கி, பாலில் வேகவிட்டு, சர்க்கரை சேர்க்கவும், பிறகு, ஏலக்காய்த்தூள், அல்வா பவுடர் சேர்த்து... சுருள வந்ததும் நெய்யில் வறுத்த முந்திரித் துண்டுகளை சேர்த்து இறக்கவும். விருப்பப்பட்டால், நெய்யின் அளவைக் குறைத்துக் கொள்ளலாம்.

👉( *சுண்டைக்காய் பிரியாணி* )

 *தேவையானவை:* 

 பாசுமதி அரிசி,  

பிஞ்சு சுண்டைக்காய் - தலா ஒரு கப், மஞ்சள்தூள் - ஒரு சிட்டிகை, 

பூண்டு - 5 பல், எண்ணெய் - 3 டீஸ்பூன், 

உப்பு - தேவைக்கேற்ப.

 *அரைத்துக் கொள்ள:* 

 துருவிய தேங்காய் - கால் கப், 

பச்சை மிளகாய் - 2, நறுக்கிய புதினா, கொத்தமல்லித் தழை (சேர்த்து) - அரை கப், தக்காளி - ஒன்று, இஞ்சி - ஒரு சிறிய துண்டு.

 *வறுத்துப் பொடிக்க* :

 பிரிஞ்சி இலை - ஒன்று, சோம்பு, ஏலக்காய், கிராம்பு எல்லாம் சேர்ந்து - ஒரு டீஸ்பூன்.

 *செய்முறை:* 

வறுக்கக் கொடுத்துள்ள பொருட் களை வெறும் வாணலியில் வறுத்துப் பொடிக்கவும். அரைக்கக் கொடுத்துள்ள பொருட்களை சிறிதளவு நீர் விட்டு அரைத்துக் கொள்ளவும். பாசுமதி அரிசியை வெறும் வாணலியில் லேசாக வறுத்து, ஒன்றரை கப் நீர் விட்டு, உப்பு சேர்த்து உதிர் உதிராக வேக வைத்துக் கொள்ள வும். வாணலியில் எண்ணெய் விட்டு சுண்டைக் காய்களை வதக்கி, மஞ்சள்தூள், உப்பு, நசுக்கிய பூண்டு மற்றும் அரைத்து வைத்துள்ள விழுது சேர்த்து அரை கப் நீர் விட்டு வேகவிடவும். வெந்து, பச்சை வாசனை போனதும், சுருள வதக்கி... வறுத் துப் பொடித்த பொடி சேர்த்து இறக்கவும். இதில் வெந்த சாதத்தை போட்டுக் குழைந்து விடாமல் கிளறி, பரிமாறவும்.

 *குறிப்பு:* 

 விருப்பப்பட்டால் சுண்டைக்காயை இரண்டாகவும் நறுக்கி வதக்கி, வேக வைக்கலாம். வயிற்றுப்பூச்சி மற்றும் குடற்பூச்சிகளை ஒழிக்கும் குணம் சுண்டைக்காயிடம் உண்டு.

👉( *சுண்டைக்காய்*  *நெல்லிக்காய்* *வதக்கல்* )

 *தேவையானவை:* 

 பெரிய நெல்லிக் காய் - 8, பிஞ்சு சுண்டைக்காய் - அரை கப், 

மஞ்சள்தூள் - சிறிதளவு, பெருங்காயத்தூள் - ஒரு சிட்டிகை, எண்ணெய் - 3 டீஸ்பூன், 

வெல்லம் - பெரிய நெல்லிக்காய் அளவு, உப்பு - தேவைக்கேற்ப, நல்லெண்ணெய் - 3 டீஸ்பூன்.  

 *வறுத்துப் பொடிக்க:* 

 காய்ந்த மிள காய் - 3, கடுகு, வெந்தயம், எண்ணெய் - தலா அரை டீஸ்பூன்.

 *செய்முறை:* 

அரை டீஸ்பூன் எண் ணெய் விட்டு வறுக்கக் கொடுத்துள்ள பொருட்களை வறுத்துப் பொடிக்கவும். கடாயில் 2 டீஸ்பூன் எண்ணெய் விட்டு நெல்லிக்காய்களை வதக்கவும் (8 நிமிடத்தில் வதங்கிவிடும்). சூடு ஆறியதும் விதைகளை நீக்கி, ஒவ் வொரு நெல்லிக்காயையும் எட்டாக நறுக்கிக் வைத்துக் கொள்ளவும். சுண்டைக்காய்களை இரண்டாக நறுக்கி, ஒரு டீஸ்பூன் எண்ணெய் விட்டு வதக்கிக் கொள்ளவும். இத னுடன் உப்பு, மஞ்சள்தூள், பொடித்த வெல்லம் சேர்க்கவும். பிறகு, வறுத்துப் பொடித்து வைத்ததை சேர்த்து, நெல்லிக்காய், பெருங் காயத்தூள், சேர்த்து, நல்லெண் ணையை விட்டு கிளறி, எல்லாமாகச் சேர்ந்து வந்ததும் இறக்கி விடவும்.

 *குறிப்பு:* 

இது, ஞாபகசக்தி பெருக மிகவும் பயன்படும்.

பீட்ரூட் அசோகா அல்வா

 *தேவையானவை:* 

 பீட்ரூட் - ஒரு கிலோ, சர்க்கரை - 250 கிராம், நெய் - 100 கிராம், ஏலக்காய்த்தூள், - ஒரு டீஸ்பூன், 

முந்திரி - 10, கோவா - 100 கிராம், பயத்தம்பருப்பு - 100 கிராம், 

கோதுமை மாவு - 5 டீஸ்பூன்.

 *செய்முறை:

 பீட்ரூட்டைத் தோல் சீவி, கேரட் துருவியில் துருவிக் கொள்ள வும். இதனை 50 கிராம் நெய்யில் சுருள வதக்கி, ஒரு டம்ளர் நீர் விட்டு வேக விடவும். முக்கால் பதம் வெந்ததும் தனியே எடுத்து வைக்கவும். பயத்தம்பருப்பை வெறும் வாணலியில் வறுத்து, குழைவாக வேகவிடவும். கோதுமை மாவையும் வெறும் வாணலியில் வறுத்து பயத்தம்பருப்பில் சேர்த்து வேகவிடவும். பிறகு, சர்க்கரையை சேர்த்து, கோவாவை உதிர்த்துப் போடவும். இடை இடையே நெய் சேர்க்கவும். வேக வைத்த பீட்ரூட்டை இதில் சேர்த்து நன்கு கிளறி, ஏலக்காய்த் தூள், நெய்யில் வறுத்த முந்திரி சேர்த்து இறக்கினால்... பீட்ரூட் அசோகா அல்வா தயார்.

