வழி தவறிய கதை

 வழி தவறிய கதை

எங்கள் வங்கியில் வேலை பார்த்த அதிகாரி ஒருவரை உள்ளூரிலேயே இருக்கும் வேறொரு கிளைக்கு மேலாளராக போட்டோம். சனிக்கிழமை மாற்றல் ஆணையை வாங்கி கொண்டார்

திங்கட்கிழமை காலை ஒன்பதரை மணிக்கே கிளைக்கு சென்று தனது கேபினில் உட்கார்ந்து கொண்டார். அங்கே பணியிலிருந்த கடைநிலை சிப்பந்திக்கு ஒண்ணுமே புரியலை. இவர் அவனை கூப்பிட்டு

இங்கே எவ்வளவு பேர் வேலை பார்க்கிறார்கள்

எல்லாரும் எப்போது வேலைக்கு வருகிறார்கள் என்று பல கேள்விகள் கேட்டு அவனை படுத்தி எடுத்துவிட்டார். அவனுக்கோ ஒண்ணும் புரியலை. அந்த ஊழியர்  தயங்கி தயங்கி ஸார் நீங்க யாருன்னு தெரிஞ்சுக்கலாமா

உடனே இவர் உனக்கு ஒண்ணும் தெரியாதா 

நான்தான் இந்த கிளைக்கு வந்திருக்கும் புதிய மேலாளர்.

எல்லா ஸ்டாஃபையும் என்னுடைய அறைக்கு வர சொல்லு என்று உத்தரவிட்டார். இவனுக்கு ஒண்ணுமே சுத்தமா புரியலை. ஏன்னா தற்போது இருக்கும் மேலாளரை பற்றிய எந்த அறிவிப்பும் இல்லை.  

அதற்குள் எல்லா ஊழியர்களும் வந்தவிட்டனர். அந்த கிளையின் மேலாளர் நம்ம ஆளுகிட்ட போய் ஸார் நான் உங்களது மாற்றல் ஆணையை பார்க்கலாமா என்று கேட்டதுதான் தாமதம் நம்மாளும் எடுத்து கொடுத்துவிட்டார். அதை பார்த்ததும் இவருக்கு சிரிக்கிறதா அழறதானே தெரியலை.

ஏன்னா நம்மாளு கொடுத்ததோ பாங்க் ஆஃப் இன்டியா இட மாற்றல் ஆணை. தற்போது உட்கார்ந்து அதிகாரம் செய்வதோ அதே இடத்திலுள்ள பாங்க் ஆஃப் பரோடா கிளையில்.....

by Mohan Krishnamurthy