51. பயங்கரம் (சிசீ 9) #ganeshamarkalam
நான், எங்கம்மா, தங்கை. திருவான்மியூரில் அப்பா வாங்கின அப்பார்ட்மென்டில் இருக்கம். அப்பாவோட அரவணைப்புல நீடித்து வாழ கொடுத்து வைக்கலை. கொரானுவல போய்ட்டர். ஆத்து பொருப்பு என்னுதாச்சு.
அம்மா எல்லாரையும் தெகிரியமா இருக்கக் கத்துத் தந்துண்டு தனக்குத் தேவையான தெகிரியத்தை எங்களைப் பாத்து வரவழைச்சிண்டு.
நான் அதையும் இதையும் செஞ்சு முடியாம கடைசீல மாஸ் கம்யூனிகேஷன் பண்ணிட்டு திரும்பவும் அதையும் இதையும் செஞ்சுட்டு இப்போ ஆத்துலவே SFX லேப் வச்சு சில பல பெரீய ப்ரொடக்ஷன் ஹவுஸ்களோட சேர்ந்து சாம்பாத்யத்துக்கு வழி தேடிண்டாச்சு. போதுமானது வந்திண்டிருப்பதால் சிரமப் படலை. அடுத்த வருஷம் தங்கை படிப்பை முடிச்சிட்டா ஏதாவது வேலைக்குப் பொக ஆரம்பிச்சுடுவா.
சுந்தர் ஃபிலிம் இண்ட்ஸ்ட்ரீல இருக்கான் தலைதூக்கிட்டான்னு அம்மாக்குப் பெருமை. இன்னைக்குக்கூட என் ரூமுல உக்காந்துண்டு சில வேலைகளை முடிச்சுத்தர வேண்டியிருக்கு அதில் மும்முரமா. ஆத்துக்கு மாம்பலத்துலேந்து ஒரு மாமி வந்திருக்கா. அம்மாக்கு தெரிஞ்சவள். மருந்தீஸ்வரர் கோவிலுக்கு வந்தாளாம். “சுந்தர் என்ன பண்ணிண்டிருக்கான்?” என்னமோ போண்ணைக் கொடுத்துடப் போராப்போல் கேட்டா. அம்மாவும் வரன் பேசராப்போல “சினிமா பண்ணிண்டிருக்கான், 3 படம் சைன் ஆகியிருக்கு. கைநிறைய சம்பாதிக்கரான்.” சூர்யா ரேஞ்சுக்கு சொல்ரா. வாஸ்த்தவத்தில் மாமி பொண்ண எனக்குப் பிடிக்கும். கல்யாணத்துல பாத்திருக்கேன். செம ஃபிகர். நல்ல புத்திசாலி. இன்ஃபோசிஸ்ல இருக்கா. மாமி மசியராப்போல் தெரியலை.
அப்பா வேலைபாத்த பேங்கில் தெரிஞ்சவர் மூலமா லோன் போட்டு இன்வெஸ்ட் செஞ்சுதான் லேப் எக்யுப்மென்ட்ஸ்லாம். லேடெஸ்ட் ப்ராஸசர், வெர்ச்சுவல் ரியாலிடி கேமராக்கள், அனிமேஷன் சாஃப்ட்வேர், மோஷன் கேப்சரிங்க் அக்ஸெசரீஸ்னு. இதெல்லாம் பயன்படுத்த காசுகட்டி யூஎஸ் காலேஜுல பயிற்சி எடுத்துண்டாச்சு. ஆனா இந்த சினிமா உலகம் நிரந்தரமில்லைன்னு தெரியும். ஒருநா இலைன்னா ஒருநா இந்த சினிமா டெக்னாலஜியச் சார்ந்து போயிடும் இந்த லைனில் இருப்பவாளுக்கு வேலைக்கு பஞ்சமிருக்காதுன்னு ஹேஷ்யம். என்ன ஒண்ணு நம்மள அப்டேட் செஞ்சுண்டே இருந்தாணம், அதுக்கே சிலவாகும்.