 *குறிப்பு:

 ரத்தசோகை குணமாகவும், ரத்தம் விருத்தி அடையவும் பீட்ரூட் மிகவும் உதவும்.

👉 *(வாழைப்பழம் திராட்சை கஸ்டர்ட்* )

 *தேவையானவை:

 வாழைப்பழம் - 3, காய்ந்த திராட்சை - 4 டீஸ் பூன், பால் - ஒரு கப், சர்க்கரை - கால் கப், கஸ்டர்ட் பவுடர் - ஒரு டீஸ்பூன்

 *செய்முறை:

 ஒரு கரண்டி பாலை மிதமாக சூடாக்கி, கஸ்டர்ட் பவுடரைக் கரைத்துக் கொள்ளவும். மீதி பாலை சர்க்கரை சேர்த்துக் காய்ச்சி, கரைத்து வைத்துள்ள கஸ்டர்ட் பவுடரை சேர்த்துக் கலக்க வும். ஓரிரு நிமிடங்களில் குழம்புப் பதம் வந்ததும் இறக்கிவிடவும். இதனை ஆற வைத்து ஃப்ரிட்ஜில் வைத்து குளிரவிடவும். வாழைப்பழத்தை நறுக்க வும். ஃப்ரிட்ஜில் இருந்து பால் கலவையை எடுத்து அதில் வாழைப்பழம். காய்ந்த திராட்சை சேர்த்துக் கலக்கவும். குட்டீஸ் முதல் வயதானவர்கள் வரை அனைவரும் இதனை போட்டி போட்டுக் கொண்டு சாப்பிடுவார்கள்.

 *குறிப்பு:* 

இது மலச்சிக்கலுக்கு கை கண்ட மருந்து. மலச்சிக்கல் உள்ள போது இதனை அருந்தினால்... உட னடி நிவாரணம் கிடைக்கும்.

👉( *வாழைப்பழம்*  *பேரீச்சம்பழம் பாயசம்)* 

 *தேவையானவை:* 

 வாழைப்பழம் - 6, பேரீச்சம்பழம் (கொட்டை நீக்கியது) - அரை கப், வெல்லம் - 100 கிராம், மில்க்மெய்ட் - 4 டீஸ்பூன்.

 *செய்முறை:

 வெல்லத்தை சிறிதளவு நீர் விட்டு கரைத்து, வடிகட்டவும். அதனுடன் ஒரு டம்ளர் நீர் விட்டு பாகு வைக்கவும். மில்க்மெய்டை அதில் ஊற்றி, இரண்டுமாகச் சேர்ந்து வந்ததும், முதலில் நறுக்கிய பேரீச்சம் பழத்தை சேர்த்து, பிறகு வாழைப் பழத்தையும் சேர்த்து இறக்கவும் (ஒரு கொதி  வந்தாலே போதும். பழங்கள் சூட்டிலேயே வெந்து விடும்). இந்த வாழைப்பழ - பேரீச்சை பாயசத்தை விரும்பாதவர்கள் மிகவும் அரிது.

 *குறிப்பு:

இது, மலச்சிக்கலையும் நீக்கும்... ரத்த விருத்திக்கும் உதவும்.

சுரைக்காய் மோர்க்குழம்பு

 *தேவையானவை:

 நறுக்கிய சுரைக்காய் - ஒரு கப், 

கெட்டி மோர் - 2 கப், மஞ்சள்தூள் - ஒரு சிட்டிகை,

 சர்க்கரை - ஒரு டீஸ்பூன், 

உப்பு - தேவைக்கேற்ப.

 *அரைத்துக் கொள்ள:

 துவரம்பருப்பு - 2 டீஸ்பூன், கடலைப்பருப்பு - ஒரு டீஸ்பூன்,

 சீரகம் - ஒரு டீஸ்பூன், தனியா - ஒரு டீஸ்பூன், பச்சை மிளகாய் - 2, இஞ்சி - ஒரு சிறிய துண்டு, 

துருவிய தேங்காய் - கால் கப்.

 *தாளிக்க:* 

கடுகு - ஒரு டீஸ்பூன், காய்ந்த மிளகாய் - ஒன்று, கறிவேப்பிலை - சிறிதளவு, எண்ணெய் - சிறிதளவு.

 *செய்முறை:

 துவரம்பருப்பு, கடலைப்பருப்பு, தனியா, சீரகம் ஆகியவற்றை அரை மணி நேரம் ஊற வைத்து... தேங்காய் துருவல், பச்சை மிளகாய், இஞ்சி சேர்த்து நைஸாக அரைத்துக் கொள்ளவும். சுரைக்காயை பெரிய துண்டுகளாக நறுக்கி... உப்பு, மஞ்சள்தூள் சேர்த்து அரைவேக்காடு பதத்துக்கு வேக வைத்து எடுக்கவும். கெட்டி மோரில் அரைத்த விழுதைச் சேர்த்துக் கலக்கி... உப்பு, சர்க்கரை, அரை டம்ளர் நீர் சேர்த்து அடிபிடிக்காமல் கொதிக்கவிடவும். இதனுடன் வெந்த சுரைக்காயையும் சேர்த்து நுரை பொங்கி வந்ததும் இறக்கி... தாளிக்கக் கொடுத்துள்ள பொருட்களைத் தாளித்துச் சேர்க்கவும்.

 *குறிப்பு:

இதனைத் தொடர்ந்து சாப்பிட்டால்... உடல் இளைக்கும். சுரைக்காய் சாப்பிடுவதால் உடலில் உள்ள கெட்ட நீர் வெளியேறும். கர்ப்பிணிப் பெண்களுக்கு கால் வீக்கத்தில் இருந்து நிவாரணம் கிடைக்கும்.

