ஊத்தப்பம்

ஊத்தப்பம் #ganeshamarkalam

நாலு நாளாச்சு. ஆத்துக்காரி பொண்ணாத்துக்கு போயிட்டு வரேன்னுட்டு போயி. பெங்களூரில் இருக்கும் பொண். நீ ஏன் கூடப்போலைன்னு கேக்கலாம். எனக்கு இந்த வாரம் சில அஸைன்மென்ட். கமிட் ஆகியிருந்ததால் முடியலை. 

நேத்து திரும்பி வந்திருக்கணும். போனில் விசாரிச்சா இன்னும் ரெண்டுநா இருந்துட்டு வரலாம்னு இருக்கேன்னுட்டா. உண்மை நிலவரம் என்னன்னா, இந்த +2 டேய்ஸ் இருக்கப் போவது மட்டுமில்லாம அப்படியே கோயமுத்தூர் போய் அவள் அப்பா அம்மாவை பாத்துட்டு வரலாம்னு இருக்காளாம். “திரும்பி ஓடி வந்துட்டா நீ என்னை அழைச்சிண்டு போகப் போரியா என்ன? நல்ல லாஜிக். சரீன்னுட்டேன். அதாவது நீயெ அப்படியே போயிட்டு பாத்துட்டு வந்துடு. எனக்கெங்க ஒழியப்போறது?

கம்பேனி வேலைன்னு 3 நா போனவன் அங்கேயே சாப்பாடு கொடுத்தான் முடிச்சுண்டுட்டாச்சு. ஆத்தில் ஒரு வேளை தயிரோ, பழமோ இருந்தது ஓட்டியாச்சு. நேத்துலேந்து வெளி வேளை இல்லை. சாப்பாட்டுக்கு வழி இல்லை

சும்மா உக்காந்திருக்கச்சே அவ்வளவா பசிக்காதுன்னு தப்புக் கணக்கு போட்டேனோ? கரெக்டா அந்த ரெண்டு வேளை பசி. மணி அடிச்சாப்போலே. 

சமைப்பேன். ஆனா இந்த வெய்யலில் அடுப்படிகிட்டே நிக்கணும். சீத்தே தள்ளி கேரியரை தூக்கிண்டு போனா ராகவேந்திரா கேடரிங்கில் சாப்பாடு கிடைக்கும். ஆனா 930-1000க்குள் போணம். வியர்த்து கொட்டும். ஏன் நாமளே சிம்பிளா எத்தையாவது பண்ணி சாப்டப்பிடாது?

நார்மலா பிரிட்ஜை தொறந்தா ரெண்டு ஐடமாவது காலில் விழும். இன்னைக்குன்னு பார்த்து உள்ளே அத்தனை சுத்தம். ஒரே ஒரு தட்டில் நாலு நாளா வாங்கி வச்ச பால் பேக்கட் மட்டும். எது என்னைக்கு வந்ததுன்னு கண்டுபிடிக்க முடியாம. காய்ச்சிப் பாத்தாத்தான் திரியப்போவது எதுன்னு தெரியும். 

மத்தபடி 2 மாம்பழம், ஒரு சின்ன கப்பில் உரிச்சு வச்ச மாதுளை, கீழ்த்தட்டில் மின்னொருகாலத்தில் என் பேர் புடலங்காய்னு சொல்லிண்டு ஒண்ணு கிடக்க அதை எடுத்து தூக்கிப் போட்டேன். ஆனா பாருங்கோ எங்கப்பா செஞ்ச புண்யம் ஒரு சின்ன அடுக்கில் தோசை மாவு. ஆஹா! இன்னிப் போது போச்சுடா நாராயணானு பட்டது.

ஷெல்ஃபில் மூலையில் சின்ன வெங்காயம் 10 கிடக்கவே, ஏன் ஆனியன் ஊத்தப்பம் செய்யப்பிடாதுன்னு நப்பாசை. ஆனா சாம்பார் சட்னீயெல்லாத்துக்கும்? பண்ணலாம்தான், ஆனா அதுக்கெல்லாம் பொறுமையில்லை.

தோசைக்கல்லைக் காணொம். வழக்கமா ஒரு இடத்தில் வச்சிருப்பா அதைக் காணொம். போன் போட்டுக் கேக்கலாம்தான். அங்கேதான் இருக்கும்னுடுவா. எனக்கு இன்னும் கடுப்பேறும். வேண்டாம்னு கூப்பிடலை. 

