ஆத்மாநந்தா - 9

 ஆத்மாநந்தா - 9

By N Krishnamurthy 

நாலு இருபதுக்கு வீட்டை அடைந்தாள் வசந்தி.பத்து நிமிடத்தில் தெக்ஷிணாமூர்த்தி வந்தார். அவர் கேட்டுக் கொண்டபடி அவருக்கு ஜீரகம் கலந்து சூடு வெள்ளம் கொடுத்தாள் . 

முகம் கை கால் கழுவிக்கொண்டு சாயம் சந்தியை முடித்த தெக்ஷிணாமூர்த்தி அவளுடன்  சேர்ந்து கோவிலுக்கு கிளம்பினார். இருவரும் குருவாயூரப்பனை  தரிசித்துக் கொண்டு திரும்பினார்கள்.

வீட்டிற்கு வந்ததும் கணவரிடம் எல்லா விவரங்களையும் பகிர்ந்து கொண்டாள் வசந்தி.

இரவு எட்டு மணி இருக்கும்போது டெலிபோன்மணி ஒலித்தது. "ஹலோ " என்று வசந்தி சொன்னதும் மமறு முனையிலிருந்த ராமசந்திரன் "சேச்சி.சுகந்தன்னே"என்றான்." வசந்தி அவனிடம் "கங்கிராட்ஸ் "என்று கூறியதும் அவன் "நான் முதல்லே இந்த விஷயத்தை சொல்லலேன்னு சேச்சிக்கு கோபமில்லையே" என்றான். "ராமேந்திரா,தோ பார். நல்ல விஷயத்தை நீ எங்கிட்ட சொல்லியிருக்கலாம். பரவாயில்லை. அம்மா சொல்லி தெரிஞ்சுண்டேன். 

விஜயலக்ஷ்மி எப்டி யிருக்கா"என்றவளிடம் அவன் "அவ தோ பக்கத்திலதான் இருக்கா.நீயேபேசு என்றான்." கங்கிராட்ஸ் விஜி.உடம்பை நண்ணா கவனிச்சுக்கோ. வேளா வேளைக்கு ஒழுங்கா சாப்பிடு. டாக்டர் சொன்னபடி நடந்துக்கோ "என்று கூறி போனை தெக்ஷிணாமூர்த்தியிடம் தந்தாள். அவர் போனை வாங்கி இருவருக்கும் வாழ்த்து சொன்னார்.

ஏகாதசி ஒரு வழியாக நன்றாக சென்றது.

மறுநாள் த்வாதசி. வழக்கம் போல விடியற்காலையில் இருவரும் நிர்மால்ய தரிசனத்திற்காக கோவிலுக்கு சென்றார்கள். 

இவர்களை இப்படியே குருவாயூரப்பன் சன்னதியில் விட்டு விட்டு குருவாயூர் கோவிலின் தினப்படி நடைமுறையை  காண்போம்.

அதிகாலை 3 மணிக்கு கோயில் திறந்ததும் நிர்மால்யத்துடன் காலை பூஜை தொடங்குகிறது. இறைவனின் முதல் தரிசனம் நிர்மால்ய தரிசனம் எனப்படும். முந்தைய இரவில் ஆழ்ந்த உறக்கத்தில் இருந்து எழுந்தருளும் போது பக்தர்களுக்கு கடவுளின் முதல் தரிசனத்திற்கான வாய்ப்பு கிடைக்கிறது. அவர் முந்தைய நாளிலிருந்து அலங்காரத்தில் அலங்கரிக்கப்பட்டுள்ளார். இந்த நேரத்தில் கடவுள் மிகவும் சக்திவாய்ந்தவர் என்று நம்பப்படுவதால், இந்த தரிசனம் மிகவும் மங்களகரமானதாக கருதப்படுகிறது.

நிர்மால்ய தரிசனத்திற்குப் பிறகு, எள்ளு எண்ணெயால் கடவுளுக்கு ஸ்நானம் செய்யப்படுகிறது. மூர்த்தி மருத்துவ மதிப்புள்ள கல்லால் ஆனது. எனவே குளிப்பதற்கு பயன்படுத்தப்படும் எண்ணெய் பிரசாதமாக கருதப்படுகிறது. இது பக்தர்கள் வாங்குவதற்காக  கவுண்டர்களில் கிடைக்கிறது. இந்த எண்ணை  பக்கவாதம் போன்ற நோய்களை குணப்படுத்தும் என்று நம்பப்படுகிறது. 