சுரைக்காய் சப்ஜி

 *தேவையானவை:

 சிறிய சதுரங்களாக நறுக்கிய சுரைக்காய் - ஒரு கப், கடலைப்பருப்பு - 3 டீஸ்பூன்,

 நறுக்கிய வெங்காயம் - 3 டீஸ்பூன், 

நறுக்கிய தக்காளி - 2 டீஸ்பூன், 

நறுக்கிய இஞ்சி - பூண்டு - 3 டீஸ்பூன், மஞ்சள்தூள் - ஒரு சிட்டிகை, 

பச்சை மிளகாய் - 2 (நறுக்கவும்), மிளகாய்த்தூள் - ஒரு டீஸ்பூன், 

நறுக்கிய வெந்தயக் கீரை - கால் கப், நறுக்கிய கொத்தமல்லித்தழை - சிறிதளவு, 

எண்ணெய் - ஒரு டீஸ்பூன், 

உப்பு - தேவைக்கேற்ப.  

 *செய்முறை:

 கடலைப்பருப்புடன் சிறிதளவு உப்பு சேர்த்து குழைந்து விடாதவாறு வேகவிட்டு, தனியாக வைக்கவும். வாணலியில் எண்ணெய் விட்டு நறுக்கிய வெங்காயம், பச்சை மிளகாய், இஞ்சி, பூண்டு, தக்காளியை சேர்த்து வதக்கவும். இதனுடன் உப்பு, மஞ்சள்தூள், மிளகாய்த்தூள் சேர்த்து... அரை டம்ளர் நீர் விட்டு, சுரைக்காய் துண்டுகளை சேர்த்து வேகவிடவும், முக்கால் பதத்துக்கு வெந்ததும் வெந்தயக்கீரை, வேக வைத்த கடலைப்பருப்பை கொதிக்கும் கலவையில் சேர்க்கவும். எல்லாமாகச் சேர்ந்து வந்ததும் இறக்கி, மல்லித்தழை தூவி அலங்கரிக்கவும்.

 *குறிப்பு:* 

இது, உடலை உடல் பருமனைக் குறைப்பது மட்டுமின்றி, சர்க்கரையின் அளவை கட்டுப்பாட்டில் வைக்கவும் உதவும்.

👉 *(பாகற்காய் ரசம்* )

 *தேவையானவை:* 

நீட்டு பாகற்காய் - கால் கிலோ, 

மஞ்சள்தூள் - ஒரு சிட்டிகை, 

புளி - கொட்டைப்பாக்கு அளவு, 

கொத்த மல்லித் தழை - சிறிதளவு, 

உப்பு - தேவைக்கேற்ப.

 *தாளிக்க:* 

கடுகு, வெந்தயம்  - தலா ஒரு டீஸ்பூன், பெருங்காயத்தூள் - ஒரு சிட்டிகை,  காய்ந்த மிளகாய் - 3, கறிவேப்பிலை - சிறிதளவு,  எண்ணெய் - சிறிதளவு.

 *செய்முறை:

 பாகற்காயை நீள வாக்கில் நறுக்கி... உப்பு, மஞ்சள் தூள் சேர்த்து, புளியைக் கரைத்து ஊற்றி வேகவிடவும். பாகற்காய் வெந்து, புளிக் கரைசல் ரசம் பதம் வந்ததும்... தாளிக்கக் கொடுத்துள்ள வற்றை தாளித்து சேர்த்து இறக்க வும். கொத்தமல்லித் தழை தூவ வும். பாகற்காயின் முழுப் பயனும் கிடைக்க வேண்டும் என்றால், இதனை கிண்ணத்தில் ஊற்றிக் குடிக்கலாம். இதை சாதத்துக்கு ரசமாகவும் பயன்படுத்தலாம்.

 *குறிப்பு:* 

இது, சர்க்கரை நோய் உள்ளவர்கள் தொடர்ந்து அருந்த வேண்டிய கைகண்ட மருந்து.

👉( *வேர்க்கடலை தேங்காய்  எள் பொடி* )

 *தேவையானவை:

 வறுத்து, தோல் உரித்த வேர்க்கடலை - ஒரு கப், 

துரு விய தேங்காய் - கால் கப், 

வறுத்த எள் - 4 டீஸ்பூன், 

 முந்திரிப் பருப்பு - 5, காய்ந்த மிளகாய் - 2, உளுத்தம் பருப்பு - 2 டீஸ்பூன், பெருங்காயத்தூள் - ஒரு சிட்டிகை, எண்ணெய் - 2 டீஸ்பூன், 

உப்பு - தேவைக்கேற்ப.

 *செய்முறை:

 வாணலியில் எண் ணெய் ஊற்றி காய்ந்த மிளகாய், உளுத்தம்பருப்பு, பெருங்காயத்தை வறுக்கவும். தேங்காயை வறுத்து இதனுடன் சேர்த்து, உப்பு போட்டு மிக்ஸியில் ஒரு சுற்று சுற்றவும். பின்னர், வேர்க்கடலை, எள் சேர்த்து கரகரப்பாகப் பொடிக்கவும். முந்திரியை வறுத்து துண்டுகளாக்கி சேர்த்து... நன்றாக கலந்துவிடவும். இந்தப் பொடியை காற்றுப்புகாத டப்பாவில் சேமித்து வைக்கவும்.

உதிர் உதிராக வடித்த சாதத்துடன் தேவையான பொடி சேர்த்து, ஒரு டீஸ்பூன் தேங்காய் எண் ணெயில் கடுகு, கறிவேப்பிலைத் தாளித்து சேர்த்துக் கலக்கி பரிமாறவும்.

 *குறிப்பு:

உடல் இளைத்தவர்கள் இந்தப் பொடியைத் தினசரி பயன் படுத்தினால், உடல் பருக்கும்.

