வடை கோபி

 வடை கோபி        

தேவையான பொருள்கள்         பருப்பு வடை - 3, காலிப்ளவர்(கோபி) - 5 இதழ்கள், வெங்காயம் - ஒன்று, தக்காளி - ஒன்று, இஞ்சி, பூண்டு விழுது - ஒரு தேக்கரண்டி, சோம்பு - ஒரு தேக்கரண்டி, சாம்பார்பொடி - 2 தேக்கரண்டி, கரம் மசால் பொடி - கால் தேக்கரண்டி, கறிவேப்பிலை - ஒரு கீற்று, கொத்தமல்லி இலை - ஒரு பிடி, உப்பு - தேவைக்கு, எண்ணெய் - வதக்க   

       செய்முறை            முதலில் வடை கோபி செய்ய தேவையான பொருட்களை தயாராக எடுத்து வைத்துக் கொள்ளவும்.வடையை மிக்ஸியில் போட்டு ஒன்றிரண்டாக பொடிக்கவும்.பொடித்த வடை துண்டுகளின் அளவுக்கு(வடிவத்திற்கு) ஏற்ப அளவில் காலிப்ளவர் பூக்களை உதிர்த்து கொள்ளவும்(கலந்து பார்க்க வடைத்துண்டுகளும், பூக்களும் ஒன்றுபோல் இருக்குமாறு). வெங்காயம் தக்காளியை நறுக்கி வைக்கவும். இஞ்சி மற்றும் பூண்டை நசுக்கி வைக்கவும். வாணலியில் எண்ணெய் ஊற்றி காய்ந்ததும் சோம்பு, கறிவேப்பிலை, வெங்காயம் இவற்றை ஒன்றன்பின் ஒன்றாக வதக்கவும். வெங்காயம் வதங்கியதும் இஞ்சி, பூண்டு விழுதை சேர்த்து வதக்கவும்.அதன் பின் தக்காளியை சேர்த்து வதக்கவும்.தக்காளி வதங்கியதும் அதனுடன் காலிப்ளவர் துண்டுகளை போட்டு வதக்கவும்.அதனுடன் சாம்பார்த் தூளை போட்டு வதக்கி விடவும். தேவையான அளவு நீர் விட்டு கொதிக்க விடவும். காய் பாதி வெந்ததும் பொடித்த வடைத்துண்டுகளை போட்டு கரம்மசால் பொடி போட்டு கிளறவும்.நன்றாக ஒன்று சேர்ந்து கொதித்து ஒரளவிற்கு கெட்டியானதும் மல்லி இலைத் தூவி இறக்கவும்.சுவையான வடை கோபி தயார்.