கொத்தவரங்காய் கார குழம்பு

 கொத்தவரங்காய் கார குழம்பு....

தேவையான பொருட்கள்

 40நிமிடங்கள்

 5 நபர்கள்

1/4கி கொத்தவரைங்காய்

2டேபிள் ஸ்பூன் எண்ணெய்

1பெரிய வெங்காயம்

1எலுமிச்சை அளவு புளி

1பெரிய தக்காளி

1/2ஸ்பூன் மஞ்சள் தூள்

2ஸ்பூன் குழம்பு மிளகாய் தூள்

1/2கப் துருவிய தேங்காய்

10சாம்பார் வெங்காயம்

1ஸ்பூன் சீரகம்

தேவையானஅளவு உப்பு

1ஸ்பூன் கடுகு

1கொத்து கறிவேப்பிலை

சமையல் குறிப்புகள்

முதலில் கொத்தவரங்காயை நீளமாக நறுக்கிக் கொள்ளவும்.. கடாயில் ஒரு டேபிள் ஸ்பூன் எண்ணெய் விட்டு அதில் கொத்தவரங்காயும் நீளமாக நறுக்கிய வெங்காயத்தையும் போட்டு நன்றாக வதக்க வேண்டும்.. வதக்கி செய்வதால் குழம்பு மணமாக இருக்கும்..

நன்றாக வதங்கியதும் அதனுடன் கரைத்து வைத்த புளியையும் சேர்த்து மிளகாய் தூள், மஞ்சள் தூள், தக்காளி சேர்த்து புளியும் மிளகாய் தூளும் பச்சை வாசனை போகும் அளவு நன்றாக கொதிக்க விடவும்.. அதே சமயம் காயும் நன்றாக வெந்துவிடும்.. காய் வெந்த பிறகு உப்பும் சேர்த்து கொதிக்க விடவும்.. முதலிலேயே உப்பு சேர்த்தால் காய்கறி வேக நேரம் ஆகும்..

 மிக்ஸி ஜாரில் தேங்காய், சீரகம், சாம்பார் வெங்காயம் சேர்த்து மையாக அரைத்துக் கொள்ளவும்..

குழம்பு கொதித்துக் கொண்டிருக்கும் போது அரைத்த தேங்காயை அதில் ஊற்றி நன்றாக கெட்டியாக வரும் அளவு கொதிக்க விடவும்.. கொதித்து கெட்டியானதும் இறுதியாக கொத்தமல்லி இலை தூவி அடுப்பை அணைத்து விடவும்..

கடாய் வைத்து மீதமுள்ள எண்ணெய் ஊற்றி கடுகு கருவேப்பிலை தாளித்து குழம்பில் சேர்க்கவும்..

இப்போது சூடான சுவையான அருமையான கொத்தவரங்காய் காரக்குழம்பு தயார்..