வாழைப்பூ  முருங்கைக்கீரை துவட்டல்

 தேவையானவை:

 சுத்தம் செய்த வாழைப்பூ - ஒரு கப், சுத்தம் செய்த முருங்கைக்கீரை - அரை கப், 

மோர்  - ஒரு கரண்டி,  மஞ்சள்தூள் - ஒரு சிட்டிகை, 

கடுகு, உளுந்து, சோம்பு - தலா ஒரு டீஸ்பூன்,  

காய்ந்த மிளகாய் - ஒன்று, 

துருவிய தேங்காய் - 6 டீஸ்பூன், 

தக்காளி, பச்சை மிளகாய் - தலா ஒன்று, நறுக்கிய கொத்தமல்லித் தழை - 2 டீஸ்பூன்,

 எண்ணெய் - ஒரு டீஸ்பூன், 

உப்பு - தேவைக்கேற்ப.

 *செய்முறை:* 

 வாழைப்பூவை பொடியாக நறுக்கவும். தேங்காய், பச்சை மிளகாய், சோம்பு, தக்காளி, கொத்தமல்லித் தழை ஆகியவற்றை நீர் விடாமல் கொர கொரப்பாக அரைக்கவும். வாணலியில் எண்ணெய் ஊற்றி கடுகு, உளுந்து, காய்ந்த மிளகாய் தாளிக்கவும். நறுக்கிய வாழைப்பூவை சேர்த்து வதக்கி... உப்பு, மஞ்சள்தூள், மோர், சிறிதளவு நீர் ஆகியவற்றை சேர்த்து அரை வேக்காடு பதத்தில் வேகவிடவும். பிறகு, முருங்கைக் கீரையையும் சேர்க்கவும். வெந்ததும் அரைத்த தேங்காய் விழுதை சேர்த்து வதக்கவும். எல்லாமாகச் சேர்ந்து வதங்கியதும் இறக்கவும்.

 குறிப்பு:

இது... கர்ப்பப்பை பலம் பெறவும், கர்ப்பப்பை கோளாறுகள் நீங்கவும் உதவும்.

வாழைத்தண்டு* *கூட்டு

 தேவையானவை:

 வாழைத்தண்டு - 2 துண்டுகள், பயத்தம்பருப்பு - 6 டீஸ்பூன், 

மஞ்சள்தூள் - ஒரு சிட்டிகை, 

கெட்டி மோர் - ஒரு கரண்டி, 

உப்பு - தேவைக்கேற்ப.

 *அரைத்துக் கொள்ள:* 

 தேங்காய் துருவல் - 6 டீஸ்பூன், சீரகம் - ஒரு டீஸ் பூன், நறுக்கிய கறிவேப்பிலை, கொத்த மல்லித் தழை - தலா ஒரு டீஸ்பூன்.

 *தாளிக்க:* 

கடுகு, உளுத்தம் பருப்பு, எண்ணெய் - தலா ஒரு டீஸ்பூன், காய்ந்த மிளகாய் - 2.

 *செய்முறை:* 

 பயத்தம்பருப்பை குழைய வேகவிடவும். வாழைத் தண்டை நார் எடுத்து, பொடியாக நறுக்கி... உப்பு, மஞ்சள்தூள், மோர் சேர்த்து, ஒரு கரண்டி தண்ணீரும் சேர்த்து வேகவிடவும். முக்கால் பதம் வெந்ததும், வேக வைத்த பயத்தம்பருப்பை சேர்க்கவும். அரைக்கக் கொடுத்துள்ளவற்றை அரைத்து அதில் சேர்த்து, எல்லா மாகச் சேர்ந்து கூட்டுப் பதம் வந்த தும் இறக்கிவிடவும். தாளிக்கக் கொடுத்துள்ளவற்றைத் தாளித்து சேர்க்கவும்.

 குறிப்பு:

இதனைத் தொடர்ந்து சாப்பிட்டால்... சிறுநீரகக் கற்கள் கரையும்.

👉 *(வாழைத்தண்டு*  *முள்ளங்கி சாம்பார்* )

 *தேவையானவை:* 

 வாழைத்தண்டு - ஒரு துண்டு, 

துவரம்பருப்பு - 50 கிராம், 

முள்ளங்கி - 2, 

சின்ன வெங் காயம் - 4, மஞ்சள்தூள்- சிறிதளவு, 

சாம்பார் பொடி - 2 டீஸ்பூன், 

புளி - நெல்லிக்காய் அளவு, 

நறுக்கிய கொத்த மல்லித் தழை - 2 டீஸ்பூன், 

எண் ணெய் - 3 டீஸ்பூன், 

உப்பு - தேவைக் கேற்ப.

 வறுத்துப் பொடிக்க:

 காய்ந்த மிளகாய் - ஒன்று, 

தனியா - 3 டீஸ்பூன், கடலைப்பருப்பு - 2 டீஸ்பூன், 

துருவிய தேங்காய் - ஒரு டீஸ்பூன், பெருங்காயத்தூள் - ஒரு சிட்டிகை

 தாளிக்க:

கடுகு - ஒரு டீஸ்பூன், கறிவேப்பிலை - சிறிதளவு.

 செய்முறை:

 துவரம்பருப்பை குழைய வேகவிடவும். புளியைக் கரைத்து... உப்பு, மஞ்சள்தூள், சாம் பார் பொடி சேர்த்துக் கொதிக்கவிடவும். வாழைத்தண்டை நார் நீக்கி வில்லை களாக நறுக்கி சிறிதளவு எண்ணெயில் வதக்கி, கொதிக்கும் புளிக்கரைசலில் சேர்க்கவும். பாதி வெந்ததும், நறுக்கிய முள்ளங்கியையும், சின்ன வெங்காயத் தையும் வதக்கி சேர்க்கவும். காய்கள் வெந்ததும், வெந்த துவரம்பருப்பை சேர்த்து, வறுத்துப் பொடிக்கக் கொடுத் துள்ளவற்றை வறுத்துப் பொடித்துச் சேர்த்து... கொதி வந்ததும் இறக்கவும். தாளிக்கக் கொடுத்துள்ளவற்றைத் தாளித்துக் கொட்டி, கொத்தமல்லித் தழை தூவி அலங்கரிக்கவும்.

வாழைப்பூ பஜ்ஜி

 தேவையானவை:

 சுத்தம் செய்த வாழைப்பூ - ஒரு கப் (வாழைப்பூவை நரம்பு நீக்கி, ஒரு ஒரு இதழாக முழுமையாக எடுத்துக் கொள்ளவும்). எண்ணெய் - தேவையான அளவு.

