சமையல் டிப்ஸ்:-
வெண்டைக்காய் வதக்கும் போது சிறிது தயிர் சேர்த்து வதக்கினால் பிசுபிசுப்பு இருக்காது.
மாங்காய் ஊறுகாய் செய்யும்போது பச்சை நல்லெண்ணெய் இரண்டு அங்குலம் மேலே நிற்குமாறு ஊற்றினால் ஊறுகாய் நீண்டநாட்களுக்கு கெடாமல் இருக்கும்.
வெண்டைக்காய் குழம்புக்கு வெண்டைக்காயை வதக்கும் போது சிறிது புளித்த மோரை சேர்த்தால் குழம்பு சுவையாக இருக்கும்.
உருளைக்கிழங்கு காரக்கறி செய்யும் போது அரைக்கரண்டி புளிப்பில்லாத கெட்டித் தயிரை சேர்த்து வதக்கினால் மிகவும் ருசியாக இருக்கும்.
துவரம் பருப்பை வேக வைக்கும் போது தேங்காய் துண்டு ஒன்றை நறுக்கி போட்டால் பருப்பு சீக்கிரம் வெந்துவிடும்.
உருளைக் கிழங்கை உப்பு நீரில் சிறிது நேரம் ஊற வைத்துவிட்டுப் பிறகு அடுப்பில் வைத்தால் உருளைக் கிழங்கு சீக்கிரம் வெந்துவிடும்.
பாகற்காயை நறுக்கி காயவைத்து தூளாக்கி, ஒரு டீஸ்புன் தூளை ஒரு டம்ளர் வெந்நீரில் கலந்து குடித்து வந்தால் அல்சர் குணமாகும்.
மரவள்ளிக்கிழங்கில் வறுவல் செய்யும்போது, மரவள்ளிக்கிழங்கை 5 நிமிடங்கள் ஆவியில் வைத்து எடுத்தபின் வறுத்தால் மரவள்ளிக்கிழங்கு வறுவல் மொறுமொறுவென சுவையாக இருக்கும்.
எலுமிச்சை சாதம் செய்யும் போது ஒரு டேபிள் ஸ்பு ன் சர்க்கரை சேர்த்தால் சுவையாக இருக்கும்.
சிறிது மிளகை எண்ணெய் உள்ள பாத்திரத்தில் போட்டு வைத்தால், எண்ணெய் நீண்ட நாட்களுக்கு கெடாமல் இருக்கும்.
No comments:
Post a Comment