கம்ப்யூடரை வச்சிண்டு இப்ப எடுக்கும் சின்மாவுல MGR, சிவாஜின்னு எல்லாரையும் எப்படி நடிக்க வச்சுடலாம்னு முயற்சிகள் நடந்துண்டுதான் இருக்கு. உதாரணத்துக்கு அம்மாக்கு கமல் பிடிக்கும். தசாவதாரத்துல கமலோட எங்கம்மா அந்த கார் சேஸிங்க் சீனுல பல்ராம் நாயுடுவோட பின்னாடி சீட்டுல உக்காந்துண்டு போராப்போல நான் கம்ப்யூடர்ல செஞ்சு காட்டிட முடியும். இல்லை சந்திரமுகீல நயந்தாராவுக்கு பதிலா ஜோதிகாவோட ரஜனி டான்ஸ் ஆடராப்போல் செஞ்சுடலாம், பிரபுவுக்குத் தெரியாம. இல்லை ரெஜீனா கசான்ட்ராவும் நானும் டூயட் பாடராப்போல. ரெஜீனா ஆடும் படக்காட்சீல உதயநிதியத் துக்கிக் கடாசீட்டு நான் எடுத்து வச்சிண்டிருக்கும் செல்ஃபீய வச்சே இத்தனை திகுடுதத்தங்களும் சாத்தியம். 30 செகண்ட் அப்படி நானே பாடிண்டு ஆடராப்போல் செஞ்சு வச்சிருக்கேன். யாருக்கும் காமிக்கலை. ரெஜீனாவ இல்லியனா சைஜுக்கு குறைக்கலாம் இல்லை குஷ்பூ மாதிரி உப்ப வைக்கலாம். செஞ்சு பாத்தப்பரம் தங்கைக்கு போட்டுக் காட்டலாம்னு உத்தேசம்.
வந்திருக்கும் மாமி கேட்டா என் சாமர்த்தியங்களை சொல்லலாம். நாழியாகிடுத்து ஓலா வந்துடுத்துன்னு கிளம்பிட்டா. அம்மா உள் காரியமாப் போயாச்சு. நான் இப்பெல்லாம் WFHதான். டிஸ்க்ஷன் இருந்தா ஸ்டூடியோக்கு இல்லை ப்ரொட்யூஸர் வீட்டுக்கு போணம். சிலசமயம் ஃபைனல் பிராடக்ட்டை மும்பையில் இருப்பவாளுக்கு இல்லை ஹைதராபாத் ராமோஜி ஃபிலிம் சிடீக்கு ஜூம் கான்ஃபரன்ஸ் காலில் போட்டுக் காமிக்கணம். திருத்தங்கள் சொல்லுவா. செஞ்சு தரணம். ஃபைனல் எடிட்டிங்க் போது கூட இருந்தா நல்லது, சமாச்சாரம் தெரியாதவன் சிதைச்சுடுவான்.
