திருவலஞ்சுழி வெள்ளை வினாயகர்

கும்பகோணம் திருவலஞ்சுழி வெள்ளை வினாயகர் கோவிலில் அம்பாள் சந்நிதி வடக்கு பகுதியில் உள்ளது...

இராஜராஜன், இராஜேந்திரன் போன்ற சோழப் பேரரசர்கள் கொண்டாடிய தெய்வம் இவள். "ஏகவீரி" என்று அழைக்கப்பட்டதாக அன்றைய கல்வெட்டுகள் தெரிவிக்கிறது. இன்றைக்கு அஷ்டபுஜ காளி என்ற பெயர் மாற்றம் பெற்று கோயிலின் ஒரு மூலையில் தங்கிவிட்டாள். பாவம் இவளின் அருமை பெருமைகள் கோயிலுக்கு வரும் யாருக்கும் தெரிவதில்லை.

எப்போது திருவலஞ்சுழி கோயிலுக்கு சென்றாலும் பூட்டியே இருக்கும் அந்த இரும்புக் கதவின் வழியே இவள் முகத்தை ஏக்கமுடன் பார்த்தவாறு ஒரு ஐந்து நிமிடங்கள் நின்றுகொண்டிருப்பேன். எனக்கு மட்டும் தான் இந்த பித்தா என்ற சந்தேகத்தில் நண்பர்களை அழைத்துச் சென்று காட்டிய போது அவர்களும் வாயடைத்து வியந்ததை காண முடிந்தது. இராஜராஜனின் மாமியார் குந்தணன் அமுதவல்லியார் இந்த காளிக்கு நிவந்தங்கள் வழங்கியுள்ளார். இந்த பெண்மணி தெலுங்கு தேசத்தை சேர்ந்தவர். "அவபல அஞ்சனை" என்ற பூஜை குறித்த செய்தி வருவதால் இது தெலுங்குச் சொல்லாக இருக்கலாம் என்பது டாக்டர். கலைக்கோவன் அவர்களின் கருத்து. கும்பகோணம் செல்பவர்கள் திருவலஞ்சுழி சென்று இந்த அம்மையை காணுங்கள். இவள் புன்னகைக்கு உலகப்புகழ் பெற்ற மேனாலிசா ஓவியம் தோற்கும். சாகும் போது இவளை கையோடு தூக்கிச் சென்றுவிட வேண்டும்.