பொரி உப்மா

 பொரி உப்மா

தேவையான பொருட்கள்

பொரி

எண்ணெய் - 3 தேக்கரண்டி 

உளுத்தம் பருப்பு - 1 தேக்கரண்டி

கடுகு - 1/2 தேக்கரண்டி

வெங்காயம் - 2 பொடியாக நறுக்கியது

கேரட் - 1 பொடியாக நறுக்கியது

பச்சை பட்டாணி - 1/4 கப் வேகவைத்தது

பச்சை மிளகாய் - 1 பொடியாக நறுக்கியது

இஞ்சி - 1 துண்டு பொடியாக நறுக்கியது

வேர்க்கடலை - 3 மேசைக்கரண்டி வறுத்தது 

தண்ணீர் - 1 கப்

எலுமிச்சைபழச்சாறு - 1/2 பழம்

மஞ்சள் தூள் - 1/4 தேக்கரண்டி

மிளகாய் தூள் - 1 தேக்கரண்டி

உப்பு

கொத்தமல்லி இலை

கறிவேப்பிலை

செய்முறை:

1. ஒரு கடாயில் எண்ணெயை சூடாக்கி, எண்ணெய் சூடானதும், உளுத்தம் பருப்பு, கடுகு சேர்க்கவும். கடுகு வெடித்தவுடன் வெங்காயம், பச்சை மிளகாய், இஞ்சி, கறிவேப்பிலை சேர்த்து நன்கு வதக்கவும்.

2. வெங்காயம் பாதி வதங்கியதும், கேரட், பட்டாணியை சேர்த்து வதக்கவும். அடுத்து உப்பு, மஞ்சள் தூள், மிளகாய் தூள், வறுத்த வேர்க்கடலை சேர்த்து நன்கு கிளறவும்.

3. பிறகு பொரியை சேர்த்து மெதுவாக கலக்கவும்.

4. ஒரு கப் தண்ணீர் ஊற்றி தண்ணீர் வற்றும் வரை வேக விடவும்.

5. பிறகு கொத்தமல்லி இலை மற்றும் எலுமிச்சபழச்சாறு சேர்த்து கலந்து விடவும்.

6. சுலபமான சுவையான பொரி உப்மா தயார்.