 கரைத்துக் கொள்ள:

 கடலை மாவு - அரை கப், 

அரிசி மாவு - 4 டீஸ்பூன், 

மஞ்சள்தூள், பெருங்காயம் - தலா ஒரு சிட்டிகை, 

இட்லி மாவு - 3 டீஸ்பூன், 

சோள மாவு - ஒரு டீஸ்பூன், மிளகாய்த்தூள் - 2 டீஸ்பூன், 

உப்பு - தேவைக்கேற்ப.

 செய்முறை:

கரைத்துக் கொள்ளக் கொடுத்தவற்றை நீர்விட்டு பஜ்ஜி மாவு பதத் துக்குக் கரைத்துக் கொள்ள வும். எண்ணெயைக் காய வைத்து, ஒவ்வொரு வாழைப்பூவாக மாவில் முக்கி எடுத்து, பொரித் தெடுக்கவும்.  

 குறிப்பு:

இட்லி மாவுக் குப் பதில் 2 டீஸ்பூன் காய்ந்த உளுத்தமாவையும் சேர்க்கலாம்.

மிதி பாகற்காய் மசாலா

 தேவையானவை:

மிதி பாகற்காய் - கால் கிலோ, 

மஞ்சள்தூள் - ஒரு சிட்டிகை, 

வெல்லம், புளி - கொட்டைப் பாக்கு அளவு, 

நறுக்கிய கொத்தமல்லித் தழை - 2 டீஸ்பூன், 

உப்பு - தேவைக்கேற்ப.

 அரைத்துக் கொள்ள:

 உரித்த சின்ன வெங்காயம் - 10, உரித்த பூண்டு - 10 பல், தனியாத்தூள் - ஒரு டீஸ்பூன், 

இஞ்சி - ஒரு சிறிய துண்டு, 

துருவிய தேங்காய் - கால் கப், 

காய்ந்த மிளகாய் - 3.

 வதக்கிக் கொள்ள

 பெரிய வெங்காயம், தக்காளி - தலா ஒன்று, கறிவேப்பிலை - சிறிதளவு, 

எண்ணெய் - ஒரு டீஸ்பூன்.

 செய்முறை:

புளியைக் கரைத்து உப்பு, மஞ்சள்தூள், வெல்லம் சேர்த்து, மிதி பாகற்காயையும் சேர்த்து, முக்கால் வேக்காடு பதத்தில் வேக வைக்கவும். அரைக்கக் கொடுத்துள்ளவற்றை நைஸாக அரைக்கவும்.

வாணலியில் எண்ணெய் விட்டு... நறுக்கிய வெங்காயம், தக்காளி, கறிவேப்பிலையை வதக்கி, அரைத்த விழுது, பாகற்காய் கலவையை சேர்க்கவும். பிறகு, சிறிதளவு உப்பு போட்டு, எல்லாமாகச் சேர்ந்து கொதி வந்ததும், இறக்கி... கொத்தமல்லித் தழையை தூவவும். இது, காக்ரகாய மசாலா என்ற பெயரில் ஆந்திராவில் மிகவும் பிரசித்தி பெற்ற டிஷ் ஆகும்.

 குறிப்பு:

சர்க்கரை நோய் உள்ளவர்களுக்கு இது மிகவும் நல்லது.

 முடக்கத்தான் கீரை தோசை)

 தேவையானவை:

 சுத்தம் செய்து, நறுக்கிய  முடக்கத்தான் கீரை - 2 கப்,

 புழுங்கல் அரிசி - ஒரு  கப், 

உளுந்து - ஒரு டீஸ்பூன், 

வெந்தயம் - ஒரு டீஸ்பூன், 

துவரம்பருப்பு - 2 டீஸ்பூன், 

எண்ணெய்,

 உப்பு - தேவைக்கேற்ப.

 செய்முறை:

அரிசி, உளுந்து, வெந்தயம், துவரம்பருப்பு ஆகிவற்றை ஒன்றுசேர்த்து, ஒரு மணி நேரம் ஊற வைத்து, கிரைண்டரில் அரைக்கவும். அரைத்துக் கொண்டிருக்கும்

போதே முடக்கத்தான் கீரையையும் சேர்த்து நைஸாக அரைக்கவும். பிறகு, உப்பு சேர்த்து தோசை மாவு பதத்துக்கு கரைத்து வைக்கவும். இதை 7 மணி நேரம் புளிக்க வைக்கவும்.

தவாவில் சிறிதளவு எண்ணெய் ஊற்றி, ஒன்றரை கரண்டி மாவு விட்டு, ஓரங்களில் சிறிதளவு எண்ணெய் விட்டு திருப்பிப் போட்டு எடுக்கவும். பூண்டு மிளகாய்ப் பொடி, இதற்கு தொட்டு சாப்பிட ஏற்றது .

 குறிப்பு:

 'முடக்கு அறுத்தான்’ என்பதுதான் முடக்கத்தான் என்று அழைக்கப்படுகிறது. இதனைத் தொடர்ந்து சாப்பிட... கை, கால், மூட்டு வலி குணமாகும்.

👉( கத்திரிக்காய் மசாலா பொரியல்)

 தேவையானவை:

 பிஞ்சு கத்திரிக் காய் - கால் கிலோ, 

பெரிய வெங் காயம் - 2, பூண்டு - 10 பல், தக்காளி - ஒன்று, மிளகாய்த்தூள் - ஒரு டீஸ்பூன்,  கொத்தமல்லித் தழை - 2 டீஸ்பூன், 

எண்ணெய் - ஒரு டீஸ்பூன், 

உப்பு - தேவைக்கேற்ப.

 வறுத்துப் பொடிக்க:

 கடலைப்பருப்பு - 2 டீஸ்பூன், 

தனியா - 4 டீஸ்பூன், காய்ந்த மிளகாய் - ஒன்று, 

துருவிய தேங்காய் - 4 டீஸ்பூன், பெருங்காயத்தூள் - ஒரு சிட்டிகை

 செய்முறை:

 வெங்காயம், பூண்டு, தக்காளி ஆகியவற்றை நறுக்கவும். கத்திரிக்காயை நீளவாக்கில் நறுக்கவும். வறுத்துப் பொடிக்க கொடுத்துள்ளவற்றை வறுத்து, சற்றுக் கொரகொரப்பாகப் பொடிக்கவும்.

