மிளகு ரசம்

 மிளகு ரசம்

தேவையான பொருட்கள்

புளி : நெல்லி அளவு

பூண்டு : 6 - 8 பல்

மிளகு : 1 - 2 மேஜைக்கரண்டி

தக்காளி : 1

பெருங்காய தூள் : ½ மேஜைக்கரண்டி

மல்லி தூள் : ½ மேஜைக்கரண்டி

மிளகாய் தூள் : ½ மேஜைக்கரண்டி

சீரகம் : ½ மேஜைக்கரண்டி

மஞ்சள் தூள் : ½ மேஜைக்கரண்டி

கொத்தமல்லி தழை : சிறிதளவு

உப்பு : தேவையான அளவு

நெய் : ½ மேஜைக்கரண்டி

தாளிக்க

கடுகு : ½  மேஜைக்கரண்டி

கருவேப்பிலை : சிறிதளவு

எண்ணெய் : 1 மேஜைக்கரண்டி

சிவப்பு மிளகாய் : 1

செய்முறை

சீரகம், மிளகு னை வெறும் வாணலியில் வறுத்து பொடி செய்து கொள்ளவும்

பூண்டினை இடித்து வைத்து கொள்ளவும் , புளியை தண்ணீரில் 15 நிமிடம் ஊற வைக்கவும்

புளி தண்ணீருடன் தக்காளி சேர்த்து பிசைந்து தனியே வைக்கவும்

ஒரு கடாயில் எண்ணெய் ஊற்றி கடுகு , கருவேப்பிலை, சிவப்பு மிளகாய்  தாளித்து பின் பூண்டு சேர்த்து வதக்கவும்

பின் மஞ்சள் தூள் , மிளகாய் தூள் , மல்லிதூள் சேர்த்து 30 செகண்ட் வதக்கவும்

பின் அரைத்து வைத்த சீரகம் மிளகு தூள் சேர்க்கவும்

பின் ½ நிமிடம் கழித்து புளி ( புளி + தக்காளி ) தண்ணீர், உப்பு  சேர்க்கவும்

ஒரு கொதி வந்ததும் கொத்தமல்லி தழை , பெருங்காய தூள் , நெய் சேர்த்து அடுப்பை ஆப் செய்யவும் .