என்ன ஐயரே தங்கக்காசு வேணுமா

 விச்வநாதன்,

கனடா. 

"என்ன ஐயரே தங்கக்காசு வேணுமா" 

பக்தகோடிகளே ஸ்ரீமஹாபெரியவா பல குடும்பங்களில் நடத்திய திருவிளையாடல்கள் பல நம்மிடையே பகிரப்படாமலேயே இருந்திருக்கின்றன. அத்தகையச் சம்பவங்களைச் சேகரித்து, சம்பந்தப்பட்டவர்களிடம் உறுதி செய்த பிறகு சிறிய கட்டுரையாக வடிவமைத்து பக்தகோடிகளுடன் பகிர்வதே அடியேனின் சங்கல்பம். அடியேனது ஆன்மீக குரு பெங்களூர் கிதாமாமி குடும்பத்தில் ஸ்ரீமஹாபெரியவா நடத்திய ஓரிரண்டு சப்பவங்களைப் பகிர்ந்திருக்கிறேன். இன்னும் பல நிகழ்வுகளைத் தங்களுடன் பகிற கீதா மாமி அடியேனைப் பணித்துள்ளார்கள். அதை கட்டுரை வடிவமாக்க சிறிது அவகாசமும் தேவைப்படுகிறது. இதற்கிடையே அடியேனின் நெருங்கிய பள்ளித் தோழன் கே.கே. சுப்ரமணியன் வாழ்வில் பரமாசார்யாள் நடத்திய ஒரு திருவிளையாட்டு....... அவன் அனுமதியுடனே இதோ உங்களுக்காக...... 

சில நாட்கள் முன்பு நாங்கள் வாட்ஸ்அப் மூலம் உறையாடிக் கொண்டிந்தபோது என் பள்ளித்தோழன் கே.கே.சுப்ரமணியன் (இனி அவனை கே.கே.எஸ். என்றே சுருக்கமாக அழைப்போம்) அவன் வாழ்வில் நடந்த சம்பவத்தை ஆங்கிலத்தில் என்னிடம் பகிர, அதையே தமிழில் மொழி பெயர்த்து உங்களுடன் பகிர்கிறேன். 

1993ல் கே.கே.எஸ்....... அக்கால கட்டத்தில் சராசரி குடும்பஸ்தனைப்போல் அலுவலகத்தில் பணியாற்றி வந்த காலகட்டம்........  தாய், தந்தை ஸ்ரீமஹாபெரியவாளின் பக்தர்கள்.... கே.கே எஸ்ஸுக்கு ஸ்ரீமஹாபெரியவாளின் மகிமை அவ்வளவாகத் தெரியத வயது, சரியான இளம்வயது சம்சாரி, ஸ்ரீமடத்துடன் எந்தத் தொடர்பும் இல்லை......... 

26-5-1993ல் ஸ்ரீமஹாபெரியவாளின் கனகாபிஷேகம் நடந்த திருநாளிலிருந்து இரண்டொரு நாட்கள் பிறகு அவனது ஒன்றுவிட்ட சகோதரன் ஜம்ஷட்பூரிலிருந்து தந்தைக்கு போன் செய்து..... ஸ்ரீமடத்திலிருந்து அவர்கள் வீட்டிற்கு ஒரு சிறிய பார்சல் வருமென்றும், அதில் ஸ்ரீமஹாபெரியவாளின் கனகாபிஷேகத்தில் அபிஷேகிக்கப்பட்ட வில்வ உருவம் பதித்த தங்கக் காசு ஒன்று இருக்குமென்றும் தான் அடுத்து அவர்கள் வீட்டிற்கு வரும்பொழுது வாங்கிக்கொள்வதாகக் கூறினான். 

அதேபோல் பார்சலும் வந்து அதைத் திறந்து பார்த்த கே.கே.எஸ்ஸின்  தந்தையார்..... நம்மிடமும் இதைப்போல்  வில்வ உருவம் பதித்த ப்ரசாத தங்கக் காசு இருந்தால் பூஜை அறையில் வைக்கலாமே என்ற தன் விருப்பத்தைத் தெரிவித்தார். கே.கே.எஸ் ஒன்றும் பேசாமல் அலுவலகத்திற்கு கிளம்பிவிட்டான். அலுவலகம் போய்ச் சேர்ந்த சிறிது நேரத்தில் அலுவலகத் தொடர்புடைய மனோகரன் ஜொஷுவா என்ற கிரிஸ்துவ நண்பன்  "என்ன ஐயரே உங்கள் மடத்து சாமிக்கு நூறாவது பிறந்தநாள் கொண்டாடி தங்கக் காசால் அபிஷேகம் செய்தார்களாமே.... அதில் ஒன்று உனக்கு வேணுமா ?" என்று கேட்க கே.கே.எஸ்ஸுக்கோ ஏக அதிர்ச்சி. சிறிது நேரத்திற்கு முன்பு தத்தையார் விரும்ப..... இப்பொழுது இவன் முன்னால் வில்வ உருவம் பதித்த ப்ரசாத தங்கக் காசு...... இவனும் "சரி குடுங்கள்" என்று கேட்டுப் பெற்றிருக்கிறான். 

திரு ஜோஷுவாவின் பார்டனர் திரு மூர்த்தி ஸ்ரீமடத்துடன் நெருங்கிய தொடர்புடையவர். அவரிடம் வந்து சேர்ந்த 10 அபிஷேகக் காசுகளை  ஜோஷுவாவிடம் கொடுத்து நண்பர்கள் மத்தியில் வினியோகிக்கும்படி கேட்டுள்ளார். பிறகென்ன..... இன்றும் கே.கே.எஸ்ஸின் இல்லத்தில் வில்வம் உருவம் பதித்த  தங்கக் காசின் மூலம் ஸ்ரீமஹாபெரியவா தன் அருளாசிகளை அள்ளி வழங்கிக் கொண்டிருக்கிறார். 

இன்றளவும் கே.கே.எஸ்ஸிற்கு, ஏன்.... நமக்கும் புரியாத புதிர்..... ஸ்ரீமஹாபெரியவாளின் பக்தரான தன் தந்தை அபிஷேகக் காசு ஒன்று தங்கள் பூஜை அறையை அலங்கரிக்க வேண்டும் என்று விரும்பியது ஸ்ரீமஹாபெரியவாளுக்கு எப்படித் தெரியும்........ அதுவும் அவன் தந்தை விரும்பிய சிறிது நேரத்திலேயே தங்கக் காசு எப்படி வந்து சேர்ந்தது...... தன் பக்தர்கள் ஆத்மார்தமாக தன்னிடம் வேண்டுவதை அருள்வதுதானே ப்ரத்யக்ஷ சர்வேச்வரனனான  ஸ்ரீமஹாபெரியவாளின் வழக்கம்....... 

ஹர ஹர சங்கர

ஜெய ஜெய சங்கர.

🙏🙏🙏🙏🙏