வாணலியில் எண்ணெய் ஊற்றி, வெங்காயம், பூண்டு, தக்காளியை வதக்கி... கத்திரிக்காயையும் சேர்த்து வதக்கவும். மிளகாய்த்தூள், உப்பு சேர்த்துக் கிளறி, சிறிதளவு நீர் விட்டு காய் குழைந்துவிடாமல் வேகவிடவும். பிறகு, வறுத்துப் பொடித்த பொடியைத் தூவி இறக்கி, மல்லித்தழை தூவி அலங்கரிக்கவும்.

 குறிப்பு:

கோடைக்காலத்தில் அம்மை நோய் வராமல் இருக்க இளம் வயதினர் அவசியம் சாப்பிட வேண்டிய பொரியல் இது.

 👉( *ஜிஞ்சர் புலாவ்* ) 

 *தேவையானவை:* 

 துருவிய இஞ்சி - 10 டீஸ்பூன்,

 பாசுமதி அரிசி - ஒரு கப், 

சீரகம் - ஒரு டீஸ்பூன், கறிவேப்பிலை - சிறிதளவு, 

எண்ணெய் (அ) நெய் - 3 டீஸ்பூன், 

உப்பு - தேவைக்கேற்ப.  

 செய்முறை:

பாசுமதி அரிசியை ஒன்றரை கப் நீர் விட்டு, உப்பு சேர்த்து உதிர் உதிராக வேகவிடவும். வாணலியில் நெய் (அ) எண்ணெய் விட்டு, துருவிய இஞ்சியை வதக்கி, சீரகம் சேர்த்துக் கலந்து, வடித்த சாதத்தைப் போட்டுக் கிளறி, கறிவேப்பிலை சேர்த்தால்... ஜிஞ்சர் புலாவ் தயார்.

 குறிப்பு

 பசியெடுக்கவும், சாப்பிட்ட உணவு செரிக்கவும் இஞ்சி கைகொடுக்கும்.

🪷🪷🪷

சம்மந்தி

சம்மந்தி   

 தேவையான பொருள்கள்     

சின்ன வெங்காயம் - 4, காய்ந்த மிளகாய் - காரத்திற்கு ஏற்ப, தனியா - 2 தேக்கரண்டி, 

உப்பு - தேவைக்கு ஏற்ப,

 தேங்காய் - சிறிதளவு, எண்ணெய் - தாளிக்க          

 செய்முறை

வெங்காயத்தை துண்டுகளாக நறுக்கிக் கொள்ளவும்.முதலில் வெறும் கடாயில் காய்ந்த மிளகாய், தனியாவை போட்டு வறுக்கவும்.பின்பு சிறிது எண்ணெய் சேர்த்து வெங்காயத்தை போட்டு வதக்கவும்.

அதே பாத்திரத்தில் தேங்காயை போட்டு லேசாக பிரட்டி விட்டு எடுக்கவும்.அனைத்தையும் எடுத்து நன்கு ஆற வைத்து அரைக்கவும்.சுவையான சம்மந்தி தயார்.

வெங்காயத்தை லேசாக எண்ணெய் தடவி அடுப்பில் சுட்டு செய்தாலும் சுவையாக இருக்கும். எல்லாவற்றுக்கும் ஏற்ற சைடு டிஷ்.

