பட்டாணி பருப்பு வடை

 *சமையல்.* 

உமா

பட்டாணி பருப்பு வடை

தேவையான பொருள்கள் -

பட்டாணிப் பருப்பு - 1 கப் (Yellow Split Peas)

பெரிய வெங்காயம் - 1

பச்சை மிளகாய் -2.

கறிவேப்பிலை - சிறிது

மல்லித்தழை - சிறிது

காயம் - ஒரு சிட்டிகை

உப்பு - தேவையானஅளவு

எண்ணெய் - 100 மில்லி

செய்முறை -

முதலில் பருப்பை 3 மணி நேரம் தண்ணீரில் ஊற வைத்துக் கொள்ளவும் . வெங்காயம், பச்சை மிளகாய், கறிவேப்பில்லை, மல்லித்தழை ஆகியவற்றை சிறியதாக நறுக்கி கொள்ளவும்.             

பருப்பு நன்றாக ஊறிய பிறகு தண்ணீரை வடித்துக் கொள்ளவும். 4 மேஜைக்கரண்டி பருப்பை தனியே எடுத்து வைத்து விட்டு மீதமுள்ள பருப்புடன் காயம், உப்பு சேர்த்து கிரைண்டர் அல்லது மிக்ஸியில் போட்டு கரகரப்பாக அரைத்துக் கொள்ளவும்.       

வெங்காயம், மிளகாய், கறிவேப்பிலை, மல்லித்தழை எல்லாவற்றையும் பருப்புக்கலவையில் போட்டு நன்றாக பிசைந்து கொள்ளவும்.

அடுப்பில் வாணலியை வைத்து எண்ணெய் ஊற்றி நன்றாக சூடானதும், மிதமான சூட்டில் வைத்து, ஒரு சிறு உருண்டை அளவு மாவை எடுத்து லேசாக தட்டி எண்ணெயில் போட்டு வறுக்கவும்.

பிறகு அதை திருப்பி போட்டு இரண்டு பக்கமும் பொன்னிறமாகும் வரை வறுத்து எடுக்கவும். பருப்பு வடை ரெடி. வடைகளை டிஸ்யூ பேப்பரில் போட்டு 5 நிமிடங்கள் கழித்து டீ/காபியுடன் பரிமாறவும். ஒரு கப் பருப்புக்கு 8 வடைகள் வரை சுடலாம்.