செஞ்சிண்டிருந்த வேலை சித்தே புதுசு. ஷங்கர் படம். ரெம்ப சீக்ரஸி. கதையச் சொல்லாம நான் பங்குகொள்ளப்போர சீக்குவன்ஸை மட்டும் நீட் டு நோ பேசிஸில் சொல்லுவா. அதைப் புரிஞ்சிண்டு வேலைய ஆரம்பிக்கணம். சந்தேகம் கேட்டுக்கலாம். முழு விபரங்கள் சொல்லப்பட மாட்டாது. இவா சொன்னதை வச்சிண்டு கொஞ்சம் நாமளா சிலதை யூகிச்சுக்கலாம். ரஜனி படமோன்னு டவுட். இன்னும் சைன் பண்ணலையாம். ரோபோ ரேஞ்சுக்கு ஸ்க்ரீன்ப்ளே வச்சிண்டு என்னவோ பெச்சுவார்த்தை ஆகிண்டிருக்குனு ரூமர். ஷங்கருக்கு கமலையும் ரஜனியையும் சில ஹாலிவுட் ஏக்டர்ஸையும் ஒண்ணா திரையில் கோண்டுவந்துடணம்னு ஆசை. கதாநாயகன் சென்ட்ரல் ஆப்பிரிக்க காடுகளுக்கு போவதாயும் அங்கே அமேரிக்க சயின்டிஸ்டு ஒருத்திய சந்திப்பதாவும் இருவரும் கூட்டா அரிதாகிவரும் விலங்குகளை பாதுகாக்க முயற்சிக்கரப்போ வில்லன் ரஷ்யாவுலேந்து வந்து இவாளுக்கு இடைஞ்சல் தருவதாயும் படம் முத்து மாதிரி ஆரம்பிச்சு, ஹட்டாரியா மாறி கடைசீல ஜேம்ஸ் பாண்ட் படமா முடிய சாத்தியங்கள் நிறைய. அதுல அனிமல் சீக்குவென்ஸெல்லாம் எனக்குத் தந்திருக்கா.
பல பாஸிபிலிடீஸை காமிக்கணம். சிங்கம், யானை. காண்டாமிருகம். அதில் சிலதை தேர்ந்தெடுத்து இதை இப்படி செஞ்சுதாம்பா. அப்பரம் ஹீரோ யாருன்னு சொல்லி அவாள ஸ்ட்யூடியோவுல வச்சு சிலதை எடுத்து அனுப்புவா. அப்பத்தான் யார் ஹீரோன்னு தெரியும். அதையும் நான் செஞ்சு வச்சிருப்பதையும் சேர்க்கணம். இவ்ளோதான் மேட்டர். சேர்த்ததை ப்ரிவ்யூ காமிச்சு அவாளுக்கு பிடிச்சுட்டா எடுத்து படத்துல சேர்த்துப்பா. கடைசீல எடிட்டிங்கில் சிலது அடிபட்டுடும் மிஞ்சினதே திரைக்கு வந்து நீங்கெல்லாம் பாப்பேள். இதுல யானை புலீல்லாம் வந்துட்டதும் ஹீரோவோட கம்பீரம் குறைஞ்சதுன்னா என்னுத வெட்டிடுவா. தெரிஞ்சதுதான்.
எனக்கு கடைசீல சினிமாவுல யூஸ் செஞ்ச ஃபுடேஜுக்கு மட்டுந்தான் காசு. அதைப்போல் 50 மடங்கு செஞ்சிருப்பேன். கக்கூஸுல ஊத்திட்டதா நினைச்சுக்கலாம். ப்ரொட்யூசர் யாரோ குஜராதி சேட். சங்கரோட பேசவேயில்லை. எல்லாம் அவரோட மூணாவது அஸிஸ்டென்டோடத்தான்.
ஆப்பிரிக்காவுல அரிதாகி வரும் காட்டு யானைதான் எனக்கு தோணித்து. அதை ப்ராமினென்டா வச்சு எப்படி ரஷ்யாக்காரா அதோட தந்தத்துக்காக அதை வேட்டையாடரான்னு படிச்சதால் அதையே கொண்டு வந்துட்டேன். இயல்பா அவா நடமாடிண்டு இனவிருத்தி செஞ்சுண்டு அப்பப்போ சண்டை போட்டிண்டிருக்கும் ஃபுட்டேஜஸை வச்சு நான் எனக்குத் தேவையானதா அனிமேட் செஞ்சூண்டாச்சு. எதுக்கால ரஜனி ஆப்பிரக்கா காஸ்ட்யூமில் நிக்கராப்போலவும் இவர் கையில் இருக்கும் ஈட்டிய கண்டு சித்தே கூட பயப்படாம ஒரு யானை பிளிறிண்டே வராப்போலவும் கிட்டக்க வந்ததும் ரஜனீன்னு தெரிஞ்சதும் சலாம் வச்சுட்டு திரும்பிப் போராப்போலவும் இவர் “கதம் கதம்”னு பாபா முத்திரை காமிப்பதா, அதைப் பாத்த அந்த செக் சயின்டிஸ்ட் 23 வயசு லிண்டா இவர் மேல் காதல் வயப்படுவதாவும் அந்த இடத்துல இவனுவ கட் செஞ்சு மால்டைவ்ஸ் தீவுக்கு டூயட்டுக்கு போயிடராப்போல் செஞ்சுக்கட்டும்னு ஒண்ணு செஞ்சிருந்தேன். ரஜனி இல்லைன்னாலும் அஜீத், விஜய் யார வேணும்னாலும் இணைக்கலாம்.
