பசுபதி கோயில்

இன்றைய கோபுர தரிசனம் கோடி புண்ணியம் பாவ விமோசனம் . திருப்புள்ளமங்கை தற்போது பசுபதி கோயில் 

மூலவர்                         -    பசுபதிநாதர் ( பசுபதீஸ்வரர்,  

                                              பிரம்மபுரீஸ்வரர், 

                                              ஆலந்துறைநாதர் )

அம்பாள்                        -    செளந்தரநாயகி 

                                             ( அல்லியங்கோதை )

தலமரம்                        -   ஆலமரம் 

தீர்த்தம்                         -    காவிரி , குடமுருட்டி ,சிவ 

                                             தீர்த்தம் ,  காமதேனு தீர்த்தம்

புராண பெயர்               -   திருப்புள்ளமங்கை

தற்போதைய பெயர்  -   பசுபதிகோயில்

மாவட்டம்                    -   தஞ்சாவூர்

மாநிலம்                       -   தமிழ்நாடு

பாடியவர்கள்               -   சம்பந்தர்

* தேவார பாடல் பெற்ற காவிரி தென்கரை தலங்களில் இது 16வது தலம்.

* குடமுருட்டி ஆற்றின் கரையில் அமைந்துள்ள ஆலயம் 

* ஆலகால விஷத்தை சிவனார் திருவமுது செய்த தலம் 

* சோழர்காலச் சிற்ப சிறப்புகள் நிறைந்த ஆலயம் 

* மூலவர் கிழக்கு நோக்கியும் , அம்பாள் தெற்கு நோக்கியும் திருக்காட்சி 

* அகழி அமைப்புடன் கூடிய கருவறை 

* லிங்கோத்பவர் திருமால் , பிரம்மன் திருவுருவங்களுடன் 

* துர்க்கையம்மன் கருங்கல் குடை நிழலில், எருமைத் தலைமீது நின்று, சங்கு சக்கரம் மற்றும் வாள், வில், கதை, சூலம், கேடயம், அங்குசம் முதலிய ஆயுதங்களையும் ஏந்தி இருபுறமும் கலைமானும் சிங்கமும் இருக்க; இருவீரர்கள் கத்தியால் தலையை அரிந்து தருவதுபோலவும், தொடையைக் கிழித்து இரத்த பலி தருவது போலவும் காட்சிதருகிறார். தரிபங்கியாய் ஒரு கையில் வில்லேந்தி, மற்றது அபயகரமாக மோதிர விரல் மடக்கிய முத்திரையுடன் பின்புறம் அம்பறாத்தூணி விளங்க, துர்க்காம்பிகை விளங்கும் கோலம் - இக்கோலம் இக்கோயிலுக்கே தனிச் சிறப்பைத் தருவதாகும். மிக அற்புதமான கலைப்படைப்பாக திகழ்கிறது

* திருநாகேஸ்வரம் , பட்டீஸ்வரம் , திருப்புள்ளமங்கை ஆகிய 3 தல துர்க்கை திருவுருவங்களும் ஒரே சிற்பியால் வடிவமைக்கப்பட்டவை என்றும் , மிகவும் சக்தி வாய்ந்தவை என்றும் சொல்லப்படுகிறது 

* சண்டிகேஸ்வரர், சாமுண்டாதேவி (இவ்வூருக்குக் கிழக்கிலுள்ள மேட்டில்) ஜேஷ்டாதேவி என்னும் மூத்ததேவி, நந்திகேஸ்வரர் போன்ற அரிய சிற்பங்கள் சோழர் கலைப்பாணியில் உள்ளன.

* நவக்கிரகங்களுக்கு நடுவே நந்தி 

* அர்த்தமண்டப தூண்கள் சோழர்கால வேலைப்பாடு நிறைந்தவை 

* சண்டேஸ்வரர், நவக்கிரக சன்னதிகள் உள்ளன. 

* நால்வர் சன்னதி உள்ளது

* சக்கரப்பள்ளி தலத்தின் சப்தஸ்தான தலங்களுள் இத்தலமும் ஒன்று 

* கோபுரத்தின் மேல் எப்போதும் கழுகுகள் உறைகின்றன 

* கோஷ்ட மூர்த்தங்களாக ; விநாயகர், தட்சிணாமூர்த்தி, நேர்பின் புறத்தில் திருமால் பிரமன் உருவங்களுடன் இலிங்கோற்பவர், பிரமன், துர்க்கை ஆகியோர் உள்ளனர். 

* அருகில் பிரம்மபுரீஸ்வரர் கோயில் மற்றும் தாழமங்கை சந்திரமெளலீஸ்வரர் கோயில் 

* அம்மை சக்கரவாகப் பறவையாக வந்து வழிபட்ட தலம் என்றும் சொல்லப்படுகிறது 

* மகா சிவராத்திரி, ஐப்பசி அன்னாபிஷேகம், மார்கழி திருவாதிரை

* திருமணத்தடை நீங்கவும் , கல்வி-கேள்விகளில் சிறந்து விளங்கவும் , செல்வச்செழிப்புடன்  திகழவும் வழிபடவேண்டிய தலம் 

* சக்கரமங்கை, அரியமங்கை, சூலமங்கை, நந்திமங்கை, பசுமங்கை (பசுபதி கோயில்), தாழமங்கை, புள்ளமங்கை ஆகிய ஏழும் சப்தமாதர்களும், சப்த ரிஷிகளும் வழிபட்ட சப்தஸ்தான தலங்கள் ஆகும். இவற்றுள் பசுபதீச்சரத்து இறைவனை சப்த கன்னியரேயன்றி, பாற்கடல் தந்த, கேட்டவரமருளும் காமதேனு பசு நாள்தோறும் சிவனை தன் மடி சுரந்த பாலினால் அபிஷேகம் செய்து வழிபட்ட தலம்.

தரிசன நேரம் 

காலை 6 மணி முதல் 11 மணி வரை,

மாலை 4 மணி முதல் இரவு 8.30 மணி 

தொடர்புக்கு 

04374-242041 ,

04374-241457 ,

94433-62563 ,

93677-68244 ,

97914-82102 ,

80568-53485

கும்பகோணத்தில் இருந்து தஞ்சாவூர் செல்லும் சாலையில் , ஐயம்பேட்டையைத் தாண்டி வலப்புறமாக பிரியும் கண்டியூர் சாலையில் சுமார் 3 கிமீ பயணித்தால் இச்சிவத்தலத்தை அடையலாம்

தஞ்சை - குடந்தை நெடுஞ்சாலையில் 14 கி.மீ. தொலைவில் உள்ள சிறு கிராமம், பசுபதி கோயில் நிறுத்தத்திலிருந்து தென்புறம் செல்லும் பிரிவு சாலையில் ஒரு கி.மீ. தொலைவில் ஊரும் கோயிலும் உள்ளன.