சுதர்சன வழிபாடு

அஷ்ட லட்சுமிகளையும், வணங்கிய பலன் தரும் சக்கரத்தாழ்வார் வழிபாட

ஸ்ரீசக்கரத்தாழ்வாரை தரிசித்தால், சகல தோஷங்களும் விலகும். அவரின் பரிபூரண அருள் கிடைக்கப்பெற்று நிம்மதியும், சந்தோஷமும் பொங்க வாழலாம் என்பது ஐதீகம்.

சுதர்சனரை வழிபடச் சித்திரை நட்சத்திர தினங்கள் சிறப்பானவை. 

சித்திரை அவருக்குரிய நட்சத்திரம். 

சுதர்சனாஷ்டகமும், ஹோட சாயுத ஸ்தோத்திரம். சுவாமி தேசிகனின் சுதர்சனாஷ்டகமும், ஹோட சாயுத ஸ்தோத்தி ரமும் சொல்லி வந்தால் எளிதில் ஸ்ரீசுதர்சனரின் அருளைப் பெறலாம்.

புதன் மற்றும் சனிக்கிழமைகளில் சக்கரத்தாழ்வார் சன்னதியில் வழிபட்டு தினமும் 11 முறை அல்லது 24, 54, 108 முறை என முடிந்த அளவு மந்திரத்தை சொல்லி வழிபட்டு வர நம் செயலில் எதிர்ப்புகள் நீங்கி நல்ல வெற்றி கிடைக்கும். 

இவருக்கு துளசி மாலை, சிவப்பு மலர்களால் ஆன மாலையை சூட்டி வழிபட்டு வந்தால் நாம் நினைத்த காரியங்கள் நிறைவேறும்.நாம் நினைத்து பார்க்க முடியாத வெற்றி பெறலாம்.

சக்கரத்தாழ்வாரை வழிபட, அவரின் அருளைப் பெற நாம் ஒரு அடி முன் வைத்தால், அவர் நமக்கு அருள்பாலிக்க இரண்டு அடி முன் வைத்து வந்து நம் துன்பங்களை நீக்கி அருள்வார்.

ஆனி மாதத்தில் வரக்கூடிய சித்திரை நட்சத்திரம் சக்கரதாழ்வார் ஜெயந்தி திருநாள் ஆகும். இருப்பினும் ஒவ்வொரு மாதமும் வரக்கூடிய சித்திரை நட்சத்திரத்தின் போது சக்கரத்தாழ்வாரை வழிபாடு செய்வது சிறப்பு.

சக்கரத்தாழ்வாருக்கு நெய் தீபம் ஏற்றி "ஓம் நமோ பகவதே மகா சுதர்சனாய நம" என்ற மந்திரத்தை சொல்லி வணங்கி வர கிரக தோஷங்கள் நீங்கும்.

சக்கரத்தாழ்வார் காயத்ரி மந்திரம் :

ஓம் சுதர்ஸனாய வித்மஹே.

மஹா ஜ்வாலாய தீமஹி

தந்நோ சக்ர ப்ரஸோதயாத்

சக்கரத்தானை திருவாழியாழ் வான்” என்று போற்றுகின்றனர் ஆழ்வார்கள். 

“சக்ர ரூபஸ்ய சக்ரிண”. சுவாமி தேசிகன் இவரை “சக்ர ரூபஸ்ய சக்ரிண” என்று போற்றுகிறார். 

அதாவது திருமாலுக்கு இணையானவர் என்று பொருள். 

கும்பகோணம் சக்ர படித்துறையில் உள்ள சக்கர தீர்த்தத்தில்தான் பிரம்மா அவப்ருத நீராடல் செய்து யாகம் செய்தார். 

உடனே பாதாளத்திலிருந்து சக்கரம் வெளிக்கிளம்பி மேலே வந்தது. அந்த சக்கரத்தின் நடுவில் பிரம்மனுக்கு அன்று காட்சி தந்த ஸ்ரீமந் நாராயணன் தான் இன்று நமக்கு 

ஸ்ரீ சக்ரபா ணியாக காட்சி தருகிறார்.

சாளக்ராமங்களில் சுதர்சன சாளக்ராமம் மிகச் சிறந்தது. 

ஒரு சக்கரம் மட்டுமே உள்ள மிகப் பெரிய சாளக்ராமம் சுதர்சனமாகும். 

திருமாலின் சக்ராயுதத்தின் பூர்ண சக்தி இதற்கு உண்டு.  

ஸ்ரீ சக்கரத்தாழ்வாரையும், அவர் பின்புறமுள்ள ஸ்ரீ நரசிம்மரையும் வணங்கி சுற்றி பிரதட்சணம் செய்தால், நான்கு வேதங்களையும், பஞ்ச பூதங்களையும் அஷ்ட லட்சுமிகளையும், எட்டு திசைகளையும் வணங்கிய பலன் கிடைக்கும். 

16 வகையான பேரருளும் கிடைக்கும் என்பது முன்னோர்களின் வாக்கு. 

நரசிம்ம அவதாரத்தில் அரக்கனின் வரத்தையட்டி எந்த ஆயுதமும் இல்லாமல் ஹிரண்யகசிபுவை நரசிம்மர் அழித்தபோது, அவரது நகங்களாக விளங்கியவர் சுதர்சனரே. 

