ராமசேரி இட்லி பொடி

 ராமசேரி இட்லி பொடி !!

கேரளா மாநிலத்தில் ராமசேரி இட்லி மிகவும் பிரபலம்

தேவையான பொருட்கள்:-

பச்சரிசி - 1 கப்

உளுத்தம் பருப்பு - கால் கப்

மிளகு - அரை தேக்கரண்டி

சீரகம் - அரை தேக்கரண்டி

காய்ந்த மிளகாய் - 10

பெருங்காயம் - அரை தேக்கரண்டி

உப்பு, எண்ணெய் - தேவையான அளவு

செய்முறை:-

👉 முதலில் கடாயில் சிறிதளவு எண்ணெய் ஊற்றி சிறு தீயில் பச்சரிசியை சிவக்க வறுக்கவும். அதை ஒரு தட்டில் கொட்டி ஆற வைக்கவும்.

👉 அரிசி வறுத்த அதே கடாயில் உளுத்தம் பருப்பை போட்டு சிவக்க வறுத்து ஆற வைக்கவும்.

👉 மீண்டும் கடாயில் சிறிதளவு எண்ணெய் ஊற்றி காய்ந்த மிளகாய், மிளகு, சீரகம் போன்றவற்றை போட்டு வறுக்கவும்.

👉 அதில் பெருங்காயத்தை போட்டு சில நொடிகள் வறுத்தெடுக்கவும்.

👉 வறுத்த பொருட்களை ஆறவைத்து உப்பு சேர்த்து மிக்சியில் கரகரப்பாக பொடியாக அரைத்து கொள்ளவும்.

👉 சுவையான ராமசேரி இட்லி பொடி தயார்.