புள்ளிமான் வேட்டை - 47
சௌத் போக் ரோடில் உள்ள கிருஷ்ணசாமி கல்யாண மண்டபத்திற்கு அவர்கள் போய் சேரும்போது மணி ஏழாகிவிட்டிருந்தது. மண்டபத்தின் உள்ளே போனதும் வரதராஜனும்,அவரது மனைவி மீராவும் அவர்களை வரவேற்றார்கள். மீரா சரசாவிடம்"யாரடி உன் பக்கத்துல நிக்கிற பொண்ணு. அம்சமா இருக்காளே" என்றதும் சரசா
பெருமையுடன்"இது என் ஒண்ணு விட்ட அண்ணாவோட பொண்ணு . இன்ஜினியரிங் கடைசி வருஷம் படிக்கிறா. கிருஷ்ணனுக்கு பேசி முடிச்சிருக்கோம் என்றாள்." நல்ல ஜோடி பொருத்தண்டி. ஆத்துக்குப்போய் சுத்திப்போடு"என்ற மீரா"சரி.போய் டிபன் சாப்பிட்டு வந்துடுங்கோ" என்றாள்."இப்ப டிபன் சாப்ட்டா ராத்திரி சாப்ட முடியாது. காபி ஒண்டி எடுத்துகறோம்" என்றாள் சரசா. இந்த காலத்தில் எல்லாம் கல்யாணத்தில் காபி கவுண்டர் தனியாக இருக்கிறது.அங்கு சென்று அனைவரும் சூடாக காபி அருந்தினார்கள்.பின்பு சரசா, ஷைலஜா, சுநந்தா ஆகிய மூவரையும் அழைத்துக் கொண்டு மீரா கல்யாணப் பெண்ணின் அறை கதவை தட்டினாள். "யாரு"என்று கேட்ட குரலுக்கு "நாந்தாண்டி அம்மா, ரோகிணி.கதவை திற"என்றாள். பாதி அலங்காரத்திலிருந்த ரோகிணி கதவைத் திறந்ததும்,சரசாவை கண்டவுடன்"வாங்க மாமி" என்றாள் முகம் மலர்ந்து
.ஷைலஜாவைப் பார்த்து "ஹாய் ஷைலு"என்றாள். பின்பு மீரா ரோகிணியிடம் "ரோகிணி தோ பார். இவதான் மாமியோட அண்ணா பொண்ணு சுநந்தா. கிருஷ்ணனுக்கு இவளை பாத்து இருக்கா" என்றாள். "ஓ" என்ற ரோகிணி" யூ லுக் சோ பியூட்டிஃபுல்" என்றாள்.பின்பு சுநந்தா விடம் சரசா "கிருஷ்ணனும், ரோகிணியும் ஒண்ணா ஸ்கூல்ல படிச்சா.இவ ஒண்டி ரெண்டு வயசு சின்னவளா இருந்திருந்தா இவளையே மாட்டுப்பெண் ஆக்கிண்டிருந்திருப்பேன் "என்றாள் சரசா. "நைஸ் மீட்டிங் யூ" என்று சொன்ன சுநந்தா "கங்க்ராஜுலேஷன்ஸ்" என்று கூறினாள். "அட்வான்ஸ் கங்கிராஜுலேன் ஃபார் யூ டூ" என்ற ரோகிணி சரசாவிடம் " என்ன விட ரொம்ப அழகா இருக்கற பொண்ணா கிருஷ்ணனுக்குபிடிச்சிருக்கேள்.
கிருஷ்ணன் ஈஸ் எ லக்கி சேப்" என்றாள். பின்பு சுநந்தாவை பார்த்த ரோகிணி"நீ கூட ரொம்ப லக்கி.கிருஷ்ணன போல பையன் ஒரு ஜெனரேஷன் முன்னாடி பொறந்திருக்கணம் " என்றாள். அதற்குள் அங்கு வந்து சேர்ந்த வரதராஜன் "ரோகிணி. ரிசப்ஷனுக்கு லேட் ஆறது பார். சீக்கரம் டிரஸ் பண்ணிண்டு மேடைக்கு வர வழியபாரு. ரிஷப்ஷன் ஆரம்பிக்கணும்" என்றார்.