குளித்த பிறகு, மூர்த்தியை வாகா என்ற மூலிகை கலவையால் பூசுவார்கள்.

ருத்ரதீர்த்தம் என்று அழைக்கப்படும் கோவில் குளத்திலிருந்து ஒரு பூசாரி கொண்டு வந்த தண்ணீரில் தெய்வம் குளிக்க வைக்கப்படுகிறது. சங்கு மூலம் தெய்வத்தின் மீது தண்ணீர் ஊற்றப்படுகிறது. அபிஷேகத்திற்குப் பிறகு, மூர்த்தி அலங்கரிக்கப்படுகிறது.

.

சந்தனக் கூழ் மற்றும் நகைகள் தெய்வத்தை அலங்கரிக்கின்றன. அவர் குழந்தை கிருஷ்ணராக அலங்கரிக்கப்படுகிறார்.

சிவப்பு உடுப்பை அணிந்து, வெண்ணெய் மற்றும் கைகளில் புல்லாங்குழலைப் பிடித்திருப்பார். பின்னர் மலர்,ஒரு வகையான கொப்பரை அரிசி நைவேத்யமாக கடவுளுக்கு வழங்கப்படுகிறது.மலர் நைவேத்தியம் முடிந்ததும், உஷப்பூஜைக்காக கருவறை மூடப்படும்.

வெண்ணெய், நெய் பாயசம், ஒரு சிறப்பு வகை வாழைப்பழம், வெல்லம், ஒரு சிறப்பு சர்க்கரை மற்றும் இனிப்பு கலவை போன்ற பல்வேறு நைவேத்தியங்களுடன் தெய்வத்திற்கு வழங்கப்படுகிறது. பூஜை சூரிய உதயத்திற்கு முன் தொடங்கி, கிழக்கு நோக்கியிருக்கும் தெய்வத்தின் பாதங்களில் சூரியனின் முதல் கதிர்கள் விழும் வரை தொடர்கிறது. இந்த நேரத்தில் கணபதி ஹோமமும் நடத்தப்பட்டு மற்ற தெய்வங்களுக்கான பூஜைகளும் நடைபெறுகின்றன.

ஸ்ரீ குருவாயூரப்பனுக்கு தினசரி பூஜை ஆதி சங்கரர் வகுத்த கோவில் நடைமுறைகள் கண்டிப்பாக பின்பற்றப்படுகின்றன. வேத மரபுகள் மிகத் துல்லியமாகப் பின்பற்றப்பட்டு புனிதம் பேணப்படுகிறது.

கோவில் பக்தர்களுக்காக அதிகாலை 3 மணிக்கு திறக்கப்பட்டு, இரவு 10 மணிக்கு பூஜை முடிந்து மூடப்படும். இங்கு நடக்கும் பூஜையை காலை பூஜை, மதியம் பூஜை, மாலை பூஜை என பிரிக்கலாம்

காலை பூஜைக்குப் பிறகு, வெள்ளி மற்றும் தங்க விக்கிரகம் சீவேலி என்ற கோயில் யானை மீது புனித ஊர்வலமாக கோயிலைச் சுற்றி எடுத்துச் செல்லப்படுகிறது. பொதுவாக தங்க விக்ரஹம் பயன்படுத்தப்படுகிறது வெள்ளி விசேஷ நிகழ்வுகளில் பயன்படுத்தப்படுகிறது. இந்த சடங்கு, கடவுள் தனது காவலர்களான அஷ்டதிக்பாலர்கள் மற்றும் சப்தமாத்ரிகா மற்றும் வீரபத்ரா மற்றும் கணபதி ஆகியோருக்கு வழங்கப்படும் உணவை மேற்பார்வையிடுவதைக் குறிக்கிறது

சீவேலிக்குப் பிறகு, கோயில் கிணற்றில் இருந்து எடுக்கப்பட்ட நீரில் மீண்டும் மூர்த்தி நீராட்டப்படுகிறார். இதைத் தொடர்ந்து அபிஷேகம்.  மூர்த்தியை பால், இளநீர் மற்றும் பன்னீர் ஆகியவற்றால் அபிஷேகம் செய்கிறார்கள். தெய்வம் பின்னர் மஞ்சள் நிற வேட்டியால் அலங்கரிக்கப்பட்டு வாலிபனாக காட்சி தருகிறார்.