🪷🪷🪷

புள்ளிமான் வேட்டை-18

 புள்ளிமான் வேட்டை-18

தி. நகர் பஸ் ஸ்டாண்டில் இறங்கி  நடந்து மாம்பலம் ஸ்டேஷன் வந்து சேரும்போது மணி சரியாக பதிணொண்ணு இருபது ஆகியிருந்தது. பிளாட்பார்ம் டிக்கெட் வாங்கிக் கொண்டு வெளியூரில் இருந்து வரும் ரயில்கள் வரும்  பிளாட்பாரத்தை அவர்கள் அடைந்த பத்தாவது நிமிஷத்தில் பல்லவன் எக்ஸ்பிரஸ் வந்தது.பாட்டியின் கம்பார்ட்மன்ட் அருகில்  இருவரும் சென்றார்கள். முதலில் பாட்டியை பார்த்த சுநந்தா பாட்டியை  கையை பிடித்து கீழே இறக்கி விட்டாள்.கீழ இறங்கிய ராஜேஸ்வரி  கிருஷ்ணனை பார்த்து " நீ வேற வந்து இருக்கியா" என்றாள். "ஆமாம் பாட்டி. இன்னைக்கு லீவு தானே அதனால் தான் வந்தேன்" என்றான்.பாட்டியின் ஒரே பேக்கை தூக்கிக்கொண்ட  கிருஷ்ணன் வெளியில் வந்ததும்,  காத்திருந்த பல ஆட்டோ ரிக்ஷாக்களில் ஒன்றில் பேரம் பேசி அவர்கள் இருவரையும் ஏற்றி தானும் ஏறிக்கொண்டான். "என்ன பாட்டி. கல்யாணமெல்லாம் ஒரு வழியா முடிச்சூட்டு வந்தூட்டயா" என்றாள் சுநாந்தா. "ஆமாண்டி அம்மா. ராமகிருஷ்ணனுக்கு நான் போய் இருந்தது ரொம்ப சந்தோஷம். இன்னும் பத்து நாள் இருந்துட்டு போங்களேன் என்றாள் உமா. நெறைய நாள் ஏற்கனவே இருந்தூட்டதால கிளம்பி வந்தூட்டேன்"என்றாள் ராஜேஸ்வரி. ஆட்டோ வீட்டை அடைந்தது. வாசலிலேயே சுப்பிரமணியனும், சம்யுக்தாவும்  நின்று கொண்டிருந்தார்கள். இவர்கள் மூவரும் ஆட்டோவில் இருந்து இறங்கியதும், அம்மாவை பார்த்த சுப்ரமணியன்" ஒரு வழியா மெட்ராஸ் வரதுக்கு வழி தெரிஞ்சுதாக்கும்" என்றான் சிரித்துக் கொண்டே .அதற்கு ராஜேஸ்வரி "என்னடா பண்றது .உங்க சித்தப்பா விடமாட்டேன்றான்" என்றாள். கிருஷ்ணன் ஆட்டோவிற்கு உண்டான பணத்தை டிரைவரிடம் கொடுத்துவிட்டு  பாட்டியின் பையை தூக்கிக் கொண்டு வீட்டில் நுழைந்தான். சுநந்தாவை பார்த்த சுப்பிரமணியன் "நீ கேட்ட புஸ்தகம் கெடைச்சுதா" என்றான். "இல்லேப்பா .அதைவிட நல்ல புஸ்தகம் கிடச்சது. கிருஷ்ணன் தான் பணம் கொடுக்கிறேன் சொல்லி என்ன தடுத்துட்டான்" என்றாள் அவள்.தன் பர்ஸை திறந்த கிருஷ்ணன் "புத்தகத்துக்கு எவ்வளப்பா ஆச்சு" என்று  பணம் கொடுக்க முயன்றான். "மாமா. நீங்க புஸ்தகத்துக்கு பணம் கொடுக்கிறதா இருந்தா,ரெண்டு நாள் இருந்து இங்க சாப்படறதுக்கு நான் பணம் தருவேன். சரியா" என்றான் கிருஷ்ணன். இதையெல்லாம் கேட்டுக் கொண்டிருந்த ராஜேஸ்வரி" விதண்டாவாதம் வேண்டாம். அவன் சுநந்தாவுக்கு புஸ்தகம் வாங்கிக் கொடுத்தல ஒரு தப்பும் இல்லை. அதேபோல,கிருஷ்ணா,நீ இதை உங்க ஆத்தை போல நெனைச்சுக்கணும்" என்றாள். பின்பு அனைவரும் சாப்பிட உட்கார சம்யுக்தா பரிமாறினாள். "திருச்சில  சாப்பாடு எல்லாம் எப்படி இருந்தது ."என்றான்  சுப்ரமணியன்  ராஜேஸ்வரியிடம்."எல்லாம் நம்பாம்  மாதிரி தான். முத நாள்  கொஞ்சம் சாம்பார் காரமா இருக்குன்னு சொன்னதுக்கப்புறம் காரத்தை கொஞ்சம்  கொறச்சிண்டுட்டா உமா" என்றாள் ராஜேஸ்வரி. சாப்பிட்டு எழுந்ததும்  ராமகிருஷ்ணன்,உமா வாங்கி கொடுத்த சுங்குடி புடவையை பெருமையுடன் எல்லோருக்கும் காண்பித்தாள் ராஜேஸ்வரி.உண்ட களைப்பு தீர அனைவரும் சிறிது நேரம் உறங்கினார்கள். மாலை 3 மணிக்கு எழுந்த சுப்பிரமணியத்துக்கு வெங்காய பஜ்ஜி வாசனை மூக்கை துளைத்தது .ஹாலில் வந்த சுப்பிரமணியன் "சம்யுக்தா.காபி தரயா" என்றான்."முதல்ல காபி சாப்பிடுறீங்களா . இல்ல பஜ்ஜி சாப்பிடுறீங்களா" என்றாள் சம்யுக்தா.  இதற்குள் ராஜேஸ்வரி, சுநந்தா மற்றும் கிருஷ்ணன் எல்லோரும் ஹாலுக்கு வந்தார்கள். எல்லோருக்கும்  பிளேட்களில்  பஜ்ஜியையும், தொட்டுக்கொள்ள வெங்காய சட்னியையும் கொடுத்தாள்  சம்யுக்தா. "பஜ்ஜி ரொம்ப டேஸ்டா இருக்கு மாமி" என்ற கிருஷ்ணனிடம்"தோ பார்.வேணும்னா இன்னும் கொஞ்சம் கேட்டு வாங்கிக்கோ. பூடகமா பேசாதே" என்றாள் ராஜேஸ்வரி சிரித்துக்கொண்டே.

பின் அனைவரும் காபி  சாப்பிட்டார்கள். "ராத்திரிக்கு என்ன டிபன் பண்ணட்டும்" என்று கேட்டாள் சம்யுக்தா.

அதைக் கேட்ட கிருஷ்ணன்" பஜ்ஜி, காபி சாப்பிட்டதே வயிறு ரொம்பீட்த்து.ராத்திரி நீங்க ஒண்ணுமே பண்ணலேன்னா நான் சந்தோஷப்படுவேன்" என்றான் ."அது எப்படிப்பா வெறும் வயித்தோடு போவே. ரெண்டு தோசை சாப்டூட்டு போ" என்றாள்  சம்யுக்தா. இரவு 7 மணிக்கு தோசையை சாப்பிட்டு விட்டு எல்லோரிடம் சொல்லிக் கொண்டு கிருஷ்ணன் அடையாறில் உள்ள தன் இடத்திற்கு புறப்பட்டான். போகும்போது "போயிட்டு வரட்டுமா" என்று கூறிய கிருஷ்ணனை பார்த்து சுநந்தா" எங்க ப்ரொபசரை பார்த்து என் ப்ராஜெக்ட் விஷயமா பேச  நீ  எங்க கேம்பஸுக்கு எப்ப வருவ"என்றாள்.

செவ்வாய், புதன்கிழமையில் வர ட்ரை பண்றன். உங்க ப்ரொபசரை பார்க்க சரியான டைம் எதுன்னு   கேட்டு நீ நேக்கு போன் பண்ணு . அப்புறம் பிக்ஸ் பண்ணிக்கலாம்" என்றான் கிருஷ்ணன்.

அவன் சென்ற பிறகு மகா பெரியவரின் படத்திற்கு அருகில் சென்ற  சுப்பிரமணியன் மனதிற்குள் "பெரியவா. உங்க கடாக்ஷத்தால எல்லாம் நான் நினைச்ச படியே போறதுன்னு நெனைக்கிறேன். மேற்கொண்டு எல்லாம் நல்லபடியா நடக்க நீங்கதான் அருளணும்" என்று வேண்டிக் கொண்டான்.

அடிபணிந்து நின்ற ஆற்று வெள்ளம்

 *"அடிபணிந்து நின்ற ஆற்று வெள்ளம்!"*

மதுராந்தகத்தில்  ஒரு ராமர் கோயில் இருக்கிறது. ஏரிகாத்த ராமர் கோயில் என்பது அதன் பெயர்.