ஆனா தோசைக்கல்லை நுணுக்கமா எலா இடத்திலும் தேடரச்சே ஒரு டப்பாவில் பருப்புப்பொடி, கருகப்பிலை பொடி கிடெச்சது.  தோசை மிளகாய்ப்போடி டைய்னிங்க் டேபீள்லேயே இருந்தது. ஆத்துக்காரிகளுக்குத்தான் என்ன ஒரு தொலைநோக்குப் பார்வையும் நம் மேல் இடைவிடாத கரிசனமும்னு மனசில் பட்டது. ஆனா தோசைக்கல்லை மட்டும் ஒளிச்சு வச்சுட்டு ஏன் போணம்? சித்தே அல்லாடட்டும்னுதானே?

கடைசீலே வழக்கமா கவுத்து வைக்கர இடத்திலேயே இருந்தது, மேலே புதுசா வாங்கின ரின் பேக்கட்டை வச்சு தெரியாமப் பண்ணிட்டா. அதை தூக்கிப் பாத்திருக்கணுமோ? நல்ல வேளை போன் போட்டு திட்டு வாங்கிக்கலை. மயிரிழையில் தப்பிச்சிருக்கேன்

தோசை வாக்கச்சே ஒரு ஸ்பூன் எண்ணை விடுவமே அது சூடானதும் அதில் கடுகு தாளிச்சுட்டு அப்புரம் மாவை ஊத்தினா தொசைக்கே ஒரு தனி டேஸ்ட் கிடைக்கும்னு அன் ஆத்துக்காரியோட 4ஆவது அத்தை கல்யாணம் ஆன புதுசில் சொன்னது ஞாபகம் வந்ததே. அதை அவள் ஏன் ஆத்து மாப்பிள்ளை கிட்டே சொல்லணும்னு தோணும். அது பெரீய கதை. இப்போ வேண்டாமே. கிட்டத்தட்ட 38 வருஷத்துக்கு மின்னாடி சொன்னது இப்போ காரியத்துக்கு ஆச்சு. 

அவள் என்ன சொல்ல மறந்துட்டான்னா தொசைக்கல்லில் கடுகு வெடிக்கரச்சே கண்ணில் தெறிக்கும்னு.

மாவை பெரீய கரண்டியில் எடுத்து ஊத்திட்டு அதை ரவுண்டா பரப்பிண்டே வந்தாச்சு. நன்னாத்தான் இருந்தது பாக்க. அப்புரம் தான் தோணித்து வெங்காயத்தை உரிச்சு நறுக்கி வச்சுக்க மறந்தூட்டம்னு. ஒரு ப்ளைன் பண்ணிட்டு அடுப்பை ஆஃப் செஞ்சேன். நினைச்சதை சாதிச்சுக் காட்டிடணும், ஆனியன் ஊத்தப்பம்னா அதுதான். ஐ வோன்ட் செட்டிள் ஃபார் எனிதிங்க் லெஸ்.

அப்புரம் அதை வச்சிண்டு திரும்ப கல்லைக் காயவச்சு ஊத்தப்பம் பண்ண திக்கா ஊத்துவாளே அப்படி செஞ்சுட்டேன். மேலே ஆனியனை தூவரச்சே ஏதோ புஷ்பக விமானத்தில் போராப்போலே பட்டதைச் சொல்லணும். அந்த குஷியிலே மாவை நன்னா வேகாமலே அதை முறுகலா திருப்பிடணும்னு செய்யப்போக அங்கேயுமிங்கேயுமா கிழிய ஆரம்பிச்சது மூணு பீஸாப் போய் திருப்பிண்டு அதீத துன்பத்தை கொடுத்தது. முதல் ஊத்தப்பம் அப்படித்தான்னு சத்தமா சொல்லிண்டேன்.

ரெண்டாவதும் மூணாவதும் சித்தே நானே ஆச்சர்யப்படும்படி வந்தது. உடனே அதில் தாராளமா, சங்கோஜப்படாம, கருகப்பிலை பொடியை எடுத்து தூவிண்டுட்டேன். மொத்தம் மூணு ஊத்தப்பம் ஒன் ஈச் வித் கருகப்பிலைப் பொடி, தோசை மிளகாய்ப்பொடி அண்ட் லாஸ்ட் வித் ஆல் பொடீஸ். 

அடுப்பை ஆஃப் செஞ்சுட்டு மூணையும் தட்டில் வச்சிண்டு டிவி முன்னாடி எலெக்ஷன் ரிசல்ட் பாத்துண்டே சாப்பிடரச்சே நாமளெ ஜெய்ச்சுட்டா மாதிரி ஃபீல் கிடெச்சது

இத்தனை ஆயிருக்கு இதை உடனே உங்களுக்கு சொல்லிடணுமா வேண்டாமா?