பந்தீரடி பூஜை என்பது பாரம்பரிய பூஜாரிகளால் செய்யப்படுகிறது. இது சூரியனின் கதிர்களால் படும் நிழலின் நீளத்திலிருந்து அதன் பெயரைப் பெற்றது .அதாவது  பந்தீரடி அல்லது 12 அடி. இந்த பூஜை முடிந்து அடுத்த விழா நடைபெறும் வரை சன்னதி பக்தர்களுக்காக திறந்தே இருக்கும்.

மாலை பூஜை தீபாராதனையுடன் தொடங்குகிறது. சூரிய அஸ்தமனத்தின் போது கோயில் தீபங்களால் ஜொலிக்கும் போது, ​​பாடல்கள் ஓதப்படும். கற்பூர ஆரத்திக்காக கருவறை மீண்டும் திறக்கப்படுகிறது.

இரவு 7:30 மணியளவில் இறுதி பூஜைக்காக கோவில் மீண்டும் மூடப்படுகிறது. அப்பம், ஆடா, பால்பாயாசம், வெற்றிலை, பாக்கு போன்ற நைவைத்தியத்தின் பல்வேறு உணவுகளுடன் தெய்வத்திற்கு பிரசாதம் வழங்கப்படுகிறது. பூஜையைத் தொடர்ந்து, தெய்வம் மீண்டும் சீவேலி யானையின் மீது ஊர்வலமாக எடுத்துச் செல்லப்படுகிறது.

திருப்புக்கா என்பது இங்கு செய்யப்படும் ஒரு முக்கியமான சடங்கு ஆகும், இதில் கருவறையில் ஒரு சிறப்பு தூள் செய்யப்பட்ட புதிய புகையால் நிரப்பப்படுகிறது, இது சுவாச பிரச்சனைகளை குணப்படுத்துவதாக நம்பப்படுகிறது.

விளக்குமடம் என்றழைக்கப்படும் சட்டத்தில் பக்தர்கள் ஏற்றிவைக்கும் விளக்குகள் ஏராளம். கோவிலை சுற்றி விளக்குகள் ஏற்றுவது கண்கொள்ளாக் காட்சி.

இரவு பூஜை, இரவு 11:30 மணிக்குப் பிறகு, பூட்டிய கதவுகளுக்குப் பின்னால், கோயில் மூடப்பட்டிருக்கும் போது செய்யப்படுகிறது. பூஜையின் போது பாயாசம் அல்லது கீர் சிறப்பு பிரசாதமாக கடவுளுக்கு வழங்கப்படுகிறது. 

இனி தெக்ஷிணாமூர்த்தி வசந்தி தம்பதியர் அருகில் செல்வோமா?

சுவாமி தரிசனம் முடித்து பட்டர் கொடுத்த துளசி தீர்த்தத்தை வாங்கி இருவரும் அருந்தினர்.

உச்சிகால பூஜைக்காக அங்கேயே அமர்திருந்தனர்.அன்று ஞாயிற்றுக்கிழமை ஆதலால் தெக்ஷிணாமூர்த்திக்கு கல்லூரி இல்லை.

உச்சிகால பூஜை முடிந்து தர்சனம் செய்துகொண்டு வெளியில் வந்து இருவரும் கிளம்புகிற சமயத்தில் பின்னால் இருந்து யாரோ கூப்பிடுகிற குரல் கேட்டது. தெக்ஷிணாமூர்த்திக்கு நன்றாக தெரிந்தவரும் , கோயில் பூஜைகளில் ஈடுபடுவருமான கோபால  பட்டத்ரி அவர்கள் இருவருக்கும்  பால் பாயச பிரசாதத்தை

வழங்கினார். இருவரும் அதை வாங்கி ஆவலுடன் பழகினார்கள்.

அதை சாப்பிட்டவுடன் வசந்திக்கு உடலில் ஒரு சிலிர்ப்பு ஏற்பட்டது. உள்ளத்தில் ஒரு தாங்க முடியாத சந்தோஷம் உண்டானது. பொதுவாக சுவாமி பிரசாதத்தை சாப்பிட்ட உடன் அவளுக்கு இது போல இருந்தது இல்லை .அன்று என்னமோ ஒரு வித்தியாசத்தை அவள் உணர்ந்தாள்.

கண்ணை மூடிக்கொண்டு " பகவானே. கிருஷ்ணா. நீதான் அருள் புரியணும்" என்று வேண்டிக் கொண்டாள்.