புள்ளிமான் வேட்டை 35.
அந்தப் பையன் உள்ளே வந்தவுடன் போலீஸ் உடுப்பில் ஒருவர் அமர்ந்திருப்பதை பார்த்து கொஞ்சம் மிரண்டு போனான். எச்.ஓ.டி அவனைப் பார்த்து 'சிட் டவுன்' என்று கூறினர். அவன் நாற்காலியில் அமர்ந்தான். பின்பு முருகானந்தம் அவனைப் பார்த்து "என்னப்பா. நீ படிக்க வந்திருக்கியா. இல்லை பெண்களுக்கு தொல்லை கொடுக்கவந்திருக்கயா " என்று கேட்டார். அவன் மிரண்டு போய் "ஏன் சார் இப்படி கேக்குறீங்க" என்றான். அவர் சுப்ரமணியனை சுட்டிக்காட்டி" இவர் யார் யார்னு தெரியுமா" என்றார். அவன் "தெரியாது சார். என்றான். "உன் கூட படிக்கிற சுநந்தா தெரியும் இல்ல." என்றார்." தெரியும்" என்றான் அவன். "சுநந்தாவின் அப்பா தான் இவர். இப்ப நான் கேட்ட கேள்விக்கு பதில் இருக்கா" என்று கேட்டார்.அவன் தலையை குனிந்து கொண்டான். "நீ பண்ணியிருக்கிற காரியத்துக்கு நான் உன் மேல ஸ்ட்ரிக்ட் ஆக்ஷன் எடுக்கலாம் தெரியுமா?" என்றார்.
"சார் நான் என்ன தப்பு பண்ணேன்" என்று கேட்டான் அந்த பையன். "சுநந்தாவை நீ மிரட்டலையா. பிளாக் மெயில் பண்ணலையா. அது எவ்வளவு பெரிய தப்பு என்று தெரியுமா உனக்கு"என்றார் முருகானந்தம்.அதற்கு அவனிடமிருந்து பதில் வரவில்லை. "இதோ பாரப்பா. ஒழுங்கா படிச்சு பாஸ் பண்ணிட்டு போற வழிய பாரு. பாதியில டிசி வாங்கிட்டு போனயான உன்னை இங்க படிக்கிற வைக்க உங்க பெற்றோர்களுக்கு கஷ்டமா இருக்காதா? உன்னை போல் தான எல்லோரும் கஷ்டப்பட்டு தானே படிக்கிறாங்க. உன்னுடைய இந்த பிஹேவியர் பிறத்தியாருக்கு எவ்வளவு கஷ்டமா இருக்கும்ன்னு உனக்கு தெரியல. இதுதான் நான் உனக்கு கொடுக்குற கடைசி வார்னிங்" என்றவர் அவனை அழைத்துக் கொண்டு வெளியில் சென்று ஒரு மரத்தடியில் நின்று அவனுடன் பத்து நிமிஷங்கள் பேசிக் கொண்டிருந்தார். பிறகு இருவரும் உள்ளே வந்தனர். லஞ்ச் டைம் வந்தது. பிறகு அவர் எச்.ஓ.டியை பார்த்து, சுநந்தாவை கூப்பிட்டு கொண்டு வர முடியுமா என்றார். ஐந்து நிமிஷத்தில் சுநந்தா வந்தாள்.அவளுக்கு சுப்பிரமணியன் மற்றும் டாக்டர் ராஜன் ஒரு போலீஸ் அதிகாரியுடன் அங்கு வருவார்கள் என்று தெரியாது. அவர்களைப் பார்த்ததும் அவளுக்கும் திகைப்பாய் இருந்தது.
