அடை பிரதமன்

அடை பிரதமன்  

 *தேவையான* *பொருள்கள்*         

அடை - ஒரு கப், ஜவ்வரிசி - 2 மேசைக்கரண்டி (விருப்பப்பட்டால்), முதல் தேங்காய் பால் - ஒரு கப், 

இரண்டாம் தேங்காய் பால் - ஒரு கப், மூன்றாம் தேங்காய் பால் - 2 கப், 

வெல்லம் - 2 கப், முந்திரி - 15, 

தேங்காய் பத்தை - 2, சுக்கு பொடி - அரை தேக்கரண்டி, 

உப்பு - ஒரு சிட்டிகை, நெய் - 2 மேசைக்கரண்டி, ஏலக்காய் பொடி - கால் தேக்கரண்டி          

 *செய்முறை*            

அடை மற்றும் ஜவ்வரிசியை வேக வைத்து எடுத்து வைக்கவும். தேங்காய் துருவி மூன்று பாலையும் எடுத்து வைக்கவும். வெல்லத்தை சுடு நீர் கொண்டு கரைத்து கசடு இல்லாமல் வடிகட்டி வைக்கவும்.

சிறிதளவு நெய் விட்டு முந்திரி மற்றும் பொடியாக நறுக்கிய தேங்காயை பொன்னிறமாக வறுத்தெடுக்கவும்.ஒரு அடி கனமான பாத்திரத்தில் வெல்லம் ஊற்றி கொதிக்க விடவும். கொதி வந்ததும் அடை மற்றும் ஜவ்வரிசி சேர்த்து வேக விடவும்.

இந்த கலவை குறைந்து பாத்திரத்தில் ஒட்டாமல் சுருண்டு வரும் போது மீதமுள்ள நெய் சேர்க்கவும்.இப்பொழுது மூன்றாம் பால் சேர்த்து நன்கு கிளறி கொதிக்க விடவும்.பால் நன்கு கொதித்து சுண்டியதும் ஒரு சிட்டிகை உப்பு சேர்க்கவும்.

 இப்பொழுது இரண்டாம் பால் சேர்க்கவும்.இரண்டாம் பால் சுண்டியதும் முதல் பால் சேர்க்கவும். கொதிக்க விடக்கூடாது. அடுப்பை அணைத்து முந்திரி தேங்காய் ஏலக்காய் பொடி மற்றும் சுக்கு பொடி சேர்த்து கிளறி மூடி வைக்கவும்.

ஐந்து நிமிடம் கழித்து பரிமாறவும். அப்பளத்துடன் சாப்பிட இன்னும் அருமையாக இருக்கும். சூடாகவோ அல்லது ஆறிய பின்னரும் சாப்பிடலாம்.

இது கேரளாவில் மிகவும் பிரபலம். ஓணம் சத்யாவில் இதற்கு கண்டிப்பாக இடம் உண்டு. உருளியில் செய்தால் சுவை கூடும்.

🪷🪷🪷