ஆந்திரா ஸ்டைல் பருப்பு

 ஆந்திரா ஸ்டைல் பருப்பு பொடி செய்வது எப்படி .....

ஒரு அகலமான கடாயில் ஒரு கப் துவரம்பருப்பு சேர்த்து கொள்ள வேண்டும். எண்ணெய் சேர்க்காமல் இந்த பருப்பை பொன்னிறமாக வறுத்து எடுத்துக் கொள்ள வேண்டும். வறுத்த இந்த பருப்பை ஒரு அகலமான தட்டிற்கு மாற்றிக் கொள்ளலாம்.

அடுத்ததாக ஒரு கப் துவரம் பருப்பிற்கு கால் கப் கடலை பருப்பு என்பது கணக்கு. அதன்படி கால் கப் கடலை பருப்பு சேர்த்து பொன்னிறமாக வறுத்து எடுத்துக் கொள்ளவும். அடுத்ததாக கால் கப் பாசிப்பருப்பு சேர்த்து பொன்னிறமாக வறுத்து தட்டிற்கு மாற்றிக் கொள்ளவும்.

அடுத்து அதே கடாயில் ஒரு தேக்கரண்டி சீரகம், காரத்திற்கு ஏற்ப ஐந்து முதல் ஆறு காய்ந்த வத்தல் சேர்த்து வாசனை வரும்வரை வறுத்து எடுத்துக் கொள்ளவும். இதையும் அந்த தட்டிற்கு மாற்றிக் கொள்ளலாம். இறுதியாக ஒரு கைப்பிடி அளவு கருவேப்பிலை சேர்த்து நன்கு வறுத்துக்கொள்ள வேண்டும்.

வறுத்த இந்த பொருட்கள் நன்கு சூடு ஆறியதும் ஒரு தேக்கரண்டி பெருங்காயம், ஒரு தேக்கரண்டி உப்பு சேர்த்து கலந்து கொள்ள வேண்டும். இறுதியாக இவற்றை மிக்ஸி ஜாரில் சேர்த்து நன்கு மையாக அரைத்து எடுத்துக் கொள்ள வேண்டும்.

இப்பொழுது சுவையான ஆந்திரா ஸ்டைல் பருப்பு பொடி ரெ