அந்தக் கோயிலுடைய வரலாறு, அந்தப் பகுதியில் பெரும் வெள்ளம் வந்தபோது, ஏரி உடைந்து ஊருக்கு ஆபத்து வந்து விடாமல் ராமபிரான் காப்பாற்றியதாகச் சொல்கிறது. அதுபோலவே ஓர் அற்புதச் சம்பவம், மகாபெரியவர் அனுபவத்திலும் உண்டு.

காஞ்சி மகாபெரியவர், திருத்தல யாத்திரை செய்து கொண்டிருந்த காலகட்டம் அது. கர்நாடகாவின் புண்ணியத் தலங்களை தரிசித்தபடி ஆங்காங்கே ஒன்றிரண்டு நாட்கள் தங்கி தொடர்ந்து யாத்திரை செய்து கொண்டிருந்தார், மகான்.

அந்த சமயத்தில் ஒரு நாள், அன்றைய யாத்திரைப் பாதையில் இருந்து மாற்றம் செய்யச் சொன்னார், மகாபெரியவர். புண்ணிய நதி ஒன்றின் பெயரைச் சொல்லி, மறுநாள் அங்கே ஸ்நானம் (நீராட) செய்யத் தீர்மானித்திருப்பதாகச் சொன்ன பெரியவர், அங்கே செல்லும் பாதையில் யாத்திரையைத் தொடங்கலாம் என்று சொல்லிவிட்டார்.

மகான் தன்னுடைய யாத்திரையில் இப்படி மாற்றங்கள் செய்வது அடிக்கடி நிகழும் வழக்கம்தான் என்பதால், எல்லோரும் உடனடியாகப் புறப்பட்டுவிட்டார். திடீரென்று புதிய வழியில் செல்லத் தொடங்கியதால், வழியில் இருந்த கிராம மக்கள் அவசர அவசரமாக மகானுக்கு தங்கள் ஊர்களில் வரவேற்பளித்தார்கள். அன்போடு அனைத்தையும் ஏற்றுக் கொண்ட மகான், நள்ளிரவு நெருங்கும் வேளையில், அந்த நதி இருந்த ஊரை அடைந்தார். அங்கே பெரும் மழை பெய்து முடித்து, ஊரே வெள்ளக்காடாக இருந்தது.

அந்த நிலையிலும் மகானுக்குத் தங்குவதற்குத் தேவையான முகாம் உள்ளிட்ட வசதிகளைச் செய்து கொடுத்தார்கள், ஊர்வாசிகள்.  மறுநாள் அதிகாலையிலேயே எழுந்த மகான், தான் திட்டமிட்டிருந்தபடி நீராடுவதற்காக நதிக்கரைக்குப் புறப்பட்டார்.

நதியை அடைந்ததும், அதனுள் தனது திருவடியைப் பதித்து இறங்கினார், மகான்.  சரியாக அதே நேரம் அதுவரை அமைதியாக இருந்த வானம் திடீரென்று இருண்டது. விரிசல் விட்ட குடிநீர்க் குழாய்போல சட்டென்று பொத்துக் கொண்டு மழை கொட்ட ஆரம்பித்தது.

அவ்வளவுதான், பதறிப் போனார்கள் எல்லோரும். அதற்கு இரண்டு காரணங்கள். ஒன்று, மகான் நின்று கொண்டிருந்த ஆற்றில் பெருவெள்ளம் புரள ஆரம்பித்தது. இரண்டாவது, நேற்றுவரை பெய்த மழையிலேயே ஏற்கனவே கரைபுரண்டு ஓடிக் கொண்டிருந்த ஆறு, இன்னும் கொஞ்சம் பெருக்கெடுத்தால் கரையை உடைத்துக் கொண்டுவிடலாம் என்ற நிலையில் இதோ இப்போது மழை மீண்டும் பொத்துக் கொண்டு பெய்ய ஆரம்பித்தது.

எல்லோரும் தவிக்க, மகானோ கொஞ்சமும் பதற்றம் இல்லாமல் தமது தண்டத்தை (துறவிகள் கையில் இருக்கும் தண்டக்கோல்) நதியில் முக்கி எடுத்தார்.  அதனைத் தான் இருந்த பக்கமாக ஊன்றினார். கொஞ்ச நேரம் அதைப் பிடித்தபடியே நின்றார்.

அப்போதுதான் நடந்தது அந்தப் பேரதிசயம். அதுவரை சுழன்று, சுழித்து, பெரும் வெள்ளப் பெருக்கோடு கரையை உடைத்துவிடும் கர்வத்தோடு ஓடிக் கொண்டிருந்த நதி, அப்படியே பெட்டிக்குள் சுருண்ட பாம்பாய் சட்டென்று அடங்கியது. கல் எறிந்தால் எழும் அலைபோல மெதுவாக வட்ட அலையெழுப்பி, மகானின் திருப்பாதம் தொட்டு, வலம் வந்து, அடங்கியது. அதே சமயம், வான் மழையும் குறைந்து, சற்று நேரத்தில் நின்றது.

தண்டத்தைத் தாங்கியபடி நின்றிருந்த மகான், மெதுவாக நதியில் மூழ்கி எழுந்து நீராடினார், கரை ஏறினார். வந்த வேலை முடிந்தது என்பதுபோல, முகாமிட்டிருந்த இடத்தை நோக்கி நடந்தார்.

பெருமழையால் இங்கே பேரபாயம் வரப்போகிறது, புண்ணிய  நதியில் வெள்ளம் புரண்டு, ஊருக்கு பாதிப்பு வர இருக்கிறது, அதைத் தடுத்தாகவேண்டும் என்று முன்கூட்டியே அறிந்து அதற்காகவே, தன் யாத்திரைப் பாதையை மாற்றிக் கொண்டு வந்து, ஆற்றின் ஆவேசத்தை அடக்கி, அந்த ஊர்மக்களுக்கு ஆபத்து வராமல் காத்திருக்கிறார் ஆசார்யார் என்பது யாரும் சொல்லாமலே எல்லோருக்கும் புரிந்தது.