இன்னொண்ணு! எத்தனைதான் வயசான ரஜனியக் காமிக்க? ஏற்கனவே அண்ணாத்த ஊத்திட்டது தெரியும். அதனால அதே யானை இன்னும் பிற விலங்குகளோட சண்டை போட்டு ஜெயிக்கராப்போல (கிங்க் காங்க்+கோட்ஜில்லாவுல வராப்போல்) சிலதும் வச்சிருக்கேன் கேட்டா தந்துடலாம்னு. எல்லாத்தையும் ஜெயிச்ச யானை கடைசீல ரஜனிகிட்ட தோத்துப் போவதா வச்சிண்டா இமேஜ் கெடாது.
ஆபிரக்க யானை பாத்திருக்கேளா? படத்தில் பாக்கலாம். அது சும்மா நின்னாலே பேன்ட் ஈரமாகிடும். ஆசிய யானையைவிட பெரீசா. தலைய உசந்திண்டு நடக்கும். காது மடல் ரெம்பப் பெரீசு. தும்பிக்கையில ரெண்டு உதடு. பெரீய தந்தங்களோட 14 அடி உசரத்துக்கு வேகமா உங்களைப் பாத்து வந்ததுன்னா குடல் அதுவாவே வெளீல வந்துடும். நான் என் கம்ப்யூடரில் அதை 30அடியா காமிச்சேன். நினைச்சுப் பாத்துக்கலாம். அங்கேயே போய் படம் ஷூட் செய்யலாம்தான். இந்த யானை நாம சொல்லித்தராப் போலெல்லாம் நடிக்காது. ஒரு கேமரா க்ரூ மட்டும் போய் சுற்றூப்புற சூழலையும் காடுகளையும் எடுத்துண்டு வந்து எனக்குத் தந்துட்டா அதை பேக்ரவுண்டுல வச்சு அதுல நான் செஞ்ச யானைய வச்சு ஆட்டங்கள் சில காமிச்சப்பரம் அது கண்பார்வையுல ஆப்பிரக்க இன காஸ்ட்யூம்ல டூப்ளீகேட் ஆள வச்சு போட்டுக் காமிச்சாச்சு. இப்பத்தான் சொல்ரானுவ ரஜனிய சைன் செஞ்சாச்சாம். ரெம்ப நல்லதுன்னும் அவர் நடிக்கராப்போல ராமோஜி ஃபில்ம் சிடீல எடுத்ததை கொடுங்கோ பண்ணி முடிச்சிடலாம்னு.