பிரசண்ட்களை கொடுக்க ஒரு பெரிய கியூ பார்ம் ஆனது. பிரசண்ட்களை கொடுத்து விட்டு, சேர்ந்து போட்டோ எடுத்துக் கொள்வது இந்த கால கல்யாணங்களில் இன்றியமையாத ஒரு அம்சமாக மாறிவிட்டது.சில கல்யாணங்களில் ஏழுமலையானை தரிசிக்க நிற்கும் க்யூ போல நீண்டு இருக்கும். சில பேர் விளையாட்டாக. பிரசன்ட் கொடுத்து முடித்தவுடன் "சாப்பாட்டுக்கு டோக்கன் வாங்கி விட்டீர்களா" என்று கேட்பது கூட வழக்கம்.
நல்லவேளை இந்த கல்யாணத்தில் காதுகளை துளைத்து பங்க்சர் ஆக்கும் லைட் ம்யூசிக் என்ற கொடுமை இல்லை.லைட் ம்யூசிக் என்ற பெயரில் காதுக்கு ஹெவி ம்யூசிக்கையல்லவா தருகிறார்கள். மற்றொன்றையும் சொல்லத்தான் வேண்டும். கல்யாணங்களில் கர்நாடிக் மியூசிக் கச்சேரி முன் காலத்தில் இருந்தது. அதே மாதிரி இந்த காலத்தில் ஏற்பாடு செய்தால் வித்தான்களுக்கு பாடுவதற்கான இன்ட்ரஸ்ட்டே போய்விடும். எதிரில் அமர்ந்திருக்கும் ஜனங்கள் அப்பப்போது எழுந்து செல்வதும், உட்காருவதுமாக இருந்தால் பாடுபவர்களுக்கு கான்ஸ்சென்ட்ரேஷன் இருக்குமா?
எட்டு மணிக்கு பப்பே சாப்பாடு ரெடியானது. ஞானாம்பிகா கேட்டரிங் பிரேபரேஷன்களை பத்தி கேட்கவே வேணாம். நிறைய கவுண்டர்கள் ஓபன் பண்ணி எல்லோரையும் நன்றாக கவனித்துக் கொண்டார்கள். சாப்பாடு முடிந்தவுடன் கொடுக்கப்பட்ட பட்டர் ஸ்காச் ப்ளேவர் ஐஸ்க்ரீம் பிரமாதமாக இருந்தது. தொடர்ந்தது ரசகுல்லா.கடைசியில் பீடா.பின்பு மீரா சரசாவிடம்"எல்லாரும் சாப்டாச்சா.டேஸ்ட் எப்படி இருந்தது" என்று கேட்டாள். பாலகிருஷ்ணன்,சரசா இருவரும் "ரொம்ப பிரமாதமா இருந்தது" என்றார்கள்.
சரசா மீராவிடம் " நாங்க கெளம்பறோம்" என்றாள். "நாளைக்கு மறக்காம முகூர்த்தத்துக்கு வந்துடு" என்றாள் மீரா. "அவசியம் வரோம்" என்றாள் சரசா. திரும்பி காரில் போகையில் சரசா பாலகிருஷ்ணனை பார்த்து" ஏன்னா, இதே மண்டபத்தயும்,இதே கேட்டரிங்கையும் மணி அண்ணா கிட்ட சொல்லி இவா கல்யாணத்து ஏற்பாடு பண்ணீட சொல்லணம் " என்றாள். இதைக் கேட்டு கிருஷ்ணன், பக்கத்திலிருந்த ரியல் வ்யூ மிரரில், பின்னால் அமர்ந்திருந்த சுரந்தாவின் வெட்கத்தினால் சிவந்த முகத்தைப் பார்த்து லேசாக புன்னகைத்தான்.அண்ணா வருங்கால மன்னியை இப்படி கண்ணாடியில் திருட்டுத்தனமாக பார்த்ததை ஷைலஜாவும் பார்த்தாள்.
No comments:
Post a Comment