புள்ளிமான் வேட்டை- 41
டின்னர் முடிந்து ஹோட்டலை விட்டு நால்வரும் வெளியே வந்தார்கள். ஹரிஷ் முதலில் தாரிணியையும், சுனந்தாவையும் தாரிணியின் லேடிஸ் ஹாஸ்டலில் இறக்கி விட்டான். தாரிணி கிருஷ்ணனுக்கு பை சொன்னாள். ஹரிஷைப் பார்த்து "ஹரிஷ் .தேங் யூ"என்றாள். "இட் இஸ் ஓகே" என்றான் ஹரிஷ். சுநந்தா கிருஷ்ணனை பார்த்து"நாளைக்கு காலைல வந்து அழிச்சுண்டு போயிடுங்கோ" என்றாள். அவள் மரியாதையா கிருஷ்ணனிடம் பேசியதை செவிமடுத்த தாரிணி "ஒஹோ.விஷயம் அப்படி போகிறதோ " என நினைத்துக் கொண்டாள்.அவள் மனதுக்குள் கிருஷ்ணன், சுநந்தாவை கல்யாண கோலத்தில் நினைத்துப் பார்த்து மகிழ்ந்தாள்.
சுநந்தாவும், தாரிணியும் தாரிணியின் ரூமை அடைந்ததும் ஒரு மணி நேரத்துக்கு மேல் பேசிக் கொண்டிருந்தார்கள்.
தாரிணி "உன் பொண்ணு பேரு சொல்லயே நீ "என்றாள் சுநந்தா. அதுக்கு தாரிணி"நான் அவ பேர ஒரு ரிடில் மாதிரி சொல்றேன். கண்டுபிடிக்கிறயான்னு பாக்கிறேன்" என்றாள். "சாதாரணமா தமிழ்ல மெய்யெழுத்தை வெச்சு எந்த வார்த்தையும் ஆரம்பிக்காது. ஆனா என் பொண்ணு பேர மெய்யெழுத்தை வெச்சும் ஆரம்பிக்கலாம். அதோட இல்லாம அது ஒரு சாஃப்ட்டான பேர்" என்றாள். இது சுநந்தாவை மூன்று நிமிஷம் சிந்திக்க வைத்தது. தாரிணியையே கேட்டுவிடலாம் என்று நினைத்துக் கொண்டிருந்தபோது அவள் மூளையில் மின்னல் வெட்டியது.-----வா என்றாள்.. "கரெக்ட். நீ ரொம்ப ஷ்ரூட்" என்றாள் தாரிணி." நீ கொடுத்த ரெண்டாவது க்ளுவ வைத்து தான் கண்டுபிடிச்சேன். சாப்டுக்கு ஆப்டான சம்ஸ்கிருத வார்த்தையினால தான்கண்டு பிடிக்க முடிஞ்சுது " என்றாள் சுநந்தா.(இதை படிக்கும் என் புத்திசாலி ரசிகர்கள் மிக சுலபமாக தாரிணியின் பெண்ணின் பெயரை கண்டுபிடித்து விடுவார்கள் என்று நினைக்கிறேன்)
பின்பு கிருஷ்ணனை பற்றி அதிகம் பேசி, சுநந்தாவின் வாயிலிருந்து ஏதாவது செய்தி வருகிறதா என்று பார்த்தாள் தாரிணி. சுநந்தா அவ்வளவு எளிதில் மசிவதாக இல்லை. கடைசியாக தாரிணி "என்ன சுநந்தா. கிருஷ்ணனை பத்தி நீ என்ன நெனைக்கிற"என்றாள். அதற்கு சுனந்தா "அவர் ரொம்ப வித்தியாசமா இருக்கார். டெக்னிக்கலா ஸ்ட்ராங்னு நீங்க சொல்றீங்க. திடீர்னு தமிழ் பக்கமும், ஆன்மீக பக்கமும் போறார். மியூசிக்ல இன்ட்ரஸ்ட் இருக்கு போல இருக்கு. மொத்தத்துல இன்ட்ரஸ்டிங் கேரக்டர்" என்றாள் பட்டும் படாமலும். தாரிணி அவளிடம் "கிருஷ்ணனை கல்யாணம் பண்ணிக்கிறவ ரொம்ப கொடுத்து வெச்சவ இல்லையா" என்றாள். அதற்கு சுநந்தா கன்னம் சிவக்க "ஆமாம். தட் இஸ் வெரி ஷுர்" என்றாள்.