மொத டோக்கன் அட்வான்ஸ் 1 லட்சம் தந்ததும்தான் வேலை ஆரம்பிச்சேன். முழு கான்ன்ராக்ட் 1 நிமிஷ ஃபுடேஜுக்கு 5 லக்ஷம் தரதா பேச்சு. இதுவரைக்கும் செஞ்சு வச்சிருப்பதே 20 நிமிஷம். கடைசீல இதெல்லாம் ஃபர்ஸ்ட் க்ளைமேக்ஸில் வரதால் ஒரு 5 நிமிஷம்தான் வைப்பா. கடைசீல 18ஆவது ரீலில் யானையும் ரஜினியும் சேர்ந்து வில்லனை அடிக்கரதா கேட்டிருக்கா. அது ஒரு 5 நிமிஷம் தேவைப்படும். மொத்தமா 10 நிமிஷத்துக்கு 50 லட்சம் எனக்கு சேரணம். ஆனா அதுக்காக நான் செய்யப்போரது 100 நிமிஷ ஃபுட்டேஜ். அதை செய்ய எனக்கு 45நாட்கள் ஆகும். அதுவும் ராப்பகலா உழைச்சா. இப்போ மேற்கோண்டு செய்யரத்துக்கு மின்னாடி முழு அட்வான்ஸ் 5 லட்சத்தையும் கேட்டுட்டா என்னன்னு பட்டது. போனில் கேட்டப்போ “இன்னொரு 1 லட்சம் தரம், முழு சீகுவன்ஸ் முடிச்சுத்தாங்க சொச்சத்தை அப்பரம் பாத்துக்கலாம். சங்கரே சொல்லச் சொன்னாரு. ரஷ் பாத்த ரஜனி உங்க வொர்க் ரெம்ப பிடிச்சிருப்படா சொல்லச் சொன்னாரு” இதுவேற! ஆனா இந்த பொய் பாராட்டுகள் என்னை புளகாங்கிதப் படுத்தலை. கையுல காசு வாயில தோசைனாத்தான் சந்தோஷம். ஆனா என்ன செய்ய?
எப்படியோ பாருங்கோ, எல்லாம் முடிச்சுத் தந்து எல்லாம் தேர்வாகி ஆகக்கூடி 18 நிமிஷ சிக்குவன்ஸ் மொத்தமா நான் தந்ததை வச்சிண்டு முழுப்படத்தையும் எடிட் செஞ்சு டப்பாவுல போட்டுவைக்க 2 வருஷமாச்சு. இப்போ எனக்கு கொடுத்த 2லட்சம் அட்வான்ஸ் போக 88 லட்சம் தரணம். எல்லாம் சேர்த்து இன்வாயிஸ் அனுப்பியாச்சு. இதே வேலையை அமேரிக்காவுல அனுப்பிச் செஞ்சிருந்தா இவாளுக்கு 10மில்லியன் டாலர் தீட்டியிருப்பான். சுமார் 75 கோடி. அவாளுக்கு வந்தா ரத்தம் நமக்கு வந்தா தக்காளிச் சட்னி. பாப்பம்னு என் விரல்களை குறுக்கா வச்சுண்டு உக்காந்திருக்கேன். அதுக்கப்பரம் ஒண்ணும் சைனாலை. இது வெளிவந்தா சுந்தர் ஃபேமஸாவானோ?