வாமன அவதாரத்தில், சுக்ராச் சாரியாரின் கட்ட ளையை மீறி மகாபலி வாமனனுக்குத் தானம் கொடுக்க தாரைவார்த்தபோது, சுக்ராச்சாரியார் வண்டாக வந்து கமண்டல நீர்ப்பாதையை அடைத்தார். 

அப்போது திருமால் பவித்திரத்தால் கிளற, சுக்ராச்சாரி யார் தன் கண்ணை இழந்தார். அங்கு பவித்திரமாக வந்தவர் சுதர்சனரே.

சக்கரத்தாழ்வார் பல பழமையான திருக்கோவில்களில் தனிச்சந்நிதி கொண்டு காட்சியளிப்பதைக் காணலாம். 

குறிப்பாக ஸ்ரீரங்கம், காஞ்சி வரதர்கோவில், திருமாலிருஞ் சோலை (கள்ளழகர்) கோவில், திருமோகூர், ஸ்ரீவில்லிபுத்தூர்.) தற்போது இவரின் மகிமையைப் புரிந்துகொண்டு பல திருத்தலங்களில் இவருக்குத் தனிச்சந்நிதி அமைக்கப் பட்டு வழிபாடுகள் நடந்து வருகின்றன.

சக்கரத்தாழ்வாரின் பின்புறம் உள்ள யோக நரசிம்மரையும் பல இடங்களில் தரிசிக்கலாம். 

இவரை சுதர்சன நரசிம்மர் என்று போற்றுவர். 

சக்கரத்தாழ்வாரைப் பற்றி பல சுலோகங்கள் உள்ளன. 

ஸ்ரீரங்கம் கூரநாராயண ஜீயர் சுதர்சன சதகத்தை அருளியுள்ளார். 

சுவாமி தேசிகனின் சுதர்சனாஷ்டகம் மிகவும் பிரசித்தி பெற்ற சுலோகமாகப் பிரபலமாகியுள்ளது.

ஸ்ரீ சுதர்ஸனாழ்வார்,ஸ்ரீ கருடாழ்வார், ஸ்ரீ அனந்தாழ்வார் என ‘ஆழ்வார் ‘என்ற அடைமொழி இவர்கள் மூவர்களுக்கு மட்டுமே பொருந்தும்.

ஸ்ரீ பகவானால் ஆட்கொண்டவர்கள் என்பதால் ஏற்பட்ட சிறப்பேயாகும். 

ஜீவாலா கேசமும், திரிநேத்ரமும்,16 கரங்களும் பதினாறு வித ஆயுதங்களும் உடைய இவரை வழிபடுவதால் முப்பிறவியிலும், 

இந்த பிறவியிலும் உண்டான பாவங்கள், மற்றவர்களால் ஏற்படும் தீங்குகள், தீவினைகள், தோஷங்களால் கெடுதிகள் யாவும் நீங்கும்.

மதுரை அழகர் கோவில், திருமோகூர், ஸ்ரீரங்கம், ஸ்ரீவில்லிபுத்தூர், காஞ்சிபுரம் வரதராஜப் பெருமாள் கோவில், கும்பகோணம் ஸ்ரீ சக்ரபாணி கோவில் போன்ற திருத்தலங்களில் ஸ்ரீசக்கரத்தாழ்வார் விசேஷமானவர்.

மதுரை அழகர் கோவில் சக்கரத்தாழ்வார் பிம்ப ரூபமாய் காட்சி தருகிறார். இது வேறெங்கும் காணக் கிடைக்காத அம்சம்.

அழகர் கோவில் சக்கரத்தாழ்வாரின் மூலவர் சிலையில் 32 அக்ஷர தேவதைகளின் உருவம் பொறிக்கப் பட்டுள்ளது.

பொதுவாக சக்கரத்தாழ்வாரின் பின்புறம் காணப்படும் 

நரசிம்மர் அழகர் கோவில் சக்கரத்தாழ்வார்ருக்கு மேல் புறமாக உள்ளார்.

தாயார் சன்னதியில் மஞ்சள் பிரசாதம் வழங்கப்படுவது போன்று  சக்கரத்தாழ்வார் சன்னதியில் வழங்கப்படுவது சிறப்பு.

திருமோகூர் ஆலயத்தில் மிகவும் புராதனமான சக்கரத்தாழ்வார் சன்னதி உள்ளது.

இவருக்கான உற்சவ சிலையில் 154 மந்திரங்களும், மூலவர் சிலையில் மந்திரங்களுக்குரிய 48 அதி தேவதைகளும் பொறிக்கப்பட்டுள்ளன.

16 கைகளில் 16 விதமான ஆயுதங்களுடன் காட்சி தருகிறார். அதோடு தலையில் அக்னி கிரீடத்தை அணிந்து ஓடி வரும் நிலையில் பக்தர்களுக்கு காட்சி தருகிறார்

மதுரை அழகர் கோவில் சக்கரத்தாழ்வார்,மற்றும் திருமோகூர் சக்கரத்தாழ்வார் பற்றி அதிகம் பேருக்கு தெரியாத சிறப்புகளை

DrAndalPChockalingamஅவர்கள் கூறும் காணொளிக்காட்சி கீழே!👇🏻👇🏻