பின்பு தாரணி நேரடியாகவே "கிருஷ்ணனை கல்யாணம் பண்ணிக்கனும்னு உனக்கு இஷ்டம் இருக்கா" என்று கேட்டாள். அதற்கு சுனந்தா "நேக்கு இஷ்டம் இருக்கா இல்லையா என்பது இரண்டாம் பட்சம். முதல்ல கிருஷ்ணனுக்கு இஷ்டமான்னு தெரியாது. அப்புறம் ரெண்டு பேர் ஆத்துலையும் இஷ்டப்படணம் "என்றாள்."அது சரி.நீ கிருஷ்ணன் கிட்ட ப்ரபோஸ் பண்ணலையா" என்றாள் தாரிணி. "இல்லை" என்றாள் சுநந்தா. இதற்கு தாரணி " நான் உன்னுடைய இடத்துல இருந்தேன்னா இவ்ளோ நேரம் சொல்லியிருப்பேன்" என்றாள். அதற்கு சுநந்தா ஒன்றும் பதில் சொல்லவில்லை. இவ்வளவு நேரம் தாரிணி இந்த பேச்சை வளர்த்துக் கொணண்டு போனதிற்கு இரண்டு காரணங்கள் இருந்தன.
சுநந்தா வேறு யாரையாவது காதலிக்கிறாளா என்று தெரிந்து கொள்வது முதல் காரணம். இரண்டாவது அவள் இவ்வாறு பேசியதன் மூலம் எவ்வளவு சீக்கிரம் கிருஷ்ணனுக்கு சுநந்தா ப்ரபோஸ் செய்கிளோ அவ்வளவு சீக்கிரம் செய்ய வேண்டும் என்பதற்காகத்தான்.
அடுத்த வாரம் குறிப்பிடும்படியான நிகழ்ச்சிகள் இல்லாமல் ஓடியது. வியாழக்கிழமை அன்று சரசா கிருஷ்ணனுக்கு போன் செய்தாள்.
"அப்பா க்ளோஸ் ஃப்ரெண்ட் வரதராஜன் சார் பொண்ணுக்கு கல்யாணம் வர ஞாயிற்றுக்கிழமை சென்னை டீ.நகர்ல இருக்கற கிருஷ்ணசாமி கல்யாண மண்டபத்தில் நடக்கறது.
நானும் அப்பாவும், சனிக்கிழமை கார்த்தால வைகைல கிளம்பி வரோம். சாயங்காலம் ரிசப்ஷன் அடண்ட் பண்ணிட்டு மறுநாள் கல்யாண முகூர்த்தத்ல கலந்துண்டூட்டு ராத்திரி பாண்டியனை பிடிக்கணம்" என்றாள். "சரிம்மா. அடையார்ல ஒரு ரூம் போடறேன்" என்றான் ஸ்ரீகிருஷ்ணன். "சரிடா. அப்படியே பண்ணீடு" என்றாள் சரசா. பின்பு கிருஷ்ணன் சுப்பிரமணியனுக்கு தன் அப்பா அம்மா வருவதை கூறி,அந்த வாரம் அங்கு வர முடியாது என்று கூறினான். இதைக் கேட்ட சுப்பிரமணியன் "சரசாவும்,மாப்பளையும் ஏன் ரூம்ல தங்கணம். நம்பாத்ல கடல் போல இடம் இருக்கு. ஏன் இங்க தங்க கூடாது.நீ ரூம் புக் பண்ணாத. நான் சரசா கிட்ட பேசறேன்" என்றான்.பிறகு சரசாவை காண்டாக்ட் செய்த சுப்பிரமணியன். 'சரசா. சென்னை வர போறயாமே. உங்களுக்கு அடையார்ல ரூம் போடறதா கிருஷ்ணன் சொல்லி இருக்கானாமே. ஏன் நாங்க இங்க இருக்கறது நோக்கு மறந்து போச்சா. நம்பாத்தல நீங்க வந்து தங்கி இருந்தா கொறைஞ்சி போயிடுவேளா" என்றான். "அதுக்கு இல்ண்ணா. உங்களை தொந்தரவு பண்ண வேணாமேன்னு பாத்தேன்" என்றாள். அதற்கு சுப்பிரமணியன்"என்ன நீ அன்னிய மனுஷன்னு நெனைச்சூட்ட இல்லையா"என்று குறைபட்டுக்கொள்ள சரசா" அப்படில்லாம் இல்லண்ணா.நாங்க உங்காத்துக்கே வந்து இறங்கீட்றோம்" என்றாள். பின்பு சுப்பிரமணியன் கிருஷ்ணனிடம் விவரத்தை கூறி "நாளைக்கு காலைல நீ வழக்கம் போல வந்தூடு.இங்கேந்து ஸ்டேஷன் போலாம்"என்றான்.
No comments:
Post a Comment