"இப்ப அவளிடம் சொல்லு" என்றார் முருகானந்தம். சுநந்தா வைப் பார்த்த அவன்"ஐ ஏம் சோ சாரி சுனந்தா. இனிமேல் நான் உனக்கு தொல்லை கொடுக்க மாட்டேன். இதுவரை நான் உன்னிடம் நடந்து கொண்டதற்கு வெட்கப்படுகிறேன்" என்றான். அவன் சுப்பிரமணியத்திடம் வந்து "என்ன மன்னிச்சிடுங்க.சார். இனிமே உங்க பொண்ணு விஷயத்துல நான் தலையிட மாட்டேன்" என்றான். அதன் பிறகு முருகானந்தம் அவனிடம்"நான் ஏற்கனவே சைபர் க்ரைமில் இருந்திருக்கேன். உன்னுடைய மொபைல், லேப்டாப் இதெயெல்லாம். சோதனை போட்டா எனக்கு ஈசியா டேட்டா கிடைக்கும். அதெல்லாம் செய்ய வேண்டாம் என்று பார்க்கிறேன். ஏற்கனவே அது போல ஆடியோ இல்லைன்னு நீ சொல்லீட்ட. தப்பித்தவறி அது இருந்தாலும் இமீடியிட்டா டெலீட் பண்ணு" என்று கூறினார். "இல்ல சார். அதுபோல ஆடியோ இல்லவே இல்ல. சும்மாதான் சொன்னேன் "என்றான் அவன். இறுதியாக முருகானந்தம். "இதோ பார். நான் ஒண்ணு கடைசியா சொல்லிக்கிறேன். நீ வெளியில போயிட்டு பொலிட்டிக்கல் பிரஷர் ஏதாவது கொண்டு வரலாம்னு பாத்தியானா அதுக்கப்புறம் இப்ப பாக்குற முருகானந்தத்தை நீ பார்க்க மாட்டே. என்னை வித்தியாசமானவனா நீ பார்க்க வேண்டி வரும். தெரிஞ்சுக்கோ" என்றார். "இல்ல சார். நான் அப்படி செய்ய மாட்டேன்" என்று உறுதி அளித்தான் அந்த பையன்.பின்பு அவனைபோகச் சொல்லி அனுப்பிவிட்டார் முருகானந்தம். அதன்பின்பு எச்.ஓ.டியை பார்த்து"சார்.நீங்க இன்னும் கொஞ்ச நாளைக்கு இந்த பையனை கொஞ்சம் கண்காணிக்கணும். எங்கிட்ட அவ இனிமே ஒழுங்கா நடக்கறதா ப்ராமிஸ் பண்ணி இருக்கான். இருந்தாலும் உங்க சைடுல இருந்து யாராவது ஸ்டாப் மெம்பரை விட்டு அவனுடைய நடவடிக்களை மிக உன்னிப்பா செக் பண்ணிட்டு இருங்க. நான் என் செல்போனை நம்பரை உங்களுக்கு கொடுக்கிறேன். அப்படி ஏதாவது சந்தேகப்படும்படி இருந்தா இம்மீடியட்டா எனக்கு போன் பண்ணனும்" என்றார்.பின்பு எச். ஓ.டி யிடம் விடைபெற்று கொண்டு ஜீப்பில் ஏறி மெயின் கேட்டுக்கு வந்தார்கள். அங்கு ஜிப்பை நிறுத்திய முருகானந்தம் அவர்களிடம் "அந்தப் பையனை கூப்பிட்டு தனியா அழைத்துக் கொண்டு போய் நான் பேசினதை பாத்திருப்பேங்க. நம்ம நினைக்கிற படி அவன் அவ்ளோ மோசம் இல்லை. யாரோ ஃப்ரெண்ட்ஸ் சொல்லிக் கொடுத்து இப்படி பண்ணி இருக்கான். ரொம்ப பயந்து போயிட்டான். இனிமே இப்படி பண்ண மாட்டேன்னு உறுதி சொல்லி இருக்கான். என்னுடைய இவ்வளவு வருஷம் எக்ஸ்பீரியன்ஸ் வைச்சு பாத்தா அவன நம்ம நம்பலாம் என்று நினைக்கிறேன். மேல் கொண்டு ஏதோ ப்ராப்ளம் வந்தா நான் பாத்துக்குறேன். நீங்க தைரியமாக இருக்கலாம்"என்று சொன்னவர் சுப்ரமணியனைப்பார்த்து "மணி சார். நீங்க உங்க டாட்டர் கிட்டே சொல்லுங்க. அவன் ஏதாவது மறுபடியும் அவ கிட்ட மிஸ் பிஹேவ் பண்ண பார்த்த்தான்னா இமீடியட்டா நீங்க எனக்கு போன் பண்ணுங்க" என்று கூறி தன்னுடைய நம்பரை சுப்பிரமணியனிடம் கொடுத்தார்.பின் அவரது ஜுப் நகர ஆரம்பித்தது. அவருக்கு நன்றி தெரிவித்து விட்டு ராஜனும்,சுப்ரமணியனும் காரில் ஏறிக்கொண்டார்கள். பின்பு ராஜன் சுப்ரமணியனை அவனுடைய ஆபீஸில் விட்டு விட்டு கிளம்பிச் சென்றார்.
No comments:
Post a Comment