படமும் வந்தது. படத்துக்கு மொத்தமா அனா சிலவு 320கோடியாம். எல்லா ரைட்ஸும் வித்ததுமே இவாளுக்கு 800கோடி வருமானம். ஆக லாபத்தை கணக்குப் போட்டுக்கலாம். எனக்கு தரவேண்டியது வரலை. சரித்தான் ஒரு எட்டுப்போய் என்னன்னு விசாரிச்சுட்டு வரலாம், இதையெல்லாம் WFHஆ சாதிக்கமுடியாதுன்னு சங்கரோட ஆபீஸைத் தேடிண்டு போரேன். வந்த காரியம் என்னன்னு தெரிஞ்சிண்டு மும்பை ப்ரொட்யூஸருக்கும் உங்களுக்கும் இடையே இருக்கும் ஒப்பந்தத்தில் அவா ஒண்ணூம் செய்யமுடியாதுன்னு சொல்ரான் அந்த மூணாவது அஸிஸ்டென்ட். வாஸ்த்தவந்தான். ஃப்ளைட் பிடிச்சு மும்பை
மும்பை கொலாபாவுல ப்ரொட்யூஸர் வீட்டுல என்னைப்போல பலபேர் வந்து காத்திண்டிருப்பதை பாக்க முடிஞ்சது. அப்பாயின்ட்மென்ட்டே கிடைக்கலை. ஆனா வந்தவா எல்லாருக்கும் நல்லா சாப்பாடு பரிமாறி கெளரவிச்சா!. பாப்பம்னு கிளம்பி வரச்சே ப்ரபாதேவீல இருக்கும் சித்தி விநாயகர் கோவிலுக்குப் போய் எனக்குச் சேர வேண்டியது தாமதமாகாம கைக்கு வந்து சேரணம்னு வேண்டிண்டு ஏர்ப்போர்ட்டுக்கு வந்தாச்சு. சென்னைக்கு வர ராத்திரி 1030. ஆட்துள்ள நுழையரேன் மணி 11:30. நான் வரட்டும் சாப்டேனோ இல்லையோண்னு எங்கம்மா முழிச்சிண்டிருக்க மனசுக்கு கவலையாப் போயிடுத்து.
ரெண்டுநா ஆனதும் இந்த மாச சிலவுக்கு எங்கே போகன்னு ஏக்கம் மனசுல. நம்ப வாழ்க்கையையும் கூட வித்யாசமா கம்ப்யூடர்ல SFX செஞ்சு க்ரேஃபிக்ஸ்ல மேம்படுத்தி ஜகஜோதியா சந்தோஷம் மிக்கதா செஞ்சுட முடிஞ்சுட்டா? பேக்ரவுண்டுல சொர்கத்தோட ஷாட்ஸ் வச்சு, நான், என் தங்கை அம்மா ஹேப்பியா ஆத்து ஹாலில் தாயக்கட்டு விளையாடிண்டிருகப்போ செத்துப்போன எங்கப்பாவும் ஆபீஸ்லேந்து வந்து கூடவே இருக்காப்போல. சமைக்கக் கோள்ள ஆள் போட்டு அம்மாக்கு ரெஸ்ட் தங்கைக்கு பெரீய இடத்துலேந்து வரன் கேட்டு வாசல்ல கார் வச்சிண்டு காத்திண்டிருகராப்போல. செய்யணம்னு நினைச்சுண்டே படுத்துத் தூங்கரேன்
சொப்பனத்துல ரெம்பப் பெரீசா ஆப்பிரக்க யானை ஒண்ணு சீற்றத்தோட ஓடி வராப்போலவும் நான் பயந்து எழுந்து கட்டில்ல உக்காந்துண்டா அது என்னடான்னா சலாம் வச்சுட்டு ரிவர்ஸில் போராப்போலவும். கார்த்தால 8 இருக்கும் செல்போன் அடிச்சது. மும்பை சேட். “சுந்தர் சார்! எப்படி இருக்கீங்க? வந்திருந்தீங்களாம் இப்ப சொல்ரான். பாக்க முடியல. மன்னிக்கணம். சேர வேண்டியத உங்க அக்கவுன்டுக்கு ட்ரேன்ஸ்ஃபர் செஞ்சுட்டேன். வந்திச்சா பாருங்க?” ‘கொஞ்சம் இரு’ன்னுட்டு பாத்தா க்ரெடிட் ஆனதுக்கு SMS! முழுசா 1 கோடி! நன்றி சொல்ரேன்.
“நன்றி கிடக்கட்டும் சார். உங்க யானைய திரும்பக் கூப்பிட்டுக்கங்க. ரெண்டு நாளா கனவுல வந்து பயங்கரமா பிளிறிட்டு பீதியக் கிளப்பிட்டு!”.
(இதற்குப் பிறகு சீசன் 9இல் சின்ன ப்ரேக் எடுத்துக்கரேன். திரும்ப சந்திக்கும் தினம் அறிவிக்கப் படும்.)